1 Timoti 4:3 - Loina Nuahuana

³ Cidi 'abowedi bewa gide 'abehega hai ginaula galana, ma wete 'e'ahai tupwadi 'adi 'ai si'ausidiya. Ma 'omi Keliso 'ana tohemisao he'ita moisa wasanapuya 'abehega Yehoba 'e'ahai mabwaiyana 'ipaihowediya 'ai weyahina, ma 'ane ma'ida loyauwedo ta'ai'ai.

1 Timoti 4:3 Referans Kwoze

1 Timoti 4:4

Ginaula mabwaiyana Yehoba 'ipaihowediya bwebwe'adi, 'oinega weyahidi taloyauwedo Yehoba 'oina, ma ta'ewedi,

Ibeliu 13:4

Mabwaiyami hai 'ana loina wahe'asisiye ma sahena wanuwanuwa 'ubuna, weyahina tolopuiyao ta tologwaliyao 'abwa Yehoba 'iloinedi.

Loma 14:6

Ma 'eguma 'eta taiya sabwelo tupwadi 'ihe'asisiyanedi, tauna 'ipaipaihowa gidemusa Yehoba weyahina. Wete gide 'eguma 'eta taiya 'e'ahai mabwaiyana 'i'ai'ai besobeso, tauna 'iboi 'ina nuwatuhu beno 'abehega 'ina 'aiyega Yehoba 'ihe'asisiye, eema 'e'ahaiyedi weyahidi 'iloloyauwedo Yehoba 'oina. Wete gide 'eguma 'eta taiya 'e'ahai tupwadi 'i'etala he'asisiyanedi, tauna 'iboi 'ina nuwatuhu ma 'abehega Yehoba 'ida he'asisiye, ma weyahina 'iloyauwedo 'oina.

Kolose 2:16

Coinega sahena 'eta taiya 'i'ahwa'ahwa galagalaegomi 'ami bo nuwana 'ami we'aha weyahidi, 'eguma 'omi 'adi bwabwale geya wapaihowadi, nuwana wai'ena 'ehauna 'ana sauga, bo nana Sabati 'oidiya.

1 Kolinita 8:8

Ma hesi wanuwatuhuyahi 'abehega geya 'e'ahai 'oinega Yehoba 'ida 'abihe bwebwe'anegita, weyahina geya 'eta 'e'ahai yaluyaluwada 'ida 'abihe bwebwe'aneya, bo 'ida 'abihegaleya.

Kolose 3:17

Ma mumugami mabwaiyadi, beno 'imi gwaeyao nana 'imi paihowao mabwaiyadi 'ida Bada Yesu saninega wapaihowa ma'imi loyauwedo Yesu saninega, Tamada Yehoba 'oina.

1 Kolinita 7:28

Ma hesi 'eguma loheya 'ihai beno geya pui, wete 'eguma gumalaulau 'ihai beno geya pui, ta hesi haihainidi 'idi paihowa madouna, 'oinega nuwanuwagu ma ya'abihe malamalaiyegomi.

Loma 14:3

Sahena taudi to'e'uibai sisinasinala to'etala he'asisiyedi 'oidiya, eema to'etala he'asisiyedi wete, sahena to'e'uibaiyedi si'ahwa'ahwa galagalaedi, weyahina Yehoba 'ihesinuwediya 'abehega tauna natunao,

Ibeliu 13:9

Coinega sahena loina hauhaudi ma hagahagadi wahehesagohedi, weyahina 'ateda 'ihewaiwai Yehoba 'ina helaumo 'oinega, ma geya 'e'ahai 'oidiyega. Loinaedi 'e'ahai weyahina gesowana si'abihetegita.

1 Timoti 2:4

weyahina Yehoba 'ina nuwatuhuina 'abehega tomota mabwaiyadi 'idi pui 'oidiyega 'i'abihetedi, ma he'ita moisa sisanapu.

1 Kolinita 6:13

Wanuwatuhuyahi 'e'ahai weyahina. Moisa, 'e'ahai gamwada weyahina, ma wete gamwada 'e'ahai weyahina, ma hesi muliyetega 'e'ahai ma gamwada Yehoba 'ilohegumwalidi. Ma wahida Yehoba 'i'ebwaegita geya ganawala weyahina, ma tauna hesiyage weyahina, ma tauna tauda weyahida,

Loma 14:17

Ma hesi wanuwatuhuyahi beno Yehoba 'ina 'ebeloina geya 'e'ahai nuwana we'aha weyahidi, ma hesi mumuga bwebwe'ana, ma nuwadaumwala ma yaliyaya, beno Yaluyaluwa Tabuna 'oinega.

Madiu 15:36

Ta beledi sebeni ma silahanaedi 'i'ewediya ma weyahidi 'igwae helauwa Yehoba 'oina, ma 'i'ehisihisiya, ta 'i'ebwaediya 'ana tomuliyao 'oidiya, ma taudi siheguyaiyeya bodaedi 'oidiya.

Madiu 14:19

Coinega boda 'iloinaediya ma modumoduwa simiyatoiya, ma beledi nima 'ai'aigeda ta silahana 'eluwa 'i'ewediya, ma 'i'ita haneya galewa, ta 'e'ahaiyedi weyahidi 'igwae helauwa, ma muliyetega beledi 'igimwahisiya, ta 'ana tomuliyao 'i'ebwaediya, ma taudi tomota 'oidiya siheguyaiya.

Paihowa 27:35

Ma gwae bewa 'igwaeneya ta beledi 'i'eweya ta weyahina 'iloyauwedo Yehoba 'oina, mabwaiyama matama, ma 'ihisiya, ma tauna 'i'ai nugeta.

Yoni 6:23

Ma 'iyamo waga tupwadi Taibiliya 'oinega sitauyama gadowaina 'oina boi Yesu boda beledi 'oinega 'ihe'aidiya, tutaina belediyedi 'i'ahwa bwebwe'anediya Yehoba 'oina.

Luke 24:30

Cidi tuta 'ai 'oina, Yesu beledi 'i'eweya, ta weyahina 'igwae helauwa, ma muliyetega 'i'abihisiya ta 'i'ebwaediya.

Madiu 15:11

'e'ahaiyedi 'ahwadega siluhuluhu geya sawasawahina ma si'abihe bi'igita, ma hesi gwaeyedi 'ahwadega silatulatuma taudi hesi si'abi'abi hebi'igita.”

1 Timoti 5:14

Coinega yanuwatuhuya hiwahiwapeyedi taudi geya sihe'ai'aihale moisa sawasawahina ma sihai hila, ma sihenatuna ma si'ita'ita yahidi natudiyao ma wete 'idi hadao, ma 'ane sahena 'ada sahiyao si'ahwa'ahwa galagalaegita hiwahiwapeyedi mumugadi weyahina.