1 Tesalonaika 1:3 - Loina Nuahuana

³ Cimi hemisa ma 'imi paihowa bwebwe'adi 'anuwatuhu yahidi, ma wete 'imi paihowao helauwega, ma'imi 'alama'i'ita, wete ma'imi hemisa ma 'ane 'ida Bada Yesu Keliso 'i'abihetegomi.

1 Tesalonaika 1:3 Referans Kwoze

1 Kolinita 13:13

Ginaula madouna 'etoi simiya hataya, 'aigeda tahemisa, 'aigeda tanuweya, 'aigeda tahelau, ma mabwaiyadi 'oidiyega helau 'imadou hedadeya.

Heꞌitaꞌita 2:19

Tauna bewa 'ina hepwaila 'oimiya 'igwaeya, “Cimi paihowao yasanapu pwaidiya, 'imi helau ta 'imi hemisa ta 'imi paihowa ta 'imi 'alama'i'ita, ma yasanasanapugomi tuta bewa 'imi paihowa bwebwe'ana hedade, ma mwalo tupwana.

Galetiya 5:6

Moisa, Yesu Keliso 'oina meYudiya 'adi 'ila'ilala geya 'i'abihe dumwaluwegita, beno 'wapidi si'upwa'upwa, ma wete 'eguma 'wapi 'upwaina talogwahate geya'abwa 'ada 'ahwadumwalu talobaloba. Beno tuwa 'eguma Yesu tahemise ma tahelauwe, tauna 'ada to'abihedumwalu.

2 Tesalonaika 1:11

Mwalo Yehoba 'ihesinuwegomiya ta 'ibwauwegomiya, ta 'oinega wahemiseya. Bewa weyahina tauma tuta mabwaiyana 'a'ahwa'ahwanoi weyahimi ma 'ane wamuliya moisa, weyahina 'omi nuwanuwami hemisa moisega wamumuga dumwalu, 'oinega 'ima 'ahwanoi Yehoba 'oina ma 'i'abihe waiwaiyegomi eema paihowaedi wapaihowadi.

1 Yoni 5:3

Weyahina Yehoba 'ana helau ma 'ina loina 'ana hematamatana mahemahetena, ma 'ina loinaedi geya mwaudi, ma hesi meyameyahadi.

Galetiya 6:9

Geya'abwa 'ida paihowa bwebwe'adi 'oidiyega ta'ala'ala 'i'iwasa, weyahina 'eguma geya'abwa tawe'a, 'abwa 'eli'eli bwebwe'ana taloba.

Loma 15:13

Ta Yehoba 'iboinamo ma'ana hemisa, weyahina 'iboi tuwa 'oinega lema bwebwe'adi talobaloba, 'oinega nuwanuwagu ma ma'imi yaliyaya wahemisa eema 'ane 'imi miyamiya sibwebwe'ana, ma wete Yehoba Yaluyaluwanega 'i'abihe waiwaiyegomi, ma 'imi hemisaina 'ihemadou bwaibwaina.

1 Yoni 3:3

Cida hemisa nuwatuhu bewa weyahina, 'oinega mumugada tagihe'ehaudi, gidemusa Keliso.

1 Tesalonaika 3:6

Coinega Timoti 'itauyawa 'i'itegomiya ma tetelimi 'i'eweyama, 'igwaeya, “Tesalonaikaedi Keliso 'oina sihemisa moisa, ma taudi tohelau moisa, ma tuta mabwaiyana 'ida tauya nugeta 'oidiya sinuwanuwa tuhuyahi ma'idi yaliyaya, ma nuwanuwadi wete si'ita hilegita.” Tauma gide wete nuwanuwama ma 'omi 'a'ita hilegomi.

1 Yoni 3:18

Natugwao, geya'abwa 'ida helau gwaenamo 'oinega, ma hesi 'ida paihowega ma tada helau moisa.

Ibeliu 10:36

Ma 'ilobwainegomiya watoholo pa'ala ma Yehoba 'ina nuwatuhu wapaihowa, ma to'aha 'igwae hemisaeya wa'ewa.

1 Kolinita 15:58

Ma wete 'iyagwao yaloyauwedo madouna 'oimiya ta yaguguyegomi ma watoholo pa'ala ma tuta mabwaiyana wada hetapewa Bada 'ina paihowa 'oina, weyahina 'abwa Bada 'ina paihowaina 'oinega huwaina taloba.

2 Tesalonaika 1:3

Ciyamayao, 'ilobwainemaiya tuta mabwaiyana 'aloyauwedo Yehoba 'oina, 'imi hemisao ma 'imi helauwao waboi 'oimiya 'adi madou weyahina.

1 Yoni 3:21

Ciyagwao, 'eguma geya 'ida 'ebe matautamo, sawasawahina ma ta'atepatu Yehoba matana,

1 Pita 3:4

ma hesi 'atemi wahepasadi pasaedi miyamiya hatayadi 'oidiyega, taudi gidemusa mumuga nuhana ma nuwadobi 'oidiyega, Wanuwatuhuyahi mumugaedi 'abehega ginaula madouna Yehoba matana.

Ibeliu 11:17

Ebalahamo wete ma'ina hemisa tutaina 'ebetohona 'ilobeya Yehoba 'oinega, 'abehega natuna moisa Aisake 'ipwaoliye Yehoba 'oina. Mwalo Yehoba 'ina gwae hemisao 'i'ebwaeya Ebalahamoina 'oina, ta wete 'igwaeya, “Cabwa Aisake 'oinega 'ino boda 'ilatu,” 'oinega Ebalahamo natunaina 'itagwaleya ma 'ilohe'amasi,

Ibeliu 6:15

Ma Ebalahamoina 'i'alama'i'ita tuta dudulena, eeta gwaeina huwaina 'ilobeya.

1 Timoti 2:3

Cada to'abihetenaina Yehoba nuwanuwana bewa gide ta'ahwanoi 'esa,

Galetiya 5:13

Ciyagwao, Yehoba 'ihesinuwa pwaigomiya ta lihalihasimi. Lihalihasimi ma hesi geya'abwa mumuga bale'u wamulimuliyedi. Mumugami hesi helau 'ina loinega watauya, ma waboimo wahelemalema hilegomi.

Galetiya 1:4

Weyahina Tamada Yehoba 'ina nuwatuhu bewa gidemusa, eeta Yesu tauna 'itagwaleya ta 'i'amasa 'ida puiyao weyahidi, ma 'oinega tuta bewa galana 'ina waiwaiyega sowasowana 'i'abihetegita.

Loma 16:6

Meli wete 'oina yahelauwa, tauna weyahimi 'i'ala'i'iwasa madouna.

Loma 15:4

Ma wete 'ebe'itao baibaiwadi Yehoba 'ina Buki 'oina 'ihepwailediya Yehoba 'ina 'abihetenaedi weyahidi, 'eguma 'ebe'itaedi tahemisaedi, ta'alama'i'itana ma'ida nuwatuhuyahina 'ane 'etolema 'abwa ta'ewa.

Loma 12:12

Ma wanuwatuhuyahi 'abehega tuta 'inaonaoma Yehoba 'ina 'abihetena 'ilatuma, ma weyahina wayaliyaya, 'oinega 'imi miyamwau 'oidiyega wa'ahwa'ahwanoi Yehoba 'oina, ma'imi 'alama'i'ita.

Loma 2:7

Ma 'eguma tuta mabwaiyana tapaihowa bwebwe'ana ma'ida he'alama'i'ita, ma gide tuwa tapaipaihowa 'esa, ma 'abehega 'ahwa bwebwe'ana ma nata yawasi miyamiya hatayana ta'ewa Yehoba 'oinega, beno moisa tuwa 'abwa yawasida miyamiya hatayana 'i'ebwaegita,

Paihowa 10:31

Ma 'ihegwaegau, 'igwaeya, 'Konilio, Yehoba 'ino 'ahwanoi 'ihesagoha pwaiya ma wete 'ino lema wewelohe 'oidiya 'inuwatuhu yahiya.

Paihowa 3:19

Coinega 'ilobwainegomiya wanuwabui ma 'imi puiyao 'i'ewayahuledi, ma lotohona bwebwe'ana waloba Bada tauna 'oinega,

Yoni 14:15

Coinega Yesu 'ana tomuliyaedi wete 'ihegwaediya 'igwae, “Ceguma moisa wahelauwegauwa, 'igu loinao mabwaiyadi wahematamatanedi.

Ibeliu 13:21

Ma Yehoba sowasowana ginaula baibaiwadi 'ausaladi 'i'ebwaegomi ma 'oidiyega 'ina nuwatuhu wamuliye moisa, ma 'oinega Yesu Keliso 'ina paihowega Yehoba 'i'abihe bwebwe'anigomi to'aha gide 'ina nuwatuhu, ma weyahimi 'iyaliyaya. Coinega Kelisoina tada hepwatu hatae. Emeni.

Ibeliu 4:11

Ma 'ilobwainegita ma tatoho waiwai 'abehega 'ebe 'aiyawasiina taloba, ma sahena 'aigeda taiya 'ilologwahata, 'amuge ta 'ibe'u, taudi gide mwalo sibe'u 'esa.

2 Kolinita 2:17

Ma tauma geya gide tolohatoto 'abo'abowao, taudi 'idi wasawasa tuwa weyahina silolohatoto, ma hesi tauma ma'ama hemisa, gide Yehoba 'iloinemaiya, 'oinega tauna matana Keliso tetelina 'agwaegwaene moisa.

Loma 16:26

ta bewa tutaina 'i'abi latuheya 'oida, palopitao 'idi leleyao 'oidiyega, ma wete Yehoba miyamiya hatayana 'igwaeya 'abehega tetela bewa 'asa mabwaiyadi 'ana tomotaiyao sida sanapu, ma 'ane sihemisa ma simuliye.

Yoni 15:10

Ma 'igu loinao 'eguma wete wamuliya bwaibwainidi nata 'omi wete 'igu helau 'oina wamiyamiya. Gide taugu Tamagu 'ina loinao yamuliya bwaibwainidiya, 'oinega 'ina helau 'oina yamiyamiya.

Heꞌitaꞌita 3:10

“Ma 'abwa tuta mwau 'ilatu bale'uwa, ma tomota mabwaiyadi 'itohodi, ma hesi 'omi mwauina 'oina ya'itayahigemi, weyahina 'igu gwae wahematamataneya, ma weyahigu wa'alama'i'ita.

1 Timoti 1:14

Ma 'ida Badaina 'ihelauwegauwa madouna ma hemisa ma helau Yesu Keliso 'oinega 'i'ebwaegauwa.