1 Pita 2:11 - Loina Nuahuana

¹¹ Ciyagwao 'oimiya yahepwaila 'abehega tauda bale'u bewa 'oina tohetautaumana, 'oinega 'imi nuwa'ubunaowedi 'atemiya simiyamiya walogwahatedi, weyahina yaluyaluwami silo'alehedi.

1 Pita 2:11 Referans Kwoze

Galetiya 5:24

Ta wete 'eguma Yesu Keliso 'iloinegita, wahida 'ina mumuga galadi ma nuwa'ubunao 'ilohe'amasidiya 'ana kelose 'oina.

1 Pita 4:2

Coinega 'ida tuta mabwaiyana bale'uwa tamiyamiya tatagwalegita Yehoba 'oina ma tauna 'iloinaegita ma hesi 'ida nuwa'ubuna geya'abwa 'iloloinaegita.

Ibeliu 11:13

Tomota nugenugetadiyedi ma'idi hemisa, ma hesi si'amasa ta gwae hemisaedi huwaidi geya sida lobeya, ta hesi tuwa bwagebwagega si'iteya ta siloyauwedowa weyahina, ma wete taudimo si'ahwa taumanaediya gide taumana tuwa tupwa bewa bale'u 'oina.

Yemesa 4:1

To'aha weyahina 'aleha ma he'ahupanapanawa silatulatu 'oimiya? Nuwana waboi 'imi nuwa'ubuna 'oidiyega, weyahina tuta mabwaiyana hali mumuga ma hali mumuga 'alomiya sipaipaihowa.

2 Timoti 2:22

Coinega hewahewali 'idi henuhenuwa 'ulogwahatedi ma mumuga dumwaluna ta hemisa ta helau ta miya daumwala 'umuliyedi, taudi Yesu si'ahwa badaeya ma'ate 'ehaudi ba'idamwao.

2 Kolinita 7:1

Ciyagwao, Yehoba 'ina gwae hemisaedi tahesagohediya, 'oinega wahida ma yaluyaluwada ta'abihe 'asilaladi ginaula bi'ibi'idi 'oidiyega, ma tahe'ehau moisa ta ma'ida he'asisi Yehoba 'oina.

Loma 12:1

Tasigwao, wanuwatuhuyahi 'abehega Yehoba 'ina 'atemuyamuya 'oida 'imadou hedada, ee 'oinega bewa 'igu loguguya 'oimiya, tuta bewa mayawasimi wamiyamiya wapwaoliyegomi Yehoba 'oina, weyahina Yehoba nuwanuwana wahimi mabwaiyadi watagwaledi 'ina paihowa 'oina. Bewa gide paihowa 'esaina beno tapwalolo moisa 'ina 'eda Yehoba matana.

Epeso 4:1

Coinega ya'ahwanoi 'oimiya ma mumugami wa'itayahi, bewa tuwa taugu deliya silagugauwa Badaina 'ina paihowa weyahina, ma 'omi Badaina 'ibwauwegomiya tauna 'ina paihowa weyahina, 'oinega 'ilobwainegomiya ma to'aha 'ina paihowaina 'ana lobwaina wamuliye,

Loma 7:23

ma hesi hali loinao taudi wahiguwedi 'oidiya siloinaegauwa. Tuta mabwaiyana lotohona galana 'ateguwa 'ihehewaiwai hedade ma 'igu nuwatuhu bwebwe'ana 'i'abi'abihewe'a, ma wahigu 'ina paihowa galana 'oinega pai ma 'amasa yalobediya.

Paihowa 15:29

Cetobodao beno, to'aha tomota sipwaopwaoli hali 'ebe tuluha 'oidiya, sahena wa'ai'ai, wete hebai mabweyahidi, ma hebai dididimagaidi hesiyodi sahena wa'ai'aidi, ta wete sahena waganaganawala. Ceguma 'etobodaedi bewa 'oidiyega wa'itayahigomi, mumugami bwebwe'ana. Yauwedo.”

Luke 21:34

“Ma wa'itayahigomi ma sahena 'e'ahai ta numa we'aha waiwaidi 'oidiya watautauya hedade, ma wete sahena 'imi miya bale'uwa weyahina wanuwanuwatuhu hedade, 'amuge ma sabweloina 'oina Yehoba 'ilohe'ateyohogomi ta gide gomana 'oinega si'onegomi.

1 Pita 1:17

Cabwa Yehoba 'ina loina 'aigeda dumwadumwaluna 'oinega tomota mabwaiyadi 'iloinaedi, gide 'ida paihowa, bwebwe'ana, bo nuwana galana. Tauna Yehobaina wahesaniyeya Tamamiu 'imi 'ahwanoi 'oidiya, sowasowana wahe'asisiyane tuta mabwaiyana bale'u bewa 'oina wamiyamiya.

2 Kolinita 6:1

Coinega Yehoba ba'idamai 'apaipaihowa, ta 'oimiya 'a'ahwanoi ma sahena 'ina helau wa'ahwa ginaula bwagabwagae,

2 Kolinita 5:20

Tauma Keliso 'ana tohepwailao ta Yehoba 'oimega 'ilolohatoto 'oimiya, ma Keliso weyahina 'a'ahwanoiyegomi ma Yehoba 'oina wahe'iya'iyagu hila.

Paihowa 15:20

ma hesi 'idi leta talele ma 'etoboda 'ehatamo talagudi beno, 'e'ahaiina hali 'ebe tuluha 'oidiya tomota si'ebwaediya geya'abwa si'ai'aidi, ta sahena ganawala, ma hebai 'ani'o didididi hesiyodi ma wete bweyaha geya'abwa si'ai'aidi.

1 Pita 1:1

Taugu Pita, Yesu Keliso 'ana tohepwaila, bewa 'igu leta 'oimiya 'omi Yehoba 'ina tomotaiyao wahetautaumana ma wahe'asa hali tupwa 'oidiya, gide Ponitio ma Galetiya ma Kapadosiya ma Esiya, ma wete Bitiniya 'asaidiyao 'oidiya.

Epeso 2:19

Comi mwalo taumanao wamiyawasiya, ma sauga bewa hesi wahetoni'asa pwaiya Yehoba 'ina bodao mahetemiyao, ta waheboda 'aigeda Yehoba 'ina susu 'oina.

Ibeliu 6:9

Ma 'iyagwao 'igu gwae bewa henuwalagu tuwa, ta yanuwatuhu yahiya helauwega 'abehega 'omi Keliso 'ina 'abihetena 'ana to'ewao wahewaiwai moisa.

1 Pita 4:12

Ma tasigwao, geya'abwa ma'imi henainaida 'eguma tutaina 'ebe tohona mwaudi walobadi. Geya'abwa wanuwanuwatuhu 'abehega silatulatu daita,

2 Pita 3:1

Ciyagwao, bewa 'igu leta heluwena 'oimiya, ma 'igu letaedi 'eluwa 'oidiyega yatohotoho ma yahenuwa laguwegomi ma wanuwatuhu bwaibwaini,