1 Timoti 6:13 - Loina Nuahuana

¹³ Cowa Timoti yaloinaego Yehoba matana, tauna ginaula mabwaiyana yawasidi 'ana to'ebwaya, ma wete Yesu Keliso matana, tauna mwalo Ponitio Pailato 'oina gwae moisega 'igwaeya.

1 Timoti 6:13 Referans Kwoze

Madiu 27:11

Coinega Yesu Pailato matana sihetoholoya, tauna toloina madouna, ma Pailatoina Yesu 'ihesilaleya, 'igwae, “Cuhepwaila, 'owa meYudiya 'idi kini, 'awa?” Ma Yesu 'igwaeya, “Beno 'ugwae pwaiya.”

1 Timoti 5:21

Bewa 'a hemataluwa 'oiguwega Yehoba ma Yesu Keliso matadiya, ma wete aneloseyao hesihesinuwaidi matadiya, 'abehega loina bewa 'umuliya moisa. Tomota mabwaiyadi 'uloinaedi loina 'aigeda tuwamo 'oinega, ma sahena tupwadimo 'oidiya 'uloina waiwai, ma tupwadi 'oidiyega geya.

Heꞌitaꞌita 3:14

Aneloseina totapwalolowedi Leodisiya 'oina 'i'ita'itayahidi, 'ina leta 'ulele meLeodisiya weyahidi, ma 'ugwae: Tetela bewa 'itauyama Todumwalu 'oinega, tauna Tohepwaila moisa, ma wete tauna Yehoba 'ina paihowao lamuna 'ina hepwaila 'oimiya 'igwaeya,

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.

Yoni 5:21

Gide Tamagu to'amasa 'i'abi'abi hetoholo hiledi ma yawasidi 'i'ebwa'ebwaedi. Coinega taugu wete gide yawasi hauhauna tomota ya'ebwa'ebwaedi taiyawedi taudi yahesinuwedi.

Heꞌitaꞌita 22:1

Eeta aneloseina yawasida we'ahina 'ihe'itegauwa, we'ahinaina matana maemaedanina moisa, Yehoba ma Lami 'idi wagahata wasawasaina 'oinega 'idaudauma.

Heꞌitaꞌita 21:6

Ta wete 'ihegwaegauwa, 'igwaeya, “Cigumwala pwaiya. Taugu tuwa 'ebe hegaina ma 'ebe losaloha, ma 'eguma taiyewedi taudi tani'odi 'iyahala, nata we'aha bidalega ya'ebwae tuwa, yawasidi weyahina.

1 Timoti 6:12

Ma wete tapwalolo 'ana paihowa bwebwe'adi 'oidiya 'utoho ma 'uhewaiwai, ma yawasiu miyamiya hatayana wete 'u'abiyahi, weyahina mwalo Yehoba 'ihesinuwegowa, beno tutaina 'ino hemisa 'uhepwaila latuwa tomota mabwaiyadi matadiya.

1 Timoti 2:5

Yehoba 'aigeda tuwamo, ma wete 'aigeda tuwa loheya sowasowana 'i'ewegita Yehoba 'oina, tauna Yesu Keliso.

Paihowa 17:25

Ma tomota tauda geya sowasowahida ma 'aigeda to'aha nimadega tauna Yehobaina ta'ebwae, 'eguma tanuwatuhu 'abehega nuwanuwana, ta tauna hesi yawasida ma yaluyaluwada ma 'ida tobwatobwa mabwaiyana 'i'ebwaegita.

Yoni 19:11

Ta Yesu Pailato 'ihegwaeya 'igwae, “Geya 'eta wete 'ino loina 'oiguwa 'imiyamiya, 'eguma Yehoba geya 'oiuwa 'itagwala. Ma hesiyage 'uda sanapu 'abehega loheyaina tauna 'ihe'ebwayaegauma 'ino loina 'oina, 'ina pui gala hedadena, 'abwa 'owa 'ino pui.”

Yoni 14:6

Coinega Yesu Tomasi 'ihegwaeya 'igwae, “Taugu 'eda, ma gwae moisa, ma wete yawasimi huhudi. Weyahina geya 'eta taiya sowasowahina ma Tamagu 'oina 'itauya 'eguma loheyainaina geya 'oiguwega 'itauya.

Yoni 5:26

“Tamagu tauna yawasi moisa huhuna, 'oinega 'oiguwa 'itagwala ma taugu wete yawasi huhuna,

Madiu 27:2

Coinega Yesu nimana sipaidiya ma sitauyeya toloina madouna Pailato 'oina, ma 'abehega Pailatoina 'ida loina.

2 Kolinita 9:13

Ma toweweloheyedi sida yaliyaya 'adi lema weyahina, ma hali boda wete 'adi lema 'ausaladi 'oimiyega weyahina, ma 'imi hematamatana Keliso wasana 'oina weyahina sida 'ahwa moisa, ma wete Yehoba sida hepwatuwe,

Galetiya 3:26

ma hesi 'ida hemisega Yehoba mabwaiyada 'i'ahwa natunegita, Yesu Keliso mahetedai.

1 Timoti 1:12

Ma wete 'ida Bada Yesu Keliso 'i'abihewaiwai yegauwa 'igu paihowa bewa weyahina, 'oinega yaloyauwedo, weyahina 'ihemisaegauwa, ma paihowaina 'i'ebwaegauwa.

1 Timoti 1:15

Gwae bewa gwae moisa, ma 'ilobwaineya ma tahemisae, weyahina Yesu Keliso bo'i bale'uwa 'itauyama togalaedi sabi 'abihetedi, ma hesi togalaedi mabwaiyadi 'oidiyega taugu tuwa gala hedada.