Yohane 14:12 - Apam Foforɔ

¹² Meeka akyerɛ ho nɔkorem paa sɛ, nea ɔgye me di he, nnwuma a meyɔ he ɔno nso bɛyɔ bi, na ɔbɛyɔ nnwuma bebree asene yeinom, efiri sɛ, me deɛ meekɔ Agya he nkyɛne.

Yohane 14:12 Referans Kwoze

Mateo 21:21

Yesu buaa sɛ, “Nɔkorɛ meeka akyerɛ ho, sɛ howɔ gyidie na honnye akyinnye a, nka nyɛ deɛ meyɔɔ borɔdoma dua yi nkoaa ne hobɛyɔ, na mmom sɛ hoka kyerɛ bepɔ yi sɛ, ‘Tutu kogu po mu a,’ ɔbɛyɔ hɔ.

Marko 16:17

Na nsɛnkyerɛnne yeinom bedi bɛ a bɛbɛgye adi he akyi, bɛde me dini betutu ahonhommɔne, bɛbɛka kasa foforɔ.

Asomafoɔ 16:18

Ɔkɔɔ so yɔɔ saa nna pii. Na ɔyɛɛ Paulo ahomte ma ɔdanee n’ani ka kyerɛɛ honhom he sɛ, “Mehyɛ wo Yesu Kristo dini mu sɛ firi ne mu firi” Na ofirii ne mu saa dɔno heaa.

Asomafoɔ 9:34

Na Petro ka kyerɛ no sɛ, “Aenia, Yesu Kristo asa wo yadeɛ. Sɔre na woaa sɛ wo kɛtɛ.” Na ntɛmaa ɔsɔreeɛ.

Asomafoɔ 19:12

Na yei nti bɛde duku ne ntaadeɛ nsɛnanimu mpo ka ne honam na bɛde kogu ayarefoɔ so a bɛ yadeɛ he gyaeɛ, na ahonhommɔne nso he tutu firi bɛ mu.

Asomafoɔ 9:40

Na Petro maa biaa pie kɔɔ abɔntene, na obuu nkotodwe bɔɔ mpaeɛ, na ɔdanee ne ho hwɛɛ amu he kaa sɛ, “Tabita, sɔre!” Obiee n’ani, na n’ani bɔɔ Petro so he, ɔsɔre tenaa ase.

Asomafoɔ 8:7

Na nnipa pii wɔ ahonhom fi, na ahonhom fi he de nne kɛseɛ teateam firii bɛ mu firiiɛ. Afei nso, mmubuafoɔ ne mpakye pii nyaa ayaresa.

Asomafoɔ 5:15

Na bɛde ayarefoɔ baa abɔntene bɛtotoo mpa ne kɛtɛ so sɛnea ɔbɛyɛ a anyeyie koraa he, sɛ Petro ootwam a ne sunsum bɛtɔ bɛ mu bi so.

Asomafoɔ 2:41

Na bɛ a bɛde anigyeɛ gyee n’asɛm he maa bɛbɔɔ bɛ asu, na saa da he akra bɛyɛ mpem mmeɛnsa nso bɛyɛɛ asuafoɔ.

Asomafoɔ 4:4

Na bɛ a bɛtee asɛm a Petro ne Yohane kaeɛ he mu bebree gye diiɛ, na bɛ dodoɔ bɛyɛ mpemnum.

Yohane 16:7

Nso meeka nɔkorɛ akyerɛ ho sɛ, ɔyɛ ma ho sɛ mɛkɔ, efiri sɛ, sɛ mankɔ a, Kyigyinafoɔ he ɔmma ho nkyɛne. Na sɛ mekɔ a, mɛsoma no ama no aba ho nkyɛne.

Asomafoɔ 2:33

Afei bɛmaa no so kɔɔ Nyankopɔn nifa, na onyaa Agya he nkyɛne Honhom bɔhyɛ he nti ne wahwie nea hohu na hote yi agu.

Yohane 7:39

Nso ɔkaa yei faa Honhom a na bɛ a bɛbɛgye no adi he benya he ho, saa berɛ he na Honhom he nnya mmaeɛ, efiri sɛ na bennya nhyɛɛ Yesu animuonyam.

Yohane 7:33

Yesu ka kyerɛɛ bɛ sɛ, “Meya ho nkyɛne berɛ tiaa bi, na meebɛkɔ nea ɔsomaa me he nkyɛne.

Romafoɔ 15:19

tumi a ɔyɔ anwanwadeɛ ne nsɛnkyerɛnne, Nyankopɔn Honhom tumi mu, sɛ maawie Kristo asɛmpa he ka firi Yerusalem de kosi Iliriko.

Asomafoɔ 6:7

Na Nyankopɔn asɛm kɔɔ so trɛeɛ, na asuafoɔ he kɔɔ so yɛɛ dodo ya Yerusalem, na Yudafoɔ som he mu asɔfoɔ mu pii gyee asɛm he diiɛ.

Asomafoɔ 4:16

Na bɛkaa sɛ, “Ɛɛne ne yɛbɛyɔ nnipa yi? Na nsɛnkyerɛnne a ɔnam bɛ so aba he ada adi ya bɛ a bɛte Yerusalem nyinaa anim; na yentumi nnye ho akyinnye.

Yohane 14:28

Hoate sɛ meka kyerɛɛ ho sɛ, ‘Meekɔ na mɛba ho nkyɛne.’ Sɛ hodɔ me a nka ho ani bɛgye sɛ meekɔ Agya he nkyɛne efiri sɛ m’Agya he yɛ keseɛ kyɛne me.

Asomafoɔ 10:46

efiri sɛ, bɛtee sɛ bɛɛka kasa foforɔ na beeyi Nyankopɔn ayɛ. Na Petro bisaa sɛ,

Asomafoɔ 4:33

Asomafoɔ he de tumi kɛseɛ dii adanseɛ faa Awurade Yesu wusɔreɛ he ho, na adom kɛseɛ baa bɛ nyinaa bɛ so.

Marko 11:13

Yesu too n’ani, na ohuu brɔdoma dua bi a ahahane ya so sɛ ɔya akyirikyiri; na ɔkɔ kɔhwɛɛ sɛ ebia aduaba bi ya so a. Oduruu ho he, wanhu hwee, gye ahahane nkoaa, efiri sɛ na berɛ a borɔdoma so nya nnuruiɛ.

Yohane 4:37

Na yei ma asɛm he yɛ nɔkorɛ sɛ, ‘Bi dua, na bi twa.’

Yohane 5:20

Agya he dɔ Ba he, na ɔbɛkyerɛ no nnoɔma a ɔno ankasa yɔ nyinaa. Na ɔbɛkyerɛ no nnwuma akɛseɛ asene yeinom na ayɛ ho nwanwa.