Yohane 10:25 - Apam Foforɔ

²⁵ Yesu buaa sɛ, “Maka akyerɛ ho, na honnye nni. Nnwuma a meyɔ no m’Agya dini mu heaa di me ho adanseɛ;

Yohane 10:25 Referans Kwoze

Yohane 10:38

Na sɛ m’Agya adwuma ne meeyɔ deɛ a, hedeɛ sɛ mene honnye me nni a, honye nnwuma he nni na hoahu na ho ate aseɛ sɛ Agya he ya me mu na me nso meya ne mu.”

Yohane 8:58

Yesu ka kyerɛɛ bɛ sɛ, “Meeka akyerɛ ho nɔkorem paa sɛ, Abraham nnya mmaeɛ he, ne meya hɔ.”

Yohane 14:11

Honye me nni sɛ meya Agya he mu, na Agya he nso ya me mu, na sɛ ɔnte saa nnwuma heaa nti honye nni.

Hebrifoɔ 2:3

sɛ yɛpo nkwagyeɛ kɛseɛ yi a, nti yebetumi adwane afiri atemmuo mu anaa? Saa asɛm yi ne Awurade firii aseɛ kaeɛ he. Na bɛ a bɛteeɛ he hyɛɛ mu kena maa yɛ,

Asomafoɔ 10:38

Yesu Nasareni he, Nyankopɔn de Honhom Kronkron ne tumi hyɛɛ no ma, na okyinikyinii asaase he so yɔɔ papa, na ɔsaa bɛ a Bronsam hyɛ bɛ so nyinaa yadeɛ, efiri sɛ na Nyankopɔn ka ne ho.

Yohane 20:30

Na afei nsɛnkyerɛnne pii nso ya hɔ a Yesu yɔɔ n’asuafoɔ he anim a bɛantwerɛ no nwoma yi mu.

Yohane 12:37

Ewom sɛ na waayɔ nsɛnkyerɛnne pii bɛ anim deɛ, nso bɛannye no anni.

Yohane 11:47

Nti asɔfo mpanyimfoɔ ne Farisifoɔ he maa bekohyiaa abadwafoɔ he, na bɛkaa sɛ, “Mmɛ ne yɛbɛyɔ efiri sɛ nipa yi ɔɔyɔ nsɛnkyerɛnne pii?

Yohane 10:32

Yesu buaa bɛ sɛ, “Maada nnwumapa pii adi akyerɛ ho a efiri Agya he nkyɛne. Nnwuma yi mu nea ɔya he nti ne hoobesi me aboɔ yi?”

Yohane 8:24

Meka kyerɛɛ ho sɛ hobewu ho bɔne mu, na sɛ hoannye anni sɛ mene no a, hobewu ho bɔne mu.”

Yohane 8:12

Na Yesu ka kyerɛɛ bɛ bio sɛ, “Mene wiase hann. Nea odi m’akyi he nnante sum mu da, na obenya nkwa hann he.”

Yohane 7:31

Na nnipakuo he mu pii gyee no diiɛ, na bebisaa sɛ, “Sɛ Kristo he ba a, ɔbɛyɔ nsɛnkyerɛnne asene nea nipa yi ayɔ yi anaa?”

Yohane 3:2

Ɔbaa Yesu hɔ anadwo bɛka kyerɛɛ no sɛ, “Rabuni, yenim sɛ woyɛ kyerɛkyerɛni a wofiri Nyankopɔn nkyɛne ne aba, na bi ntumi nyɔ nsɛnkyerɛnne a woyɔ yi, gye sɛ Nyankopɔn ka ne ho.”

Asomafoɔ 2:22

“Israelfoɔ, hontie nea meeka yi: Yesu, Nasareni he, beema a Nyankopɔn de anwanwadeɛ ne nsɛnkyerɛnne a ɔno Nyankopɔn he ankasa nam ne so yɔɔ no ho mu yii no adi kyerɛ ho pefee, sɛnea hoaa honim he;

Yohane 8:56

Ho agya Abraham dii ahurusie ɔnam anidasoɔ a onyaa sɛ obehu me nti, na ɔte sɛ deɛ ohuu me, nti n’ani gyeeɛ.”

Yohane 10:37

Sɛ ɔnyɛ m’Agya adwuma ne meeyɔ a, hedeɛ honnye me nni.