1 Timoti 1:5 - Loina Nuahuana

⁵ Bewa 'igu loina ma 'ane nuwami 'ehaudiyega waboi wahelau hilegomi moisa ma wanuwanuwatuhu bwaibwaini, ma wahemisa moisa Keliso 'oina.

1 Timoti 1:5 Referans Kwoze

1 Timoti 1:19

ma ma'ino hemisa ta ma'ino nuwatuhu bwebwe'ana, tuta mabwaiyana 'oidiya. Weyahina 'iyadao tupwadi nuwatuhu bwebwe'adi silogwahatediya, 'oinega 'idi hemisa siwe'a ta sibe'uwa.

Galetiya 5:22

Ma 'iyamo Yaluyaluwa Tabuna huwaina bwebwe'ana 'ateda bewa: helau, yaliyaya, miya daumwala, toholo pa'ala, lema, mumuga dumwaluna, hemisa,

2 Timoti 2:22

Coinega hewahewali 'idi henuhenuwa 'ulogwahatedi ma mumuga dumwaluna ta hemisa ta helau ta miya daumwala 'umuliyedi, taudi Yesu si'ahwa badaeya ma'ate 'ehaudi ba'idamwao.

2 Timoti 1:5

Ma wete 'ino hemisa moisa Yehoba 'oina yanuwatuhu yahiya, gide sinau Yunisi ma tubuu Loise Yehoba sihemisaeya moisa, ma yasanapugowa 'owa wete Yehoba 'uhemisae moisa.

2 Timoti 1:3

Yehoba 'oina yaloyauwedo, tauna tubugwao mwalo 'idi Yehoba, ma 'oina yahetopaihowa 'igu nuwatuhu 'ehaudi 'oidiyega, gidemusa taudi. Wete 'oina ya'ahwa'ahwanoi weyahiu nihuwana ma sabwelo 'oidiya.

1 Pita 3:21

Bwasiina 'ihe'ita moisa 'oida 'abehega bewa tuwa bwasi 'ebe babitaiso 'i'abihetegita. Ma babitaisoina geya 'abehega wahida 'ana deulamo, ma hesi 'ida 'ahwanoiyega Yehoba 'ateda 'igihe 'ehaudi, Yesu Keliso 'ina toholo hila 'oinega,

1 Pita 3:16

Ma to'aha wanuwatuhuya bwebwe'ana, tuta mabwaiyana gidemusa wapaipaihowa 'esa, 'oinega 'eguma taiyawedi si'ahwa galaegomi weyahina 'abehega 'omi Keliso 'ana tomuliyao, 'abwa sideba mwadina, 'eguma 'imi mumuga bwebwe'ana wahe'itedi.

1 Pita 1:22

Coinega 'eda dumwadumwaluna wamuliya bwaibwainiya, beno 'oinega 'imi 'ehauhila walobeya, ma wete taudi 'iyamiyao wahelauwedi 'atemi mabwaiyana 'oinega, eeta sowasowana 'omi wete wahelau hilegomi 'aigeda 'aigeda, helau moisa 'oinega.

2 Pita 1:7

hesikisina 'ahwa'iya'iyana, ma 'ebelosaloha helau.

Loma 10:4

Ma Keliso 'ina paihowega Mosese 'ina loina 'oidega 'igumwala, eeta bewa tutaina tauna 'ina loina 'ihegaineya ma 'eguma taiya Kelisoina 'ihemisae, nata Yehoba 'i'ahwa dumwaluwe.

Taito 1:15

Taudi mumugadi 'ehauna 'oidiya ginaula mabwaiyana 'ehauna, ma hesi taudi wasa bwebwe'ana 'ana tolowahi'wata, ma mumugadi galadi, taudi 'oidiya geya 'eta to'aha 'ehauna, weyahina 'idi nuwatuhu galadi mabwaiyadi.

1 Timoti 3:9

Ma 'idi tapwalolo 'ana sanapu dahwadahwaina si'abiyahi, 'idi nuwatuhu bwebwe'anega.

2 Kolinita 1:12

Caigeda nuwatuhu weyahina yayaliyaya madouna, beno yasanapuya moisa 'ima mumuga 'ausalana ma dumwaluna tomota 'oidiya, geya sanapu bale'u 'oidiyega, ma hesi Yehoba 'ina helau 'oima 'oinega, ma gide 'apaihowa madouna 'oimiya.

1 Pita 4:8

Coinega wahelau hilegomi moisa 'aigeda 'aigeda 'oimiya, weyahina helau sawasawahina ma galana baibaiwadi 'igibodi.

Yemesa 4:8

Ta wanao Yehoba deina ma 'oinega tauna wete 'inaowa deimiya. Ta 'omi galami ma to'abo 'ilobwaineya ma nimami wadeulidi ma 'atemi wagihe'ehaudi.

Paihowa 23:1

Ta Paulo meYudiya 'idi babadaowedi 'i'e'ebubudiya, ta 'ihegwaediya, “Babadao ma tasigwao, mwalona ma nige to'aha yanuwatuhuya 'abehega Yehoba 'ina loinao beno yamuliya bwaibwainidiya.”

1 Yoni 3:3

Cida hemisa nuwatuhu bewa weyahina, 'oinega mumugada tagihe'ehaudi, gidemusa Keliso.

Ibeliu 10:22

Coinega Yehoba tahahoho ma'ida 'atetagwala ta ma'ida hemisa moisa, ma 'oinega wahida ta'abihe'ehaudi we'aha 'ausalana 'oinega, ma wete 'ida nuwatuhu si'ehau, weyahina Yesu 'ina losehusehula 'oinega 'ida nuwatuhu galadi 'i'abihe 'ehaudiya.

1 Kolinita 13:1

Ceguma 'igu gwaeyao bwebwe'adi, gide tologuguyao ma aneloseyao 'idi gwae, ta 'eguma helau geya 'ateguwa 'imiyamiya, 'igu guguyaedi ginaula bwagabwaga, gide sinaha silahulahusi besobeso, nuwana yoguli simu'amu'a besobeso.

Loma 14:15

Bo nuwana 'eguma tupwadi 'iyadao sigwaeya 'abehega 'uibai tupwadi he'ahe'asisidi, ma 'eguma 'u'ai nata tomotaedi sinuwagala. Beno geya helau 'ana 'eda. Ma 'unuwatuhuyahi hesiyage 'abehega tomotaedi weyahidi Keliso 'i'amasa, ee 'oinega sahena ginaulaedi he'ahe'asisinidi matadiya 'u'ai'ai, nata gide 'u'abi hewe'adi.

Loma 9:1

Ciyagwao, geya ya'abo, nuwagu 'igala moisa 'igu susuwao meIsileli weyahidi, ma tuta mabwaiyana 'ategu 'imuyamuya weyahidi, weyahina Keliso geya sida hemisaeya. Cigu gwae bewa Keliso ma Yaluyaluwana Tabuna sisanasanapu 'abehega yagwaegwae moisa.

Paihowa 24:16

“Ta tuta mabwaiyana 'oidiya yatohotoho waiwai 'abehega yamumuga bwebwe'ana, Yehoba matana, ma wete tomota 'oidiya.

Paihowa 15:9

ma geya 'aigeda wete wataha 'i'abi'abi latuhe, ta 'abehega taudi hagahagadi ma tauda hagahagada, ma hesi taudi sihemiseya gide tauda tahemiseya, ma 'oinega mabwaiyada 'ateda 'i'abihe 'ehaudi.

Madiu 12:35

Weyahina loheya 'ausalana 'atenega ginaula 'ausaladi 'ipaihowa, ma hesi loheya galana 'atenega ginaula galadi 'ipaipaihowadi.

Madiu 5:8

Comi 'atemi 'ausaladi wayaliyaya, weyahina 'abwa Yehoba wa'ita.

1 Yoni 3:23

Ma 'ina loina 'eluwaedi 'abehega Natuna Yesu Keliso tahemise, ma 'iyadao tahelauwedi, gidemusa Kelisoina 'ada loina 'i'ebwaegita.

Ibeliu 13:18

Nuwanuwama wete tauma weyahima wa'ahwanoi Yehoba 'oina. Bewa tuwa 'anuwatuhuya 'abehega 'ima mumuga 'ausalana, ta nuwanuwama mumuga 'ausalanaina 'oina 'atoholo hataya.

Ibeliu 9:14

Ta hesi Keliso bweyahina 'ebe 'abihe'ehau bwebwe'ana hedade, weyahina 'ateda 'i'abihe'ehaudi ma 'oinega paihowa besobeso talogwahatedi, ta Yehobaina mayawasina 'ina paihowao tapaihowadi. Weyahina Yaluyaluwa Tabuna miyamiya hatayana Keliso 'i'abihe waiwaiya, ta tauna ma'ina mumuga mabwaiyana dumwaluna ta geya 'aigeda wete galana 'oina, 'oinega tauna 'ipwaoliyeya Yehoba 'oina, beno 'i'amasa tauda 'ada 'ehau weyahina.

Galetiya 5:6

Moisa, Yesu Keliso 'oina meYudiya 'adi 'ila'ilala geya 'i'abihe dumwaluwegita, beno 'wapidi si'upwa'upwa, ma wete 'eguma 'wapi 'upwaina talogwahate geya'abwa 'ada 'ahwadumwalu talobaloba. Beno tuwa 'eguma Yesu tahemise ma tahelauwe, tauna 'ada to'abihedumwalu.

Loma 12:9

Wahelau moisa. Pui waguipaile, ma mumuga bwebwe'ana hesiyage wa'abiyahi.

1 Timoti 1:18

Natugu Timoti, 'unuwatuhuyahi mwalo Yehoba 'ina topalopisai 'ino paihowa 'oiuwa sihepwaila nugeteya, ma taugu gidemusa yahegwaego ma 'upaihowadi, ma 'oinega 'uhewaiwai,

1 Yoni 3:10

Coinega taudi ta'inanadi 'abehega taiyawedi Yehoba natunao, ma taiyawedi Tomudulele natunao, weyahina taudi Tomudulele 'ina boda geya'abwa sipaipaihowa dumwalu, weyahina geya sili'u Yehoba 'oinega, ma wete geya'abwa sihelau matasidiyao.