1 Timoti 3:4 - Loina Nuahuana

⁴ Cilobwaineya tauna 'ina hada 'adi tomiyanao 'ihanugete bwaibwainidi, ma 'ane natunao 'ina gwae sihesagohe ma'idi he'asisi.

1 Timoti 3:4 Referans Kwoze

Taito 1:6

Ta 'igu loina bewa tohanugetao 'adi hesinuwa weyahina, beno gide, to loheya 'eguma 'ina mumuga 'ausalana, ma mwanena 'aigeda tuwamo, ma natudiyao wasadi 'ane geya sida puiya, ta geya sida logwahata, ma hesi taudi ma'idi hemisa Yehoba 'oina.

1 Timoti 3:12

Dikoni mwanena 'aigeda tuwa, ma natudiyao ma 'idi susuwao sihanugete bwaibwainidi.

Taito 2:2

Ma babadaedi 'uhegwaedi sahena sinumanuma yauyaule we'aha galana, ma sahena wete siyaliyaliyaya besobeso, ma hesi Yehoba sihemisa moisa, ma helau ta 'alama'i'ita 'oidiyega simaha.

Paihowa 10:2

ma tauna loheya bwebwe'ana, ta ma'ina susuwao Yehoba sihe'asisiyeya, ma tuta baibaiwana wewelohedi 'ilemelemedi, ma 'i'ahwa'ahwanoi Yehoba 'oina.

Taito 2:7

Ta 'owa mumugau mabwaiyana 'oidiyega tomota 'uhe'itadi ma taudi wete simumuga bwebwe'ana. Eeta gwae moisega 'uhe'ita, ma 'ane mumugau ta 'ino he'ita 'ilobwaine.

Pilipai 4:8

Ciyagwao, bewa 'aigeda wete loguguya 'abehega wada nuwatuhu ginaula moisadi ma'adi he'asisi weyahidi, ma ginaula dumwadumwaludi weyahidi, ma ginaula 'ehaudi weyahidi, ma ginaula 'adi 'ita 'ausaladi weyahidi, ma ginaula helahelauidi weyahidi, ta 'eguma to'aha bwebwe'ana 'oidiya bo nuwana 'ebe hepwatu 'oidiya.

Epeso 5:24

eeta tohekalesiyao tauda Keliso 'ina gwae tahematamatanedi, 'oinega gide wete wahiwahine 'ilobwainediya ma mwanediyao 'idi gwae ginaula mabwaiyadi weyahidi sida hematamatanedi.