1 Kolinita 3:1 - Loina Nuahuana

¹ Ma tasigwao, geya sowasowahina ma sanapu moisa yahehepwaile 'oimiya, weyahina yaluyaluwami geya simatuha, ta 'imi nuwatuhu 'abwa tuwa gogo gabulena 'idi nuwatuhu gidemusa. Weyahina 'omi wahegaina tuwa Keliso 'ana hemisa 'oina, gide sedaseda 'i'iudi.

1 Kolinita 3:1 Referans Kwoze

Ibeliu 5:13

Coinega 'omi gide gwagwama, 'eda dumwadumwaluna geya nuwami 'isabwalena moisa, eeta 'ilobwainegomiya ma he'ita nuhana 'oinega 'ahe'aigomi nugeta.

1 Kolinita 2:6

Sanapu moisa Yehoba 'oinega yahehepwaile tohemisa pa'alidi 'oidiya, ma hesi geya gogo gabulena bewa 'ana sanapu bo toloinao bewa tuwa 'idi sanapu, taudi simiyamiya tuta to'uto'upana tuwa.

1 Kolinita 14:20

Ciyagwao, sahena 'imi nuwatuhu gwagwama gidemusa, ma hesi wanuwanuwa loheya madouna gide. Ta sahena mumuga galana weyahina wanuwanuwatuhu ma 'abehega wasanapudi.

Loma 7:14

Tasanapuya 'abehega Mosese 'ina loinaina Yehoba 'oinega 'i'eweya, ma taugu mumuga bale'u 'iloinegauwa eeta yagala.

1 Yoni 2:12

Gwagwama yo, gwae bewa yaleleyawa weyahina 'imi puiyao Yehoba 'inuwasamudiya, Yesu saninega.

Galetiya 6:1

Ciyagwao, 'eguma tasidai 'aigeda 'ina pui 'oinega 'ibe'u, 'omi yaluyaluwami pa'alidi watoho ma tasidaina wa'abihedumwalu hila, ma hesi ma'imi mumuga nuhana, ma waboimo wa'itayahigomi nata gide 'omi wete wabe'u.

Madiu 16:23

Ma Yesu 'itehinowa, ta Pita 'oina 'igwae, “Cowa Seitani, bewa tuwa 'u'ebesinegau! Sahena 'u'au'ausigau! Cino nuwatuhu tomota 'idi nuwatuhu, ma geya Yehoba 'ina nuwatuhu gide.”

1 Kolinita 14:37

Ma wete 'eguma taiya 'inuwatuhuya 'abehega tauna palopita ma Yehoba yaluyaluwana 'oina 'imiyamiya, nugeta 'ida sanapu 'abehega 'igu gwae leta bewa 'oina, beno Yehoba 'ina loina 'oimiya.