1 Yoni 1:5 - Loina Nuahuana

⁵ Coinega wasa bewa sihegwaemaiya, ta 'ahepwaileya 'oimiya 'abehega Yehoba 'asilala huhuna, ma geya 'eta guguyou Yehoba 'oina 'imiyamiya.

1 Yoni 1:5 Referans Kwoze

Yoni 8:12

Coinega Yesu wete 'ihegwae hilediya 'igwae, “Taugu gogo gabulena 'ana 'asilala. Ma taiyawedi 'omi 'eguma wamuliyegau, nata taugu 'asilalaina yawasimi 'oidiya yasae hane, ma 'oinega geya'abwa guguyou 'oina watautauya.”

Yemesa 1:17

Ma hesi wasanapu moisa helau 'ausaladi mabwaiyadi galewega silatuma Yehoba 'oinega, tauna 'asilala 'adi topaihowa, ma wete geya 'ida buiya, gidemusa logulogu sibuibuidi.

Yoni 1:9

Ma 'asilalaina 'asilala moisa. Gogo gabulena mabwaiyada 'oida 'ihe'asilala.

Yoni 1:4

Gwae huhunaina mayawasina moisa, 'oinega 'asilala 'i'eweyama ta 'i'abi latuheyama tomiya bale'u mabwaiyada 'oida.

Yoni 9:5

Coinega tutaina taugu bale'uwa yamiyamiya, taugu tuwa bale'uina 'ana 'asilalaina.”

Heꞌitaꞌita 22:5

Geya'abwa wete 'ida guguyou, ma geya nuwadi sinala ma mayale 'asilaladi, weyahina Bada Yehoba tauna tuwa 'idi 'asilalaina, ma siloina hataya.

Heꞌitaꞌita 21:23

Sinala ma wai'ena geya sida saehaneya 'asaina 'oina, weyahina Yehoba 'ina wasawasega 'i'atuhe 'asilaleya mabwaiyana, ma wete Lami 'ihemayaleya 'asaina 'oina.

1 Timoti 6:16

Yehoba 'iboimo miyamiya hatayana, ma geya 'eta taiya gide. Ma 'ina tupwa geya sawasawahida ma ta'ita, weyahina 'asilala hedada, ma geya sawasawahina Yehobaina ta'ita, ta 'ina wasawasa ta 'ina waiwai nata geya sigumwagumwala. Emeni.

1 Yoni 3:11

Mwalo hemataluwa madouna bewa 'agwae nugeta pwaiya 'oimiya 'abehega 'iyadao mabwaiyadi tahelauwedi.

1 Kolinita 11:23

Cida Bada Yesu 'ina 'ai 'ana sanapu 'ihe'ita pwaigauwa ta taugu yahe'itegomi, beno nihuwanaina 'oina Yudasa 'itebaeya, Yesuina beledi 'i'eweya,

Yoni 1:19

Tuta beno 'oidiya, meYudiya 'idi tohanugetao topwaoli tupwadi ma Libai tupwana 'ina bodao 'oidiyega sihesumanedima Yelusalema 'oinega Yoni sabi hesilalaina 'abehega tauna to loheya.