1 Kolinita 5:1 - Loina Nuahuana

¹ Cimi pui yahesagoheya weyahina 'aigeda loheya 'oimiyega tamana mwanena mahetena sipuiya. Pui beno gala hedada. Taudi tomiya ganamuli gogo baibaiwana 'oidiya geya gidemusa sida mumuga 'esa.

1 Kolinita 5:1 Referans Kwoze

Heꞌitaꞌita 21:8

Ma hesi taudi 'atewe'awe'adi, ma taudi geya sihemisa, ma tohemata ganawalao, ma tolohe'amasao, ma tologwaliyao, ma Tomudulele ma'iyanao, ma dimwa 'adi tohemisao, ma to'e'abo'abowao, taudi bewa 'idi tupwa 'asa 'ala'alataina, beno 'amasa heluwena.”

Heꞌitaꞌita 2:21

Ma wahineina 'ina tuta ya'ebwae pwaiya ma 'abehega 'ina puiyedi 'oidiyega 'ida nuwabui, ma hesi genuwana ma 'ina logwali 'ilogwahate.

Kolose 3:5

Coinega gogo gabulena mumugana 'oimiya walohe'amasidi, beno logwali, pui, ma henuhenuwa galadi ma hewasawasa, beno hali 'ebehemisao 'adi tuluha.

Epeso 5:3

Comi Yehoba 'ana tohemisao, 'oinega 'ilobwaineya pui ma ganawala ma wasawasa 'ana hamwa wa'ebesinedi, ma geya'abwa weyahidi to'aha 'eta wagwaegwaene.

Galetiya 5:19

Wahida 'ina paihowa tasanapudiya, beno pui, ma loyawe, ganawala,

1 Tesalonaika 4:7

Weyahina Yehoba 'ihesinuwegita geya mumuga galana weyahina, ma hesi mumuga 'ehauna weyahina.

2 Kolinita 12:21

Cigu 'ateyohoina 'abehega 'eguma yatauya hilawa 'oimiya ma Yehoba 'ebedeba mwadina 'i'ebwaegau matamiya, ma taudi mwalo sipuiya, ma 'idi mumuga bi'ibi'ina ta pui ta ganawala 'oidiyega geya wanuwabui, taudi si'abihenuwa mwauwegau, ma weyahidi yada dou.

1 Kolinita 6:18

Sahena waganawala, weyahina ganawala geya gidemusa hali mumuga galadi. Moisa, hali mumuga galadi geya wahida si'abihe galadi, ma ganawala hesi wahida 'i'abihe galadi.

1 Kolinita 6:13

Wanuwatuhuyahi 'e'ahai weyahina. Moisa, 'e'ahai gamwada weyahina, ma wete gamwada 'e'ahai weyahina, ma hesi muliyetega 'e'ahai ma gamwada Yehoba 'ilohegumwalidi. Ma wahida Yehoba 'i'ebwaegita geya ganawala weyahina, ma tauna hesiyage weyahina, ma tauna tauda weyahida,

1 Kolinita 6:9

Ceguma mumugami gidemusa geya'abwa Yehoba 'ina 'ebeloina 'oina waluhuluhu, weyahina topuiyedi mabwaiyadi Yehoba 'i'etobodediya, gidemusa tolonabwasuwaedi ma tologwaliyedi, toganawalaedi wahiwahinedimo matasidiyao sipaipaihowa, loheloheyadimo wete mahetediyao sipaipaihowa,

1 Kolinita 5:11

Ma bewa tuwa 'igu loina 'oimiya gide, 'eguma taiya 'ihekalesiya ma 'ilogwali, 'eguma tomata tobwatobwa, bo tolonabwasuwa, bo toheliya, bo tonuma bwasi waiwai, bo toyagaha, geya'abwa wa'ahwa 'iya'iyaguwe bo nuwana mahetemiu wa'ai.

Paihowa 15:29

Cetobodao beno, to'aha tomota sipwaopwaoli hali 'ebe tuluha 'oidiya, sahena wa'ai'ai, wete hebai mabweyahidi, ma hebai dididimagaidi hesiyodi sahena wa'ai'aidi, ta wete sahena waganaganawala. Ceguma 'etobodaedi bewa 'oidiyega wa'itayahigomi, mumugami bwebwe'ana. Yauwedo.”

Paihowa 15:20

ma hesi 'idi leta talele ma 'etoboda 'ehatamo talagudi beno, 'e'ahaiina hali 'ebe tuluha 'oidiya tomota si'ebwaediya geya'abwa si'ai'aidi, ta sahena ganawala, ma hebai 'ani'o didididi hesiyodi ma wete bweyaha geya'abwa si'ai'aidi.

2 Kolinita 7:12

Cimi leta mwalo yaleleyawa geya 'iyamiu topuimo weyahina, ma geya loheyaina 'ipuiya 'oina weyahina, ma hesi 'omi mabwaiyami weyahimi, ma 'abehega Yehoba matana wahe'itae 'igu gwae 'ana hematamatana bwebwe'ana.

1 Kolinita 1:11

Weyahina tupwadi Kiloe 'ina bodao sihegwae pwaigauwa 'imi he'ohe'ohe weyahidi.

2 Kolinita 2:5

Ma 'iyamiu galanaina 'i'abihenuwa galegauwa tupwana tuwa, ma hesi 'omi nuwagala madouna 'i'ebwaegomiya, ma geya nuwagu ma yaheliye,