1 Pita 1:12 - Loina Nuahuana

¹² Ma Yehoba palopitaowedi 'ihe'itediya 'abehega gwae hemisaedi sihepwaila nugetediya geya taudi siboi weyahidi ma 'omi hesi weyahimi, ma nuwatuhuwedi mwalo weyahidi sigwae pwaiya bewa wahesagohediya wasa bwebwe'ana 'ana tohepwailao 'oidiyega, beno Yaluyaluwa Tabuna galewega 'ina waiwaiyega. Ma nuwatuhuwedi sihegwaegomiya, aneloseyao galewa nuwanuwadi ma taudi wete sida sanapu, ma hesi geya si'ita.

1 Pita 1:12 Referans Kwoze

Yoni 15:26

“Comi nata 'ami tolema Tamagu 'oinega yahesumaneyama. Tauna Yaluyaluwaina, gwae moisa huhuna. Tauna nata 'ihetohepwaila weyahigu.

Epeso 3:10

'abehega 'ebe'ita tauda tohekalesiyao, ma 'oidega Yehoba 'ina sanapu mabwaiyana 'ihe'itae galewa 'ana yaluyaluwa waiwaidi 'oidiya.

1 Kolinita 2:10

Ta hesi Yaluyaluwa Tabuna 'oinega Yehoba sanapuina 'i'abilatuheya 'oida, weyahina Yehoba Yaluyaluwana ginaula mabwaiyana 'isanapudiya. Coinega Yehoba 'ina nuwatuhu dahwadahwaidi wete 'isanapudiya.

Ibeliu 4:2

Moisa, wasaina 'i'ebwaegita, taudi wete mwalohene 'i'ebwaediya, ta wasaina geya 'ilemedi, weyahina sihesagoheya ta geya sihemise.

Maki 16:15

Coinega hemataluwa 'i'ebwaediya, 'igwae, “Watauya tupwa mabwaiyana, ma wasagu tomota mabwaiyadi 'oidiya waguguyae.

1 Pita 1:25

Ma hesi Bada 'ina gwae miyamiya hatayana.” Gwaeina bewa 'oida 'imiyamiya, beno wasaina bwebwe'anaina wahesagoha pwaiya.

Heꞌitaꞌita 5:11

Ma wete aneloseyao ya'itediya baibaiwa hedada, geya 'aihasila, wagahata wasawasaina ma hebaiyedi ma wete babadaedi sitoholo sakowasiyediya,

2 Kolinita 6:6

mumuga 'asilalana, sanapu, 'atemuyamuya, he'iya'iyagu, Yaluyaluwa Tabuna 'ateda, ta wete helau moisa,

2 Kolinita 1:22

ma 'ina 'ila'ilala 'oida 'ilaguya, beno Yaluyaluwana 'ateda, ma 'oinega tasanapugita 'abehega tauda 'ina tomotaiyao.

Loma 15:19

Ma wete 'igu paihowaedi waiwaidi ma 'ebenuwa henainaida si'itediya, weyahina Yehoba Yaluyaluwana 'ina waiwaiyega Keliso wasana yaloguguya sakowasiyeya Yelusalemega ta 'ana siga Ililikomi.

Paihowa 2:33

Coinega Yehoba 'i'abihaneheya ta tauna 'ina 'ebeulega 'imiyamiya, ma tauna Yaluyaluwa Tabunaina Yehoba mwalo 'igwae hemisaeya, ma bewa tuwa 'i'ebwaya pwaimaiya, 'oinega paihowa bewa wa'ita'itadi ma wahehesagohedi, tauna 'oinega sitauyama.

Ibeliu 2:4

Ma Yehoba wete 'ihe'ita 'abehega gwaeina gwae moisa, beno 'ila'ilala ma hedehedede ma paihowa waiwaidi 'oidiyega, ta wete Yaluyaluwa Tabuna 'ina heguyai 'oida 'oinega. Ma 'ina 'eheleyedi Yehoba 'ina nuwatuhu gide, ta Yaluyaluwa Tabuna ginaulaedi 'oida 'iheguyaiyediya.

Galetiya 1:16

eeta tauna 'ina nuwatuhuwega Natuna 'oiguwa 'ihe'itaeya, ma yahetohepwaila weyahina tupwa ganamuli 'oidiya. Coinega geya yatautauya tomota 'oidiya sabi hesilala tetela bewa weyahina.

Galetiya 1:12

weyahina geya tomota 'idi hepwailao, nuwana 'idi he'itao 'oidiyega, ma hesi Yesu Keliso 'ina he'ita 'oiguwa 'oinega.

Loma 10:15

Ta 'eguma Bada tologuguya 'ihewasaedi sitauya 'oidiya, nata Yesu wasana sihesagohe ma sihemisae, eema 'eguma saninega si'ahwanoi nata 'i'abihetedi, weyahina Yehoba 'ina Buki 'oina gide wete 'ihepwaila pwaiya, 'igwaeya, “Tologuguyaowedi taudi tetela bwebwe'ana si'eweyama weyahidi tayaliyaya.”

Loma 1:17

Ta moisa tuwa tetela bewa 'ihe'itegita 'abehega 'ida hemisamo tuwa 'oinega Yehoba 'i'ahwa bwebwe'anegita. Weyahina Yehoba 'ina buki 'ihepwaila, 'igwaeya, “Todumwalu 'idi hemisega yawasidi siloba.”

Luke 15:10

Gide wete 'eguma 'aigeda togala 'inuwabui, nata Yehoba 'ina aneloseyao weyahina siyaliyaya madouna.”

Madiu 11:25

Tuta nage 'oina Yesu 'igwaeya, “Yauwedo Tamagu, 'owa galewa ma bale'u 'adi toloina, sanapu bewa 'udahweya tosonogao ma tonuwasabwalenao 'oidiyega, ma hesi gwagwama 'i'iudi 'oidiya 'uhe'itaeya.

1 Tesalonaika 2:9

Ciyamayao, wanuwatuhuya mwalo 'ima paihowa 'oimiya, sabwelo ma nihuwana 'oidiya 'apaipaihowa sinabwana, ta 'oinega taumamo 'ahehe'aimai, ma wete Yehoba tetelina 'ahehepwaila 'oimiya, weyahina geya nuwama 'ami mwau 'alagu 'ama 'itayahina weyahina.

Luke 9:6

Ma 'oinega topaihowaedi sitauya, ta tupwa mabwaiyana 'oidiya sisakowasiya ma tetela bwebwe'ana siloguguyae, ma wete tolohalao tupwa 'aigeda 'aigeda 'oidiya si'abihe bwebwe'anediya.

Luke 2:26

Ma Yaluyaluwa Tabunaina 'ihe'iteya ma 'abehega sahena 'i'ama'amasa ma 'ana siga To'abihetenaina Yehoba 'oinega 'i'ita nugeta.

Madiu 16:17

Ma Yesu Pita 'ihegwaeya, 'igwae, “Saimoni, Yona natuna, 'owa moisa toyaliyaya 'aigeda, weyahina 'ino sanapu bewa geya tomota 'oidiyega, ma hesi Tamagu galewa 'ina sanapuwega 'i'ebwaegowa.

Madiu 11:27

Ma wete 'igwaeya, “Ginaula mabwaiyana Tamagu nimaguwa 'ilagu pwaidiya ma Tamaguina taboinamo 'isanapugauwa, ma taugu wete Tamagu taugumo yasanapuya, ma wete 'eguma taiyawedi taudi nuwanuwagu ma Tamagu yahe'itae 'oidiya, taudi wete sisanapu.

Ibeliu 11:13

Tomota nugenugetadiyedi ma'idi hemisa, ma hesi si'amasa ta gwae hemisaedi huwaidi geya sida lobeya, ta hesi tuwa bwagebwagega si'iteya ta siloyauwedowa weyahina, ma wete taudimo si'ahwa taumanaediya gide taumana tuwa tupwa bewa bale'u 'oina.

Loma 1:15

Eeta 'igu nuwatuhu madouna ma meLoma 'omi wete 'oimiya tetela bwebwe'ana yaloguguyae.

Paihowa 16:10

Paulo 'ina nihiina 'oinega 'asanapuya 'abehega Yehoba 'ibwauwemaiya ma tetela bwebwe'ana 'aguguyae meMasidoniya 'oidiya, 'oinega 'eda 'abesa sabi habala Masidoniya.

Paihowa 10:44

Pita 'abwa 'igwaegwae ma Yaluyaluwa Tabuna 'isuluma taudi sihenono 'oidiya,

Paihowa 8:25

Coinega Pita ma Yoni 'idi Bada weyahina sihepwaila latuwa, ma 'ina gwae siguguyaeya, ma muliyetega sihila Yelusalema 'oina, ta 'idi tauya 'alona tetela bwebwe'ana sihepwaileya Sameliya 'asanao 'aigeda 'aigeda 'oidiya.

Paihowa 4:31

Cidi 'ahwanoi bewa silosalohiya, ma hadaina 'oina simiyamiya 'ilonihuwa, ma mabwaiyadi Yaluyaluwa Tabuna 'ina waiwai 'oinega si'atepatu, ma Yehoba 'ina gwae sigwae latuheya.

Paihowa 4:8

Ma Pita Yaluyaluwa Tabuna 'ina waiwaiyega 'ihegwaediya, 'igwae, “Cima toloinao ma babadao he,

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

1 Pita 4:6

Bewa huhuna 'oinega wasa bwebwe'ana 'iguguyaeya to'amasao 'oidiya, ma tuta mayawasidiya 'adi loina mwauna silobeya, ma 'ane yaluyaluwadiyega yawasidi si'ewa Yehoba 'oinega.