1 Pita 4:8 - Loina Nuahuana

⁸ Coinega wahelau hilegomi moisa 'aigeda 'aigeda 'oimiya, weyahina helau sawasawahina ma galana baibaiwadi 'igibodi.

1 Pita 4:8 Referans Kwoze

Kolose 3:14

Ma 'ilobwainegomiya mumugami wahehelau hilegomi, weyahina helau 'oinega paihowa mabwaiyana sidumwalu.

1 Pita 1:22

Coinega 'eda dumwadumwaluna wamuliya bwaibwainiya, beno 'oinega 'imi 'ehauhila walobeya, ma wete taudi 'iyamiyao wahelauwedi 'atemi mabwaiyana 'oinega, eeta sowasowana 'omi wete wahelau hilegomi 'aigeda 'aigeda, helau moisa 'oinega.

Yemesa 5:20

nata togalaina yaluyaluwana 'u'abiheteya 'amasega, weyahina 'ina galaina mabwaiyana sigumwala.

1 Kolinita 13:1

Ceguma 'igu gwaeyao bwebwe'adi, gide tologuguyao ma aneloseyao 'idi gwae, ta 'eguma helau geya 'ateguwa 'imiyamiya, 'igu guguyaedi ginaula bwagabwaga, gide sinaha silahulahusi besobeso, nuwana yoguli simu'amu'a besobeso.

1 Tesalonaika 3:12

Ta heluwena 'abehega Bada helauwega 'ilohemahegomi ma waboi wahelau hilegomi, ma wete tomota hagadi wahelauwedi moisa, gide tauma 'ahehelau 'esegomi.

Ibeliu 13:1

Coinega wahelau hilegomi taumimo 'oimiya.

1 Timoti 1:5

Bewa 'igu loina ma 'ane nuwami 'ehaudiyega waboi wahelau hilegomi moisa ma wanuwanuwatuhu bwaibwaini, ma wahemisa moisa Keliso 'oina.

2 Tesalonaika 1:3

Ciyamayao, 'ilobwainemaiya tuta mabwaiyana 'aloyauwedo Yehoba 'oina, 'imi hemisao ma 'imi helauwao waboi 'oimiya 'adi madou weyahina.

3 Yoni 1:2

Ciyagu, 'igu 'ahwanoi Yehoba 'oina wahiu 'ina miya bwebwe'ana weyahina, yasanapuya weyahina yaluyaluwau 'ina miya bwebwe'ana, eema ma'ina yaliyaya.

Yemesa 5:12

Ma tasigwao, 'aigeda wete ginaula madouna 'oida 'abehega sahena ta'eta'wata'walulu Tamada saninega, nuwana bale'u ginaulao 'oidiyega, bo nuwana to ginaula tuwa 'oidiyega, 'eguma 'imi gwaeupaupa 'oidiyega. Ta hesi tuwa wagwae, “Cehe,” 'eguma 'imi nuwatuhu gidemusa, ta 'eguma geya, wagwae, “Geya.” Weyahina 'eguma gwae madoudi wa'inanadi, muliyetega Yehoba 'iheyatalaegomi.

1 Kolinita 13:4

Moisa, helau ginaula madouna, weyahina 'eguma helauina 'ateda 'imiyamiya, sawasawahina ma tahe'alama'i'itana ma tomota ta'ate muyamuyaedi, ta sahena tahehe'ipi'ipiyedi. Ta sahena wete tanuwanuwahane, nuwana tagagagagasa,