1 Timoti 4:6 - Loina Nuahuana

⁶ Bewa loinaedi 'iyadao 'oidiya 'uhe'itaedi, 'oinega 'owa Yesu Keliso 'ina topaihowa bwebwe'ana, weyahina he'ita dumwaluna Yesu 'ana hemisa weyahina 'umulimuliyedi, ma 'oinega yaluyaluwau 'ihewaiwai.

1 Timoti 4:6 Referans Kwoze

Kolose 3:16

Wete Kelisoina 'ina gwae bwebwe'adi 'atemiya sibwala moisa, ma 'aigeda 'aigeda 'oimiya wahehe'ita ma walolohatoto sanapu moisa 'oinega, ta wete 'ami wali ma Same walinao 'oidiyega, wete walibui 'oidiyega, Yaluyaluwa Tabuna 'oinega, ma'imi loyauwedo Yehoba 'oina 'atemiyega.

Taito 2:1

Ma 'owa he'ita dumwaluna 'uhe'itae.

Kolose 4:7

Cabwa Tikiko 'itauyawa ma 'igu paihowa mabwaiyana 'ihepwailedi 'oimiya. Tauna 'iyadai bwebwe'ana, ma Yehoba 'ina topaihowa dumwadumwaluna, ma ba'idamai mahemahetena 'apaipaihowa.

Madiu 13:52

Ma 'ihegwaediya, “Bewa tuwa wasanapu 'abehega loina 'ana tohe'itao 'eguma Yehoba 'ina loina simanasama pwaiya, taudi gide tuwa 'aigeda hada toniwagana 'ina tobwatobwa tupwadi miyamiyadi ma tupwadi 'ehaudi ta mabwaiyadi 'alodiya wasawasa 'imiyamiya.”

Yude 1:5

Sanapu 'aigeda yahegwae hilegomi, weyahina mwalo wanuwa sabwalena, 'oinega wada nuwatuhuyahi, beno mwalohene Yehoba 'ina bodao 'i'abihetediya eeta sihapwesa tupwa Itipita 'oinega, ma muliyetega Yehobaina tupwadi 'ihunudiya, taudi geya sihemihemisa.

2 Yoni 1:9

Ma 'eguma watauya pui ma Keliso 'ina he'ita wa'ebesine, 'omi Yehoba wa'ebe'ebesine, ma hesi 'eguma Keliso 'ina he'itao wa'abiyahi momosidi, Tamadai ma wete Natuna 'oimiya simiyamiya.

1 Pita 2:2

ma hesi yaluyaluwami 'ana susu bwebwe'ana wa'ebese, gidemusa taudi gwagwama hauhaudi susu nuwanuwadi, eeta susuina yaluyaluwami 'adi 'abihetena weyahina.

2 Timoti 4:3

Weyahina tuta sinaonaoma 'oidiya tomota he'ita dumwaluna nata silogwahate, ma he'ita hagadi ma hagadi 'adi hesagoha 'abehega bwebwe'ana 'oidiya, simuliyedi.

2 Timoti 3:10

Ma 'owa bo'i 'usanapugauwa, 'igu he'ita, ta mumugagu, 'igu 'edao, 'igu hemisa, 'igu 'alama'i'ita, ta 'igu helau ta 'igu toholo pa'ala.

2 Timoti 1:6

Wete tutaina 'oina ya'abidebegowa ta Yehoba waiwai 'i'ebwaegowa, waiwaiina 'u'itayahi ma 'ane 'oiuwega sahena 'igumwagumwala.

1 Timoti 6:3

Ma 'eguma taiya 'ina he'ita hagana, ma 'ida Bada Yesu Keliso 'ina gwae dumwaludi geya 'ida muliyediya, ma he'itaedi mumuga bwebwe'ana weyahina 'ilogwahatedi,

1 Timoti 4:16

Timoti, 'u'itayahigo, tuta mabwaiyana 'uhe'ita moisa, ma 'ane Yehoba 'owa ma 'ino tohesagohaowedi ba'idamwao 'i'abihetegomi.

1 Timoti 1:10

wete toganawala ma loheloheya 'idi 'eheloheloheyao ba'idadiyao siganaganawala, ma tomota 'adi toyagahao, to'e'abo'abowao, to'eta'wata'walulu 'abo'abodi, ma wete he'ita dumwaluna 'ana toligehao.

1 Tesalonaika 3:2

Coinega 'iyadaina Timoti yahesumaneyawa, weyahina tauna wete 'aigeda 'ima boda Yehoba 'ina paihowa Keliso tetelina weyahina, 'iyadaina yahesumaneyawa ma 'ane 'i'abihe waiwaiyegomi ma Keliso 'oina wahemisa moisa,

Kolose 2:19

Ma hesi Keliso 'ana nuwatuhu geya 'oidiya, tauna debada, ta tauda yahinao gide nimana nana 'ahena, wahina 'aigeda tuwa. Wahinaowedi sipaipaihowa 'aigeda wahi 'ana bwebwe'ana weyahina ma 'imadomadou, ta 'ana madouina Yehoba 'ina paihowega.

Pilipai 3:16

Ma 'iyamo 'ilobwainegita ma ginaulaedi talobediya ta'abimomosidi.

Epeso 6:21

Tikiko, tauna tasidai bwebwe'ana, ta 'ihetahetapewa Bada 'ina paihowa 'oina, ma yahewasaeyawa ma 'ane teteligu mabwaiyana 'ida he'ote'oteteli 'oimiya, ma 'abehega 'igu miya ta 'igu paihowa weyahidi wasanapudi, 'oinega 'ima miya weyahina 'ihenuwa lagugomi, ma wete 'ida gihepa'aligomi.

2 Kolinita 6:4

ma hesi 'ima paihowao mabwaiyana bwebwe'ana 'ahe'itaeya 'abehega Yehoba 'ina topaihowao bwebwe'ama. Cima paihowa bewa: 'alama'i'ita madouna, muyamuya, miyamwau, hesilae,

2 Kolinita 3:6

ma sowasowahina 'ina loina hauhauna weyahina 'ahehetopaihowa. Loinaina hauhauna geya lelelelena, ma hesi Yaluyaluwa Tabuna 'oinega, weyahina loina lelelelena 'amasa 'i'ebwaegita, ma tuwa loinaina Yaluyaluwa Tabuna 'oinega yawasida miyamiya hatayana 'i'ebwaegita.

1 Kolinita 4:17

Ma natugu Timoti yahewasaeyawa ma 'ane 'ihepwaile 'oimiya, 'igu hemisa Keliso 'oina weyahina, gidemusa tohekalesiyao yahe'itediya 'asa mabwaiyana 'oidiya, ta 'oinega sahena wanuwanuwa naidedi. Timotiina yahelauweya ma yahemiseya, weyahina 'ida Bada 'ina paihowa 'oina 'ihetapewa hedada, ma bewa tuwa 'inaonaowa 'oimiya.

Loma 15:15

Ma 'imi leta bewa ma'igu 'atepatu ya'etoladiyawa ma 'ane tupwadi ginaula wanuwatuhu yahidi, weyahina 'igu paihowaina Yehoba 'i'ebwaegauwa,

Paihowa 20:35

Mumugagu bewa 'oidiyega yahe'ita pwaigomiya 'abehega 'ilobwainegita ma tauda 'ida paihowega towe'a ta'abihetedi. Gidemusa Bada Yesu 'ina gwae wanuwatuhuyahi, beno 'igwaeya, 'Cewamo geya yaliyayenamo, ma 'ebwaya hesi mayaliyayaina madouna.’”

Paihowa 20:31

Coinega walomatayahi ta wete 'igu guguya wanuwatuhuyahi, 'abehega bolime 'etoi geya ya'aiyawasi, sabwelo ma hinuwana 'oidiya, ma hesi mamataneugu yaguguguguya 'aigeda 'aigeda 'oina.

Luke 1:3

ma hesi, nuwatuhuwedi mabwaiyadi 'idi 'ebehegaina 'oinega 'itauyama 'ana siga nige, ta yasanapu bwaibwainidiya, 'oinega nuwanuwagu ma mabwaiyadi yada he'ote'otetela bwaibwainidi 'oiuwa,

Paihowa 1:15

Bodaedi 'adi baibaiwa gidemusa wani handeledi ma tuweniti, ma 'aigeda sabwelo 'oina Pita gamwagamwanidiya 'itoholowa ma 'ihegwaediya, 'igwae:

2 Kolinita 11:23

Ceguma taudi Keliso 'ina hewahewaliyao bwebwe'adi, taugu 'ina hewali bwebwe'ana hedade. Cigu gwae bewa gide yauyauleigu. Cigu guibiga 'oinega yanugeta sinediya, 'igu luhu deliya baibaiwa hedade, 'agu sapiyao wete baibaiwana ta tuta mabwaiyana 'oidiyega 'abehega tuwa nata ya'amasa.

Pilipai 2:20

Timoti 'iboinamo 'imi miya weyahina 'inuwanuwatuhu madouna,

Pilipai 2:22

Ta Timoti wasanapuya 'abehega loheya bwebwe'ana, ma tuwa gidemusa natugu mahetegu wasa bwebwe'ana weyahina 'ahehetapewa waiwai.