1 Kolinita 8:9 - Loina Nuahuana

⁹ Coinega 'e'ahai mabwaiyana sawasawahina ta'aidi, ma hesi wanuwatuhuyahi ma sahena 'ami he'ahe'asisiina wa'ai'ai tohekalesiyao we'awe'aidi matadiya, ma 'oinega wa'abi'abi hebe'udi.

1 Kolinita 8:9 Referans Kwoze

Galetiya 5:13

Ciyagwao, Yehoba 'ihesinuwa pwaigomiya ta lihalihasimi. Lihalihasimi ma hesi geya'abwa mumuga bale'u wamulimuliyedi. Mumugami hesi helau 'ina loinega watauya, ma waboimo wahelemalema hilegomi.

1 Pita 2:16

Ma 'omi hesi Yehoba 'ilihasi pwaigomiya ma 'abehega waboi waloinaegomi, ma hesi geya'abwa paihowa galadi 'oidiya watautauya, ma wapaihowa tuwa gidemusa 'omi Yehoba 'ina topaihowao.

2 Pita 2:19

Cadi tomuliyao 'oidiya sigwae, “Ceda bewa 'oina wanaoma, 'eda bwebwe'ana, ma geya 'eta wete 'etoboda 'imiyamiya.” Ma geya, taudi 'idi mumuga galana 'oinega siboimo sipai hilediya.

1 Kolinita 10:24

Cilobwainegita ma paihowaedi tapaihowadi 'iyadao 'adi lema weyahina ma hesi sahena taboidamo 'ada lema weyahina.

1 Kolinita 10:32

Sahena hali tomota wa'abi'abi henuwagaladi, nuwana meYudiya, bo tomiya ganamuli, bo nuwana Yehoba 'ina tohekalesiyao.

1 Kolinita 9:22

Ma wete 'eguma taudi 'idi hemisa we'awe'ana ba'idagwao 'amiyamiya, yamumuga 'esa taudi gidemusa ma 'abehega ya'abihetedi. Coinega tomota mabwaiyadi ba'idagwao weyahidi yatoho waiwai ma yamanasamwedi, ma 'oinega tupwadi 'oidiyega 'abihetena siloba Keliso 'oinega.

1 Kolinita 8:12

Ta 'eguma tasimiu we'awe'ana wa'abihebe'u beno 'imi pui Keliso 'oina.

1 Kolinita 8:10

Weyahina 'eguma taiya 'owa 'usanasanapu 'abehega hali 'ebe hemisaowedi ginaula besobeso, ma geya 'aigeda 'idi waiwaimo, 'oinega 'eguma 'adiwa he'ahe'asisiina 'u'ai, ma tasiu 'aigeda 'ina hemisa we'awe'ana 'i'itago, nata tauna wete 'i'ai, ma hesi ma'ina 'ateyoho.

Heꞌitaꞌita 2:14

“Eema mumugami tupwana weyahina geya yayaliyaya, weyahina tupwami Balami 'ina he'itao wamulimuliyedi. Ta 'ina he'itaowedi mwalo Balaki 'imuliyediya, ta meIsileli mumuga galana 'ihe'itediya, beno dimwa sihemisaeya, ta 'ana si'ebwaeya, ta to'eheleyedi 'e'ahaiina si'aiya, ta wete silogwaliya.

2 Kolinita 11:21

Ma taugu we'awe'agu, 'oinega geya yada sapigomiya, ta bewa 'ebedeba mwadina 'oiguwa. Ta 'eguma 'imi tologuguyaedi to'aha weyahidi sigwaegwae gagasa, hesi tuwa taugu yahetohe yauyaule ma yagwae gagasa ginaulaedi weyahidi.

1 Kolinita 10:29

geya 'uboi 'ino matautega, weyahina 'owa geya Tomudulele 'uda matauteya, ma hesi tohepwailaina 'ina matautega. Ta tomota tupwana sigwaeya, “Sahena 'agu loina walagulagu taudi towe'a 'idi nuwatuhu weyahina,

Loma 15:1

Taiyawedi tauda 'ida hemisa waiwaina sawasawahina ma 'iyadao taudi 'idi hemisa we'awe'ana ta'abihetedi. Gesowana taboidamo weyahida tanuwanuwatuhu.

Madiu 18:10

“Gwagwama bewa gide sahena 'aigeda 'oidiyega walososomane.

1 Kolinita 10:28

Ma hesi 'eguma taiya 'ihepwaila latu 'e'ahaiina weyahina ma 'oimiya 'igwae, “Taudi 'idi paihowa Tomudulele weyahina 'e'ahai beno 'oinega sipaihoweya,” sahena 'e'ahaiina 'u'ai'ai, tabu ta tohepwailaina 'inuwagala, nuwana 'imatauta, 'oinega 'owa wete 'unuwagala,

2 Kolinita 6:3

Cabihetena bewa tomota mabwaiyadi weyahidi, genuwama ma 'aigeda taiya 'ilolomugiyemai 'ima paihowao weyahidi. Geya 'aigeda wete 'ebe'etoboda 'alagulagu,

2 Kolinita 11:29

Coinega 'eguma taiya 'iwe'a, taugu wete gide yawe'a, ma 'eguma taiya 'ebetupa 'oina 'ibe'u, beno 'igu 'ebe nuwagala.

Kolose 2:8

Gesowana teya 'i'abowegomi tomota 'idi sanapuwega, weyahina sanapuwedi ginaula bwagabwaga bale'uwega, ma geya Keliso 'oinega.