1 Timoti 5:5 - Loina Nuahuana

⁵ Ma taudi hiwahiwapeyedi geya 'idi susumo 'ulemedi, 'eguma Yehoba taunamo sihemiseya ma 'oina si'ahwa'ahwanoi sabwelo ma nihuwana 'oidiya.

1 Timoti 5:5 Referans Kwoze

1 Timoti 5:3

Hiwahiwapeyedi geya 'idi susumo 'u'abihetedi.

Luke 2:37

Ma mwanena 'i'amasa ta tauna 'ihiwapeya, ma 'imiyamiya 'ana siga 'ana bolime 'eitipowa. Ma wahineina tauna Hada He'asisi geya 'ida 'ebesineya sabwelo ma hinuwana 'oidiya, ma Hada He'asisi 'alona Yehoba 'ihehe'asisiye, ma 'i'ahwa'ahwanoi hegomaleyega.

1 Pita 3:5

Gidemusa mwalo taudi wahiwahine totapwalolo Yehoba sihemisaeya eeta 'atedi sihe'ahupaseya mumuga nuhana ma nuwadobi 'oidiyega eeta mwanediyao sihe'asisiyanediya.

1 Timoti 5:16

Ceguma to wahine Keliso 'ana tohemisa ma 'ina susuwao tupwadi sihiwapeya, 'ilobwaineya ma 'i'itayahidi. Ma tapwalolo 'ana tohanugetao 'idi paihowa hiwahiwapeyedi geya 'idi susumo si'itayahidi.

1 Kolinita 7:32

Nuwanuwagu ma gesowana ginaula bale'u weyahidi wanuwanuwatuhu hedade, ma hesi mumugami gide taudi geya sihai. Weyahina taudi geya sihai Yehoba 'ina paihowamo weyahina sinuwanuwatuhu madouna, ma nuwanuwadi Badaina si'abihe yaliyaya.

Luke 18:1

Eema 'aigeda gwae hegehegedi Yesu 'i'ebwaediya ma 'abehega sahena 'ahwanoi 'oinega siwe'awe'a.

Epeso 6:18

Tuta mabwaiyana Yaluyaluwa Tabuna 'ina lema 'oinega 'ahwanoi baibaiwadi 'oidiyega wa'ahwa'ahwanoi Yehoba 'oina. Sahena wawe'awe'a ma hesi ma'imi toholopa'ala wa'itayahigomi ma wa'ahwanoi tohekalesiyao mabwaiyadi weyahidi,

Luke 18:7

Wete gide Yehoba 'ina tomotaiyao hehesinuwaidi nata 'ilemedi, 'eguma si'ahwanoi hilahila 'oina, sabwelo ma nihuwana 'oidiya.

1 Kolinita 7:34

Coinega geya sawasawahina ma 'eda 'eluwaedi 'oidiyega sitautauya. Ta wete gumalaulau ma wahiwahine taudi geya sihai sawasawahidi ma Yehoba weyahina sinuwatuhu madouna, ma 'oinega wahidi ma yaluyaluwadi si'abi he'ehaudi, ma hesi haihai nidi sinuwanuwatuhu ginaula bale'u weyahidi ma 'abehega 'oidiyega mwanediyao si'abihe yaliyayadi.

Loma 1:12

Bewa 'oinega 'omi ma taugu tahe'abi 'abihetena, 'aneyage 'omi 'imi hemisega wa'abihetegau, ma taugu wete 'igu hemisega ya'abihetegomi.

Loma 1:5

Yesu Kelisoina tauna 'ihelauwegauwa ma 'ihesinuwegauwa 'abehega yahepwaila weyahina 'asa ganamuli mabwaiyadi 'oidiya, eema 'abehega sitagwala 'oina ma saninega sihemisa.

Paihowa 26:7

Gwae hemisaina 'ima susu site tuwelowedi sinuwatuhu yahiya ma 'abehega sida loba, ta ma'idi hemisa Yehoba 'oina sitapwatapwalolo, sabwelo ma hinuwana 'oidiya. Ta nuwatuhuyahina bewa weyahina meYudiya sihe'ewegauwa.

Paihowa 6:1

Tuta nage 'oina Yesu 'ana tohemisao 'idi boda 'ihehemadou, ma 'oidiyega to'ena Gilisi 'idi boda to'ena Yudiya silolomugiyedi, weyahina sabwelo 'aigeda 'aigeda, 'eguma tutaina 'e'ahai siheheguyaiyedi hiwahiwape 'oidiya, taudi to'ena Gilisi 'idi hiwapeyao 'adi 'e'ahai geya sowasowahidi, 'oinega sigomagomale.

Paihowa 9:39

Ma Pita 'igogona ma ba'idanao sitauyama Yopa 'oina, ta tohekalesiyao Pita sitoeya hadaina 'alona. Ma hiwapeyao baibaiwadi Pita sitoholo 'wabu'wabuya ma sidoudou ta 'adi 'ale'o sihe'itaeya, weyahina mwalo Dokasa tutaina mayawasina 'adi 'ale'owedi 'ipaihowediya, ma 'i'ebwaediya, ma sigwae, “Cale'owedi bewa tauna Dokasa 'ana sahisahilao mwalo mayawasina ba'idamai 'amiyamiya.”

Paihowa 9:41

Ta Pita nimana 'i'abiyahiya ma 'i'abihe toholoya. Ci'abihe toholoya ma hiwahiwape ta tohekalesiyaowedi 'ibwauwedima, ma Tabita mayawasina 'ihe'itaeya 'oidiya.

Pilipai 4:6

Geya'abwa 'aigeda to'aha weyahina wanuwanuwa, ma hesi ma'imi loyauwedo ginaula mabwaiyadi weyahidi, Yehoba 'oina wa'etuluha, ta 'imi nuwatuhuwao weyahidi wa'ahwanoi,

1 Timoti 2:1

Bewa 'igu loina 'imi miya hegogona 'oidiya, nugeta watuluha ma wa'ahwanoi Yehoba 'oina, tomota mabwaiyadi weyahidi, ma'imi loyauwedo Yehoba 'oina.

2 Timoti 1:3

Yehoba 'oina yaloyauwedo, tauna tubugwao mwalo 'idi Yehoba, ma 'oina yahetopaihowa 'igu nuwatuhu 'ehaudi 'oidiyega, gidemusa taudi. Wete 'oina ya'ahwa'ahwanoi weyahiu nihuwana ma sabwelo 'oidiya.