1 Timoti 5:14 - Loina Nuahuana

¹⁴ Coinega yanuwatuhuya hiwahiwapeyedi taudi geya sihe'ai'aihale moisa sawasawahina ma sihai hila, ma sihenatuna ma si'ita'ita yahidi natudiyao ma wete 'idi hadao, ma 'ane sahena 'ada sahiyao si'ahwa'ahwa galagalaegita hiwahiwapeyedi mumugadi weyahina.

1 Timoti 5:14 Referans Kwoze

Taito 2:5

Ma 'ane ma'idi he'asisi, ma mumuga bwebwe'ana 'oidiyega 'idi hada si'itayahidi, ma wete mwanediyao sihelauwedi ta 'enadi sihematamatana, ma bewa 'oinega hali tomota Yehoba 'ina gwae sihe'asisiye, ta sahena si'ahwa'ahwa galagalae.

1 Timoti 6:1

Topaihowao 'adi loina ma 'idi babadao sihe'asisiyanedi, ma sihematamatanedi. Ceguma geya, tomota tupwadi 'idi he'itao si'ahwa galagalaedi, ma sigwae, “Yehoba 'ana tohemisao taudi ma hesi geya sipaihowa bwaibwaina.”

Taito 2:8

Ma 'ane 'ino he'itao sahena tomota si'ahwa'ahwa 'abo'abowe, ma 'ino gwae bwebwe'adi 'adi hesagoha 'oinega 'a 'alehao sideba mwadina, 'idi 'ahwayali besobeso 'oidiyega.

1 Timoti 4:3

Cidi 'abowedi bewa gide 'abehega hai ginaula galana, ma wete 'e'ahai tupwadi 'adi 'ai si'ausidiya. Ma 'omi Keliso 'ana tohemisao he'ita moisa wasanapuya 'abehega Yehoba 'e'ahai mabwaiyana 'ipaihowediya 'ai weyahina, ma 'ane ma'ida loyauwedo ta'ai'ai.

Ibeliu 13:4

Mabwaiyami hai 'ana loina wahe'asisiye ma sahena wanuwanuwa 'ubuna, weyahina tolopuiyao ta tologwaliyao 'abwa Yehoba 'iloinedi.

1 Timoti 5:11

Ma hiwahiwapeyedi taudi geya sihe'ai'aihale, sahena siluhuluhu bodaedi 'oidiya ma sigwaegwae hemisa Keliso 'oina 'abehega nata geya sihaihai hila, weyahina taudi nage gide nata 'idi gwae hemisaina siligehi ma sihai hila.

1 Timoti 2:8

Nuwanuwagu loheloheya tupwa mabwaiyadi 'oidiya mumugadi sibwebwe'ana, ma nimadi si'abilagasi ta si'ahwanoi Yehoba 'oina, ma sahena sihehegamwagamwagu ma sihehe'ahwalasalasa.

2 Kolinita 11:12

Wete 'igu paihowa weyahimi tuwa 'abwa yada paipaihowa, ma 'oinega ya'abihe lolagudi taudi togwae gagasa sigwaeya 'abehega 'idi paihowa 'oimiya gide taugu 'igu paihowa.

Loma 14:13

Coinega sahena 'iyadao ta'ahwa'ahwa galagalaedi, ma hesiyage taboi mumugada ma 'ida paihowa ta'itayahi, ma 'ane gesowana 'iyadai 'aigeda ta'abi'abi hewe'a 'ina 'etala he'asisi weyahina.