1 Timoti 1:19 - Loina Nuahuana

¹⁹ ma ma'ino hemisa ta ma'ino nuwatuhu bwebwe'ana, tuta mabwaiyana 'oidiya. Weyahina 'iyadao tupwadi nuwatuhu bwebwe'adi silogwahatediya, 'oinega 'idi hemisa siwe'a ta sibe'uwa.

1 Timoti 1:19 Referans Kwoze

1 Timoti 3:9

Ma 'idi tapwalolo 'ana sanapu dahwadahwaina si'abiyahi, 'idi nuwatuhu bwebwe'anega.

Heꞌitaꞌita 3:10

“Ma 'abwa tuta mwau 'ilatu bale'uwa, ma tomota mabwaiyadi 'itohodi, ma hesi 'omi mwauina 'oina ya'itayahigemi, weyahina 'igu gwae wahematamataneya, ma weyahigu wa'alama'i'ita.

1 Timoti 6:9

Ma taudi wasawasa 'ana tohemisao nata Seitani 'ina 'ebetohona 'oina sisi'wa, ma siboi 'idi nuwatuhu besobesowedi 'oidiyega si'abihegala hiledi, ta 'abwa taudi beno hesilae moisa siloba.

Taito 1:9

Ta wete he'itaedi moisaedi sihesagohediya sihemisaedi, ma sinuwatuhu yahidi, ma 'ane tomota tupwadi silemedi he'ita 'oinega, ta 'eguma taiyawedi sihegwae 'abo'abowedi si'abihe dumwaludi.

Heꞌitaꞌita 3:8

Tauna bewa 'ihepwaila 'oimiya, 'igwaeya, “Cimi paihowao yasanapu pwaidiya, ma wete yasanasanapu 'imi waiwai tupwana 'imiyamiya, weyahina 'igu he'itao wamuliyediya, ma wete sanigu geya wauhale. Coinega 'ahwa'eda yaso'e pwaiya weyahimi, ta geya 'aigeda taiya sawasawahina ma 'igudu.

Ibeliu 3:14

Tauda mwalo 'ida hemisa Keliso 'oina talaguya, ma 'eguma 'ida hemisaina ta'abiyahi bwaibwaini ma 'ana siga tuta 'ana 'ebelosaloha 'oina, Keliso ba'idadai tayaliyaya mahemahetena.

2 Timoti 4:4

Ma he'ita hagadi 'adi muliya 'oidiyega he'ita moisa si'ebesine.

1 Yoni 2:19

ma Keliso 'ana 'alehaowedi 'adi 'ita gide Keliso 'ana tohemisao, ma geya. Weyahina taudi 'eguma 'ida boda moisa, 'abwa mahetedao tamiyamiya. Ma hesi geya! Tuwa si'ebesine pwaigita.

1 Timoti 6:21

Weyahina taudi nuwatuhuwedi 'adi tomuliyao 'idi hemisa Yesu 'oina 'iwe'a. Yehoba 'ina helau 'oiuwa. Taugu Paulo.

1 Timoti 1:5

Bewa 'igu loina ma 'ane nuwami 'ehaudiyega waboi wahelau hilegomi moisa ma wanuwanuwatuhu bwaibwaini, ma wahemisa moisa Keliso 'oina.

Galetiya 5:4

ma 'eguma taiya 'owa nuwanuwau ma Mosese 'ina loinao 'adi hematamatana 'oinega 'ahwa bwebwe'ana 'uloba, beno Keliso 'ina helau 'oiuwa 'uhebe'u pwaiya, eeta tauna 'u'ebesineya.

1 Kolinita 11:19

Ta hesi 'imi 'ewatawatahaina 'ana bwebwe'ana beno 'abehega taiyewedi taudi tohekalesiyao moisa ta'inanadi.

Heꞌitaꞌita 3:3

Ma mwalo he'itaina sihe'itegomiya ta wahesagoheya, sowasowana wanuwatuhuyahi ma wanuwahila eema wamuliya bwaibwaini. Ma 'eguma geya 'enowega wada toholowa, 'abwa 'oimiya yatauyawa ma yalohe'ate yohogomi gidemusa toyagaha, ta geya wasanapu tolahisa yalatuwa.

Madiu 6:27

Ma taiya 'oimiyega sawasawahina 'ina nuwatuhuwega 'ina tuta bale'uwa 'i'abiheduduli? Geya, 'awa?

1 Timoti 6:12

Ma wete tapwalolo 'ana paihowa bwebwe'adi 'oidiya 'utoho ma 'uhewaiwai, ma yawasiu miyamiya hatayana wete 'u'abiyahi, weyahina mwalo Yehoba 'ihesinuwegowa, beno tutaina 'ino hemisa 'uhepwaila latuwa tomota mabwaiyadi matadiya.

2 Timoti 2:18

ma siteluwaedi he'ita moisaina si'ebesineya ma sigwae, “To'amasa 'idi toholo hila 'ana tuta 'igumwala,” 'oinega 'iyadiyao tupwadi 'idi 'aboina sihesagoheya, ta 'idi hemisa 'iwe'a.