1 Timoti 6:16 - Loina Nuahuana

¹⁶ Yehoba 'iboimo miyamiya hatayana, ma geya 'eta taiya gide. Ma 'ina tupwa geya sawasawahida ma ta'ita, weyahina 'asilala hedada, ma geya sawasawahina Yehobaina ta'ita, ta 'ina wasawasa ta 'ina waiwai nata geya sigumwagumwala. Emeni.

1 Timoti 6:16 Referans Kwoze

1 Timoti 1:17

Coinega Yehoba tahe'asisiyane ma tahepwatuwe hataya, weyahina tauna 'aigeda tuwa Yehoba moisa, geya sawasawahina ma 'ana 'ita ta'ita, geya 'ida 'amasa, ma hesi 'ina loina 'oida nata geya 'igumwagumwala. Emeni.

Yoni 1:18

Yehoba 'ana 'ita geya 'eta taiya 'ida 'iteya, ma hesi natuna moisa 'iboi 'isanasanapu Tamana 'ana 'ita. Weyahina tauna Tamana deina 'imiyamiya, 'oinega tauna Tamana 'ana 'ita 'ihe'itegita.”

1 Yoni 1:5

Coinega wasa bewa sihegwaemaiya, ta 'ahepwaileya 'oimiya 'abehega Yehoba 'asilala huhuna, ma geya 'eta guguyou Yehoba 'oina 'imiyamiya.

Kolose 1:15

Tauda geya sawasawahida ma Yehoba ta'ita, ma hesi 'ana 'ita tuwa Natunaina, ma Yehoba 'ana paipaihowa mabwaiyadi Natunaina 'ihane sinediya.

Yoni 6:46

Ma geya 'eta taiya Tamadai 'i'ita toho, beno tuwa yaboi, weyahina taugu 'oinega yasuluma.

Heꞌitaꞌita 22:5

Geya'abwa wete 'ida guguyou, ma geya nuwadi sinala ma mayale 'asilaladi, weyahina Bada Yehoba tauna tuwa 'idi 'asilalaina, ma siloina hataya.

Heꞌitaꞌita 4:11

“Cowa 'ima Bada ta 'ima Yehoba, 'ilobwainemaiya ma 'ahepwatuwego ma 'ahe'asisiyego, weyahina 'ino waiwaiyega ginaula mabwaiyana 'u'abi hemasalehediya. Cuboi 'ino nuwatuhuwega 'upaihowediya, ta nige mayawasidi.”

Heꞌitaꞌita 1:6

Coinega 'ihegogonegita ma 'abehega tahetoloina ma tapwaoli Tamana Yehoba 'oina. Yesuina tauna 'ina wasawasa ta 'ina waiwai miyamiya hatayadi. Emeni.

Yude 1:25

Yehoba taunamo 'ada To'abihetena. Cabihetenaina 'ipaihoweya 'ida Bada Yesu Keliso 'ina paihowega. Coinega tahepwatuwe 'ina loina dumwadumwaluna ma waiwaina mwalohene ta nige ma tuta sinaonaoma 'oidiya. Emeni. Taugu Yude.

Epeso 3:21

Coinega tohekalesiyao mabwaiyada Yesu Keliso saninega tahepwatu hatae, sauga mabwaiyana 'oidiya. Emeni.

Heꞌitaꞌita 7:12

sigwaegwae, “Moisa, 'ida Yehoba 'oina tahepwatu ma ta'ahwa wasawasae ma sanapu ta loyauwedo ta he'asisi ta waiwai simiya hataya 'oina.”

Ibeliu 13:8

Yesu Keliso 'ina mumuga mwalohene ta nige, ta tuta 'inaonaoma 'oidiya, geya 'ida 'abihedumedumeya.

Heꞌitaꞌita 21:3

Ma wagahata wasawasa 'oinega 'enana madouna yahesagoheya, 'igwaeya, “Cu'ita, Yehoba ma'ina tomotaiyao ba'idanao 'abwa simiyamiya, weyahina tauna ba'idadiu, ma taudi 'ina tomota. Moisa Yehoba tauna ba'idadiu,

Yoni 14:9

Ma Yesu 'enana 'ihemaiseya 'igwae, “Pilipi, sauga saliya hedadena 'oimiya yamiyamiya ma hesi geya 'usanapu tohogau. Taiyawedi 'omi wa'ita pwaigauwa, 'omi Tamagu wete wa'ita pwaiya. Coinega to'aha weyahina 'ugwaeya, ‘Tamauina hede 'uhe'itemai?’

Heꞌitaꞌita 1:8

Cida Bada 'igwae, “Taugu 'ebe hegaina ma 'ebe losaloha.” Tauna Yehobaina tohewaiwai moisa, mwalo hene, ta tuta bewa, eema tuta sinaonaoma 'oidiya 'imiyamiya.

Yoni 8:58

Ma Yesu 'ihegwaediya, 'igwae, “Yagwae moisa 'oimiya, taugu nugeta yamiyamiya, 'abwa muliyetega Ebalahamo 'ili'uwa.”

Pilipai 4:20

Coinega 'ida Yehoba Tamadaiina tada hepwatuwe hataya. Emeni.

Yemesa 1:17

Ma hesi wasanapu moisa helau 'ausaladi mabwaiyadi galewega silatuma Yehoba 'oinega, tauna 'asilala 'adi topaihowa, ma wete geya 'ida buiya, gidemusa logulogu sibuibuidi.

1 Yoni 1:7

Ma hesi 'eguma tupwa 'asilala 'oina tamiyamiya, gidemusa Yehoba 'ina tupwa 'asilala 'oina 'imiyamiya, beno ta'ahwa 'iya'iyagu moisa, weyahina Natuna Yesu bweyahinega 'igihe'ehaugita 'ida puiyao mabwaiyadi 'oidiyega.

1 Yoni 4:12

Geya 'eta tuta mebale'u Yehoba sida 'iteya, ma tauda hesi 'eguma tahelau hilegita beno Yehoba mahetedai, ma 'ina helau moisa 'ateda 'imiyamiya.