1 Timoti 6:5 - Loina Nuahuana

⁵ Coinega 'iyadiyao ba'idadiyao sihe'ahwa panapanawa, ma 'idi nuwatuhu galadi weyahina nata he'ita moisa geya sisanapu, ma hesi 'idi nuwatuhu 'abehega Yehoba 'ana he'asisi 'oinega 'idi wasawasa madouna sida loba bale'uwa.

1 Timoti 6:5 Referans Kwoze

2 Timoti 3:5

Tomotaedi sitapwatapwalolo tuwa ma Yehoba 'ina waiwai geya sihemisae, 'oinega 'idi tapwaloloina tuwa ginaula besobeso, 'oinega bodaedi taudi sahena 'oidiya 'uluhuluhu.

2 Pita 2:3

Ma togalaedi tobwatobwa nuwadi 'i'eweya, 'oinega 'idi gwae hotohotowega 'abwa si'abowegomi ma 'imi tobwatobwa si'ewadi. Mwalo hene 'adi maisa Yehoba 'ilaguya eema 'iyamwayamwa namo, ma geya 'ida buiya.

Taito 1:11

Coinega 'idi 'ahwa'abo'abo weyahina 'u'etobodedi, weyahina hali susu ma hali susu si'abihepuidi, ta 'idi he'ita 'abo'aboina 'oinega nuwanuwadi mane siloba.

2 Timoti 3:8

Tomotaedi he'ita moisa silo'aleheya, gide taudi mwalo Yanisi ma Yamilisi Mosese silo'aleheya, ta 'adi 'ita gide taudi tohemisa ma 'atediya 'abo ma nuwatuhu galadi simiyamiya.

1 Timoti 6:6

Ma hesi tauda 'ida wasawasa hagana. Yehoba 'ana he'asisi 'oinega sawasawahina 'iloinaegita, ma hesi wasawasa bale'u 'ana loba sahena weyahina tanuwanuwatuhu.

1 Timoti 3:3

ma sahena bwasi galana 'inumanuma yauyaule, ma wete sahena 'ihehegamwagamwagu, ma hesi mumugana nuhana, ma geya 'ida 'ahwa panapanawa, wete sahena wasawasa nuwana 'i'ewa'ewa.

Madiu 23:13

“Ma hesi 'omi loina 'ana tohe'itao ma Palisiyao 'atemuyamuyaimi, weyahina 'imi 'abowega tomota wa'ausidiya ma 'oinega Yehoba 'ina 'ebeloina 'oina sahena siluhuluhu. Comi geya'abwa waluhuluhu, ma tomota wete taiyawedi nuwanuwadi ma siluhu wanuwahidiya.

Madiu 12:33

Yesu wete 'ihegwaediya, “Caiwe 'eguma 'ausalana, huwaina wete 'ausalana. Ma 'eguma 'aiwe galana, huwaina wete galana. Weyahina 'aiwe 'aigeda 'aigeda huwaidi 'oidiyega tasanasanapudi 'abehega 'aiwedi 'ausaladi bo galadi.

1 Timoti 1:6

Ma hesi tomota tupwadi hemisa bewa silogwahateya, ta gwae besobesowega si'waniya.

Heꞌitaꞌita 18:3

weyahina Babiloni 'ina wainiyega boda mabwaiyadi 'ihenumediya, wainiina beno pui galana. Tauna gide toganawala. Coinega bale'u 'ana kiniyao ba'idadiu sipuiya, ma 'ina puiyedi 'oidiyega to'ahwa'uneyao 'idi wasawasa madouna silobaloba.”

Yude 1:11

Nuwa'ole'oledi weyahina Keni 'ina 'eda galana 'oinega sitautauya, ma 'oinega 'idi wasawasa weyahina simumuga galana, gidemusa wete Balami mwalo mumugana. Coinega sihesilae, weyahina loina bwebwe'ana silogwahateya, mwalo gidemusa Kola tauna loina 'ilogwahateya.

2 Pita 2:15

Ceda dumwadumwaluna si'ebesine pwaiya eeta sitauya puiya, 'oinega Bioli natuna sanina Balami 'ina mumuga galana mwalo hene taudi bewa tuwa simuliyeya, weyahina tauna nuwanuwana ma 'ina paihowa galana 'oinega 'ida hewasawasa,

1 Timoti 3:8

Dikoniyao wete 'ilobwainediya ma mumugadi 'ausalana ma'idi nuwatuhu dumwaludi, ma sahena bwasi galana sinumanuma hedada, ma sahena wasawasa 'oina sihehemisa.

2 Tesalonaika 3:6

Ciyamayao, wete 'ahenuwa lagugomi 'ida Bada Yesu Keliso saninega, ma 'ane 'iyadao tupwadi tolowahi'wata wa'ebesinedi, weyahina lowahi'wata geya tauma 'ahe'itegomi, ma guibigamo 'ana 'eda hesi.

Madiu 21:13

ma 'ihegwaediya, 'igwae, “Buki He'asisi 'oina Yehoba 'ina gwae sileleya, 'igwae, ‘Cigu Hada nata sanina sibwauwe hada 'ebe 'ahwanoi,’ ma 'omi wabui lohihiliya ma 'abehega 'imi 'ebe yagaha.”

Heꞌitaꞌita 18:13

ma seyala, ma mwahadi, ma gado'a*, ma holowa, ma ginaula mahamahaina, ma waini, ma holowa ganinibu, ma witi, ma bulumakau, ma sipi, ma hosi, ma waga lisilisi, ta wete tomota mayawasidi sihegimwaneyedi ma 'abehega 'idi topaihowao.

1 Kolinita 11:16

Cada loina bewa gide, ma geya 'eta wete hali loina tohekalesiyao mabwaiyada 'oida, 'oinega sahena 'eta taiya loinaina weyahina 'igwaegwae hila.

1 Timoti 4:7

Ma he'ote'otetela besobesowedi geya Yehoba 'oinega, sahena 'uhehesagohedi, ma hesi 'utoho waiwai ma tuta mabwaiyana 'umumuga 'ausala Yehoba matana.

1 Timoti 4:8

Eema ginauledi tapaipaihowedi wahida 'ana 'abi weyahina, beno ginaula bwebwe'ana, ma hesi yaluyaluwada 'ana 'abi ginaula bwebwe'ana hedada, 'i'abihetegita 'ida tuta bale'uwa weyahina, ma wete tuta 'inaonaoma weyahina.