1 Kolinita 4:4 - Loina Nuahuana

⁴ Ta wete taugu 'igu nuwatuhu 'abehega 'igu paihowaina bwebwe'ana, ma hesi geya yasanapu bwaibwaini, nuwana bwebwe'ana bo galana, Yehobamo 'isanasanapu.

1 Kolinita 4:4 Referans Kwoze

2 Kolinita 1:12

Caigeda nuwatuhu weyahina yayaliyaya madouna, beno yasanapuya moisa 'ima mumuga 'ausalana ma dumwaluna tomota 'oidiya, geya sanapu bale'u 'oidiyega, ma hesi Yehoba 'ina helau 'oima 'oinega, ma gide 'apaihowa madouna 'oimiya.

2 Kolinita 5:10

Weyahina 'abwa 'eguma tutaina Keliso 'ina wagahata wasawasa 'oina 'imiyatoi sabi loinegita, mabwaiyada 'ada maisa 'oinega taloba, nuwana 'ausalana nuwana galana, gide 'ida paihowao bale'uwa.

1 Kolinita 4:5

Bewa tuwa sahena 'eta taiya 'iyanao 'oidiya 'ihesihesinuwa 'abehega bwebwe'adi bo galadi, weyahina 'abwa 'ida Bada 'inaoma ma 'iboinamo 'iloinaegita. Ta 'ina loinaina dumwaluna weyahina 'ida nuwatuhu galadi 'ateda Yehoba 'i'abilatuhedi ma 'iloinaegita, eema 'ida nuwatuhu bwebwe'adi 'i'abilatuhedi, ma weyahidi 'i'ahwa bwebwe'anegita.

Loma 2:13

Geya 'abehega loinaina 'ana hesagohamo 'oinega Yehoba 'i'ahwa dumwaluwegita, ma hesiyage 'ina loina 'ana paihowa 'oinega.

Paihowa 23:1

Ta Paulo meYudiya 'idi babadaowedi 'i'e'ebubudiya, ta 'ihegwaediya, “Babadao ma tasigwao, mwalona ma nige to'aha yanuwatuhuya 'abehega Yehoba 'ina loinao beno yamuliya bwaibwainidiya.”

Yoni 21:17

Coinega Yesu Saimoni Pita 'ihesilaleya hetoina 'igwae, “Saimoni, Yoni natuna, 'uhelauwegauwa?” Ta Saimoni Pita nuwana 'igala weyahina Yesu 'ina hesilala 'oina matoi, 'oinega Yesu 'enana 'ihemaiseya 'igwae, “Cinapwana, 'owa ginaula mabwaiyana 'usanasanapudi, ma 'usanapu pwaigauwa 'abehega yahelauwegowa.” Coinega Yesu wete Saimoni Pita 'ihegwaeya 'igwae, “Cigu sipi 'u'ita yahidi.

Loma 4:2

Ebalahamo ginaula bwebwe'adi 'ipaihowediya ta debanega sowasowahina 'igwae hanehane, ma geya 'ida gwae haneya Yehoba matana, ma 'ina hemisamo weyahina Yehoba 'i'ahwa bwebwe'aneya ma geya 'ina paihowa bwebwe'adi weyahina.

1 Kolinita 4:3

Cigu paihowa bewa weyahina, 'eguma wa'ahwa bwebwe'anegauwa bo nuwana wa'ahwa galagalaegau, 'imi nuwatuhuwedi bo hali tomotaiyao 'idi nuwatuhu weyahigu, geya to'aha 'oiguwa.