1 Kolinita 13:5 - Loina Nuahuana

⁵ ma hesiyage 'iyadao tahe'asisiyanedi, ma sahena 'enuwanuwaha bo hegamwagamwagu bo 'aleha 'oidega si'ita'ita.

1 Kolinita 13:5 Referans Kwoze

1 Kolinita 10:24

Cilobwainegita ma paihowaedi tapaihowadi 'iyadao 'adi lema weyahina ma hesi sahena taboidamo 'ada lema weyahina.

Yemesa 1:19

Tasigwao, 'ilobwainegomiya ma gwae wahesagohe bwaibwaini, ma sahena gwaehila ma gamwasowala 'oidiyega wahehewaiwai.

Pilipai 2:21

ma 'iyamo 'agu tolemao baibaiwadi taudimo weyahidi sinuwanuwatuhu, ta geya Yesu Keliso 'ina paihowa weyahina sida nuwanuwa.

Pilipai 4:8

Ciyagwao, bewa 'aigeda wete loguguya 'abehega wada nuwatuhu ginaula moisadi ma'adi he'asisi weyahidi, ma ginaula dumwadumwaludi weyahidi, ma ginaula 'ehaudi weyahidi, ma ginaula 'adi 'ita 'ausaladi weyahidi, ma ginaula helahelauidi weyahidi, ta 'eguma to'aha bwebwe'ana 'oidiya bo nuwana 'ebe hepwatu 'oidiya.

Galetiya 5:13

Ciyagwao, Yehoba 'ihesinuwa pwaigomiya ta lihalihasimi. Lihalihasimi ma hesi geya'abwa mumuga bale'u wamulimuliyedi. Mumugami hesi helau 'ina loinega watauya, ma waboimo wahelemalema hilegomi.

1 Kolinita 12:25

Ma 'oinega sahena wataha 'ilatulatu wahida yahunao 'oidiya. Ma hesi mabwaiyadi sihemahemahetena ma mabwaiyadi sihelemalema 'idi paihowao 'oidiya.

2 Kolinita 5:19

Moisa, Yehoba gide Keliso 'alona 'imiyamiya, ta mebale'u 'itoegita tauna 'oina sabi he'iya'iyagu hila, ma 'ida puiyao 'inuwasamudiya ma sahena tahehemaisadi, 'oinega he'iya'iyagu hila tetelina 'i'ebwaegita ma tahehepwaila tomota 'oidiya.

1 Kolinita 10:33

Gidemusa taugu yatohotoho ma 'abehega sahena taugu 'igu nuwatuhuwega yapaipaihowa, ma hesi to'aha tomota 'idi nuwatuhu gide tuwa yapaihowa 'esa, ma siyaliyaya, ta 'oinega 'adi lema siloba Yehoba 'oinega.

1 Kolinita 11:18

Weyahina tupwana tomota sihegwaegauwa 'abehega 'imi 'eto'auta 'oidiya wawatawatahigomi hali boda ma hali boda 'oidiyega, ma tupwana 'idi gwae yahemisaeya.

Madiu 5:22

Ma hesi taugu yaloinegomi 'abehega 'eguma taiya 'owa tasiu 'ugamwasowale, 'abwa loina 'uloba. Ma 'eguma tasiu 'u'ahwa galagalae loina 'uloba, toloinao 'oidiyega. Ma wete 'eguma tasiu 'ana gwae mwauna 'ulagu, 'abwa 'uluhu 'asa 'ala'alatana* 'oina.

Luke 7:39

Coinega Palisiina 'iboinamo 'oina 'inuwatuhu dahwana 'igwaeya, “Loheya bewa, 'eguma tauna palopita, 'ida sanapu wahineina 'i'abi'abitoho 'abehega tauna togala.”

Maki 3:5

Ma Yesu 'i'ebubu yahiyahidiya ma'ina gamwasowala ma wete ma'ina nuwagala 'idi debapa'ala weyahina, ma loheyaina 'ihegwaeya, “Nimau 'uyasi,” ma nimanaina 'iyasi hedumwaluya ma 'ibwebwe'ana.

2 Tesalonaika 3:7

Coinega wasanapu pwaiya 'abehega 'ilobwainegomiya ma tauma wahe'au'aunawemai, weyahina mwalo ba'idamiyao tamiyamiya, geya 'eta tuta paihowa 'oinega 'alowahi'wata.

1 Kolinita 7:36

Ceguma taiya loheya natuna gumalaulauina 'i'ausi ma sahena 'ihaihai, ma hesi 'eguma natunaina 'inuwagala, weyahina 'ihewahine pwaiya ma nuwanuwana ma 'aigeda loheya ba'idana sihai, tamana 'itagwala tuwa 'idi hai weyahina, weyahina hai geya ginaula galana.

Madiu 9:4

Cidi nuwatuhuina Yesu 'isanapu pwaiya ma 'ihegwaediya, 'igwae, “To'aha weyahina 'atemiyega wanuwanuwatuhu galana?

2 Timoti 2:10

Bewa weyahina 'igu miya mwauwedi 'oidiyega ya'alama'i'ita, ma 'abehega Yehoba taudi 'ihesinuwediya yalemedi, ma 'ane Yesu Keliso 'i'abihetedi, ta yaliyaya miyamiya hatayana siloba.

2 Timoti 4:16

Cigu yatala nugeta geya 'eta taiya 'i'abihetegau, mabwaiyadi simatauta ta si'ebesinegauwa, ma yaboimo. Yehoba, 'idi pui bewa sahena 'uhehemaise.