1 Timoti 1:13 - Loina Nuahuana

¹³ Mwalo geya gide, ma hesi Keliso ya'ahwa galagalaeya ma 'ina bodao yalosahiyediya, ma tuwa Yehoba 'isanapuya 'abehega ginaula galadi taugu yapaihowediya 'igu henuwa potapota 'oinega, ma wete geya yahemisa, 'oinega 'i'atemuyemuyegauwa.

1 Timoti 1:13 Referans Kwoze

Paihowa 8:3

Ma Saulo hesi tohekalesiyao 'imutumutudi ta weyahidi 'iluhuluhu hada 'aigeda 'aigeda 'oidiya, ma 'eguma tohekalesiyao loheloheya ma wete wahiwahine 'ilobalobadi, tuwa 'i'abiyahidi, ma deliya 'ilagu luhuwedi.

1 Pita 2:10

Tuta mwalo 'oidiya 'omi geya waheboda 'aigeda, ma sauga bewa Yehoba 'oina waheboda 'aigeda pwaiya, ma mwalo wete Yehoba 'ina 'atemuyamuya geya 'oimiya 'imiyamiya, ma sauga bewa waloba pwaiya.

Paihowa 9:13

Ma Ananaiyasiina 'igwaeya, “Bada, loheyaina tetelina tomota baibaiwadi sihegwaegauwa 'abehega loheya galana, ta 'ino tohemisao Yelusalema 'oina 'ilolo'aleha hedadadi,

Ibeliu 4:16

Coinega ma'ida 'atepatu tanao ma ta'ahwanoi 'ada toloinaina 'oina, ta 'oinega 'ida miyamwau 'oidiya 'i'atemuyemuyegita, ta wete 'i'abihetegita.

Paihowa 3:17

“Tasigwao, yasanapugomiya 'abehega 'imi henuwa potepotega Yesuina walohe'amasiya, gidemusa 'imi babadao.

Luke 23:34

Coinega Yesu 'igwaeya, “Tamagu yo, 'idi pui bewa 'unuwasamudi, weyahina geya sisanapu to'aha sipaipaihowa.” Ma tolo'alehaowedi Yesu 'ana 'wama si'eweya, ta 'oinega si'eheyaheyaleya, tuwa gide siulahesinuwa, ma 'oinega 'eguma taiyawedi sinugeta 'wamaedi si'ewadi.

1 Timoti 1:16

Yehoba 'ina 'atemuyamuya 'oiguwa huhuna bewa gide, 'abehega Yesu Keliso taugu togala madouna weyahigu 'i'alama'i'ita, ma 'ane togala mabwaiyadi si'itegau ma sisanapu taudi wete 'eguma Keliso sihemisae yawasidi hataya siloba.

Pilipai 3:6

Eeta yahetapewa madouna tohekalesiyao yagihe 'am'amnediya, ta geya 'eta wete Mosese 'ina loinao yaligeligehi.

Galetiya 1:13

Ta 'igu mumuga mwalo, tutaina meYudiya 'idi boda 'alona yamiyamiya, wahesagoheya, 'abehega Yehoba 'ina tohekalesiyao ya'abihemuya hedadediya ta nuwanuwagu yamutudi.

1 Kolinita 15:9

Ta wete taugu loheya galagu. Weyahina Yehoba 'ana tohemisao ya'abihe muyemuyediya, 'oinega Keliso 'ana tohepwailao mabwaiyadi sibwebwe'ana sinegauwa.

1 Kolinita 7:25

Geya 'aigeda wete loina Yehoba 'i'ebwaegauwa gumalaulau taudi geya sihai weyahidi, ta hesiyage 'ihelauwegauwa ma nuwatuhu dumwalunega 'i'ebwaegauwa loinaina weyahina.

Paihowa 22:4

“Ma hemisa hauhauna bewa 'ana tomuliyao yalo'alehediya. Ma loheloheya ma wahiwahine deliya yalagu luhuwediya, ta tupwadi yalohe'amasidiya.

Paihowa 9:5

Ma Saulo 'igwaeya, “Bada taiya hede 'owa?” Ma 'enanaina 'igwaeya, “Taugu Yesu 'ulolo'alehegau.

Paihowa 9:1

Ma Saulo 'abwa tuwa Bada Yesu 'ana tomuliyao 'oidiya 'ilolo'alehedi, nuwanuwana 'ilohe'amasidi. Coinega 'itauya Topwaoli Madouna 'oina,

Luke 12:47

“Ma 'eguma taiya 'ina bada 'ina nuwatuhu 'isanapu ma tuwa geya 'i'atububu ta wete geya 'ipaihowa, 'abwa sapi mwauna 'iloba.