1 Timoti 5:17 - Loina Nuahuana

¹⁷ Ma 'ami tohanugetaowedi 'eguma silema bwaibwainigomi, 'omi wa'ita'itayahi bwaibwainidi, beno 'idi guguya ma 'idi he'ita maisana bwebwe'ana wa'ebwaedi.

1 Timoti 5:17 Referans Kwoze

Ibeliu 13:17

Cimi tohanugetao 'oidiya wahematamatana ma watagwalegomi 'idi loinao 'oidiya, weyahina yaluyaluwami si'ita'ita yahidi, ma 'oinega tuta 'inaonaoma 'oina 'imi mumuga weyahina sihepwaila Yehoba 'oina. Coinega 'ilobwainegomiya watoho ma wasami weyahina ma'idi yaliyaya Yehoba 'oina sihepwailegomi, ma hesi sahena ma'idi mwadina, 'amuge ma loina mwauna waloba.

Galetiya 6:6

Tapwalolo 'ana tohe'itao, 'eguma sinasinapu sihe'itegita, 'ilobwainegita ma tobwatobwa ta'ebwaedi, 'eguma to'aha 'oidiya 'ito'uto'upa.

Luke 10:7

“Ma 'eguma hadaina 'oina wamiyamiya, ma to'aha 'ami, nuwana 'ami we'aha matamiya silagu tuwa wa'ai, weyahina topaihowao 'ilobwainediya ma 'adi 'iluwana siloba. Ma sahena watautau hali hada 'oidiya, ma hesi hadaina 'oina waluhu nugeta 'oina tuwa wamiyamiya.

Ibeliu 13:7

Cami tohanugetao wanuwatuhu yahidi, weyahina mwalo Yehoba 'ina gwae si'ebwaegomiya, ta wete wanuwatuhuyahi 'idi hemisa huwaina 'abehega bwebwe'ana silobeya, eeta wahe'au'aunawedi.

2 Timoti 2:6

Gide wete tanoha 'ana topaihowa, 'ina paihowa waiwai 'oinega nata huwaina 'oinega 'i'aputoho nugete.

Pilipai 2:29

Eeta 'eguma to tuta 'ilatuwa 'oimiya, Bada saninega wabwauwe ma'imi yaliyaya 'oina. Ta tupwadi Bada 'ina topaihowao, 'eguma sitauyawa 'oimiya, wahe'asisiyanedi gidemusa Epapiloditoina.

Loma 12:8

Eema 'eguma taiya tuta baibaiwana 'iyanao 'i'abi'abi hewaiwaiyedi, ee 'ipaihowa gidemusa. Ma taiya wete tuta baibaiwana 'i'ehe'ehele, beno ma'ina 'atetagwala 'i'ehele. Ma 'eguma taiya 'ihetohanugeta, 'ida paihowa bwaibwaina. Ma 'eguma taiya ma'ina 'atemuyamuya, ee 'iyanao 'i'abi'abihetedi ma'ina yaliyaya.

Paihowa 28:10

Coinega helau baibaiwana si'ebwaemaiya, ta 'ima tuta gelu 'oina, 'ama 'alai sowasowahima sido'oya.

2 Kolinita 6:1

Coinega Yehoba ba'idamai 'apaipaihowa, ta 'oimiya 'a'ahwanoi ma sahena 'ina helau wa'ahwa ginaula bwagabwagae,

Loma 16:12

Cigu helau wete Talipina ma Taliposa, taudi 'ida Bada 'ina topaihowao 'oidiya. Ta 'iyagu Pelisi wete 'oina yahelauwa, tauna Bada 'ina paihowa weyahina 'i'ala'i'iwasa madouna.

Loma 15:27

Weyahina bewa 'idi nuwatuhu madouna. Ta moisa tuwa lemaina sawasawahina meYelusalema siloba meEsiya 'oidiyega, weyahina nugeta meYelusalema 'oidiyega Esiyaedi Keliso tetelina sihesagoheya, yaluyaluwadi 'ana lema weyahina, ee 'oinega taudi wete bale'u tobwatobwaidi 'oidiyega si'e'ehele meYelusalema 'oidiya.

Pilipai 4:3

Cowa wete tohanugeta, 'owa 'iyagu moisa ya'ahwanoi 'oiuwa ma wahiwahineyedi 'ulemedi, weyahina mwalo taudi mahetegwao 'apaihowa mahemahetena, wasa bwebwe'ana 'ana hepwaila 'oina, ta wete Kelemeniti ma tupwadi wete 'agu tolemao mahetemayao 'apaihowa, taudi sanidi yawasi bukiina 'alona leleleina.

1 Kolinita 16:16

'oinega yahenuwa lagugomi ma 'idi gwaeyao wamuliyedi, ma taiyawedi wete mahetediyao Keliso weyahina sipaipaihowa taudi wete wamuliyedi.

Paihowa 11:30

Coinega si'ehele nugeta ta mane silobeya, ma tutaina gomale 'ilatuwa 'oina si'ebwaediya Banaba ma Saulo taudi sitauyeya Yelusalema 'oina, tohekelasiyao 'idi babadao 'oidiya.

2 Timoti 4:2

Bewa 'a loinaina: Tuta mabwaiyana 'uhetapewa waiwai ma tetela 'uhehepwaile, tuta mwau ma tuta yaliyaya 'oidiya, ma tomota 'oidiya 'uguguya ma sihemisa, ta wete 'u'abihe dumwaludi, ma 'u'abihe pa'alidi, ma bewa nuwatuhuwedi 'uhe'ita bwaibwainidi ma'ino 'alama'i'ita.

1 Timoti 4:16

Timoti, 'u'itayahigo, tuta mabwaiyana 'uhe'ita moisa, ma 'ane Yehoba 'owa ma 'ino tohesagohaowedi ba'idamwao 'i'abihetegomi.

1 Timoti 3:5

Ceguma loheya geya natunao 'iloina hedumwaludi, tauna geya sawasawahina ma Yehoba 'ina tohekalesiyao 'iloina hedumwaludi, 'awa?

Pilipai 2:16

Ciyagwao, wasa bwebwe'ana wa'abiyahi momosi ma 'oinega yawasimi miyamiya hatayana waloba, ma tutaina Keliso 'ihilama taugu yayaliyaya weyahimi. Genuwagu ma 'igu paihowa 'oimiya 'adi mudala.

Madiu 24:25

Ma 'omi ginaula bewa weyahina yahepwaila nugeta pwaiya 'oimiya.

Ibeliu 13:24

Cima helau yahewaseyawa 'ami tohanugetao ma tohekalesiyao mabwaiyami 'oimiya. Ma meItali wete 'idi helau sihesumaneyawa 'oimiya.

1 Timoti 4:10

Weyahina tuta bewa 'oina ma'ida hetapewa ma ma'ida guibiga, Yehoba tahehemise tauna 'iboimo miyamiya hatayana, tomota mabwaiyadi 'adi To'abihetena, 'eguma sihemisae. Eeta 'ida nuwatuhuyahina 'oina talaguya ma 'ane 'i'abihetegita.

1 Kolinita 15:10

Ma hesi Yehoba 'i'atemuya muyaegauwa ta 'ilemegauwa. Coinega geya 'i'abihete daidaisigau, weyahina yahemisa bwaibwaina ma tohepwailao mabwaiyadi 'idi paihowa ya'ebesineya, geya taugu 'igu waiwaiyega, ta Yehoba 'ina helau 'oinega.

Paihowa 20:35

Mumugagu bewa 'oidiyega yahe'ita pwaigomiya 'abehega 'ilobwainegita ma tauda 'ida paihowega towe'a ta'abihetedi. Gidemusa Bada Yesu 'ina gwae wanuwatuhuyahi, beno 'igwaeya, 'Cewamo geya yaliyayenamo, ma 'ebwaya hesi mayaliyayaina madouna.’”

Yoni 4:38

Coinega bewa tuwa taugu yahehesumanegomi ma tanohinaina 'oina geya wadauna 'oinega wa'etahi. Hali tomota mwalo sidauna, ma 'idi paihowega 'omi 'etahi nata wapaihowa.”

Luke 12:42

Ta Yesu 'igwaeya, “Topaihowa bwebwe'adi ma sanasanapuidi mumugadi bewa gide, 'eguma taiya tauna 'ina bada 'ihesinuwe ma hada 'i'itayahi, ma 'iyanao 'adi 'i'ebwaedi sabwelo 'aigeda 'aigeda 'oidiya,

1 Timoti 5:3

Hiwahiwapeyedi geya 'idi susumo 'u'abihetedi.

1 Timoti 4:6

Bewa loinaedi 'iyadao 'oidiya 'uhe'itaedi, 'oinega 'owa Yesu Keliso 'ina topaihowa bwebwe'ana, weyahina he'ita dumwaluna Yesu 'ana hemisa weyahina 'umulimuliyedi, ma 'oinega yaluyaluwau 'ihewaiwai.

1 Kolinita 3:9

Bewa tuwa Yehoba ba'idamai 'ina tanoha 'apaipaihowa, ta 'ina tanohina beno 'omi tomota tuwa. Ma wete 'omi Yehoba 'ina hada.

1 Timoti 4:14

Mwalo tapwalolo 'ana babadao si'abidebegowa, ma weyahiu sipalopisaiya 'ino paihowa Yehoba weyahina, eeta paihowaina weyahina Yehoba 'i'abihe waiwaiyego.

1 Timoti 5:19

Ceguma tomota tupwadi sihe'ewa besobeso 'ami tohanugetao weyahidi, sahena 'uhehesagohe, ma hesi 'eguma tomota 'eluwa bo 'etoi sihegwaego 'aigeda tohanugeta 'ina pui weyahina, beno 'uyatala.