Yohane 4:48 - Apam Foforɔ

⁴⁸ Na Yesu ka kyerɛɛ no sɛ, “Ho deɛ, hoanhu nsɛnkyerɛnne ne anwanwadeɛ a honnye nni.”

Yohane 4:48 Referans Kwoze

Yohane 20:29

Yesu ka kyerɛɛ no sɛ, “Woahu me nti ne woagye adi? Nhyira ne bɛ a benhuiɛ nso bɛagye adi.”

Hebrifoɔ 2:4

berɛ a Nyankopɔn nso de nsɛnkyerɛnne ne anwanwadeɛ ne tumideɛyɔ bebree, ne Honhom Kronkron akyɛdeɛ a ɔkyekyɛeɛ sɛdeɛ ne pɛ teɛ he dii ho adanseɛ bi.

1 Korintofoɔ 1:22

Na Yudafoɔ bisa nsɛnkyerɛnne; ne Helafoɔ nso hwehwɛ nyansa.

Asomafoɔ 2:22

“Israelfoɔ, hontie nea meeka yi: Yesu, Nasareni he, beema a Nyankopɔn de anwanwadeɛ ne nsɛnkyerɛnne a ɔno Nyankopɔn he ankasa nam ne so yɔɔ no ho mu yii no adi kyerɛ ho pefee, sɛnea hoaa honim he;

Yohane 12:37

Ewom sɛ na waayɔ nsɛnkyerɛnne pii bɛ anim deɛ, nso bɛannye no anni.

2 Korintofoɔ 12:12

Somafoɔ nsɛnkyerɛnne mapa he deɛ, bɛayɔ no ho mu boasetɔ nyinaa mu, nsɛnkyerɛnne ne anwanwadeɛ ne tumideɛ mu.

Romafoɔ 15:19

tumi a ɔyɔ anwanwadeɛ ne nsɛnkyerɛnne, Nyankopɔn Honhom tumi mu, sɛ maawie Kristo asɛmpa he ka firi Yerusalem de kosi Iliriko.

Asomafoɔ 14:3

Na bɛtenaa hɔ berɛ pii de akokoɔduro kasa maa Awurade, na Awurade ankasa dii n’adom ho asɛm he ho adanseɛ denam nsɛnkyerɛnne ne anwanwadeɛ ahodoɔ a ɔnam bɛ nsa so yɔeɛ he so.

Marko 13:22

Kristo atorɔfoɔ ne adiyifoɔ atorɔfoɔ bɛba na bɛayɔ nsɛnkyerɛnne ne anwanwadeɛ, na sɛ obetumi a, nka bɛde adaadaa bɛ a bɛayi bɛ he.

Mateo 24:24

Na kristo-atorɔfoɔ ne atorɔ adiyifoɔ bebree bɛba abɛyɔ nsɛnkyerɛnne ne anwanwadeɛ akɛseɛ, de adaadaa binom, sɛ ɔbɛyɛ yie a bɛ a bɛayi bɛ he mpo nka bɛbɛdadaa bɛ.

Asomafoɔ 2:43

Na hu tɔɔ akra nyinaa so, efiri sɛ Asomafoɔ he yɔɔ anwanwadeɛ ne nsɛnkyerɛnne pii.

Yohane 2:18

Afei Yudafoɔ he ka kyerɛɛ no sɛ, “Mmɛ nsɛnkyerɛnne ne wode kyerɛ yɛ a nti wooyɔ yei yi?”

Luka 16:31

Na ɔka kyerɛɛ defoɔ he sɛ, ‘Sɛ bɛantie Mose ne adiyifoɔ he a, saa ne sɛ bi sɔre firi awufoɔ mu kɔ bɛ nkyɛne mpo a, bɛnnye no nni.’ ”

2 Tesalonikafoɔ 2:9

Nso kwane a nea onni mmara so he nam so ba ne Satan nnwuma a ahoɔdenneɛ ne atorɔ nsɛnkyerɛnne ne anwanwadeɛ nyinaa ka ho,

Asomafoɔ 15:12

Na nnipadɔm he nyinaa yɛɛ komm, na betiee Barnaba ne Paulo berɛ a bɛkaa nsɛnkyerɛnne ne anwanwadeɛ a Nyankopɔn nam bɛ so ayɔ ama amanamane mufoɔ ho asɛm.

Asomafoɔ 7:36

Oyii bɛ, na ɔyɔɔ anwanwadeɛ ne nsɛnkyerɛnne pii Misriam, Mmɛwa Po he mu ne serɛ he so mfie aduannan.

Asomafoɔ 6:8

Afei Stefano a na adom ne tumi ahyɛ no ma he, yɔɔ anwanwadeɛ ne nsɛnkyerɛnne akɛseɛ nnipa he mu.

Asomafoɔ 5:12

Bio nso, Nyankopɔn nam asomafoɔ he so yɔɔ nsɛnkyerɛnne ne anwanwadeɛ bebree nnipa he mu, na na bɛ nyinaa de akoma koro ya Salomo abranaa he so.

Asomafoɔ 4:30

berɛ a wotene wo nsa sa yadeɛ, na wonam w’akoa kronkron Yesu dini so yɔ nsɛnkyerɛnne ne anwanwadeɛ yi.”

Asomafoɔ 2:19

Na mɛma anwanwadeɛ aba soro na nsɛnkyerɛnne aba asaase so, fam, mogyaa ne gya ne wisie kumoo.

Yohane 15:24

Sɛ mannyɔ nnwuma a biaa nyɔɔ bi da bɛ mu a, nka bɛnnyɔɔ bɔne. Na afei deɛ bɛahu, nso bɛatane me ne m’Agya nyinaa.

Luka 10:18

Afei ɔka kyerɛɛ bɛ sɛ, “Maahu sɛ Satan firi soro ahwe ase sɛ anyinam.

Mateo 27:42

“Ɔgyee afoforɔ; nso ontumi nnye ne ho. Sɛ ɔyɛ Israel Hene a, ma no mfiri asennua he so nsi fam, na yɛbɛgye no adi.

Mateo 16:1

Na Farisifoɔ ne Sadukifoɔ baa Yesu nkyɛne sɛ bɛbɛsɔ no ahwɛ. Nti bɛka kyerɛɛ no sɛ ɔnyɔ nsɛnkyerɛnne bi a ofiri soro nkyerɛ bɛ.

Yohane 4:49

Ahenkwaa panyini he ka kyerɛɛ no sɛ, “Owura, bra na me ba he anwu ansa.”