Yohane 1:7 - Apam Foforɔ

⁷ Ɔbaa sɛ oobedi hann he ho adanseɛ, sɛ ɔbɛyɛ a nnipa nyinaa nam hann he so bɛgye adi.

Yohane 1:7 Referans Kwoze

Asomafoɔ 19:4

Paulo kaa sɛ, “Yohane bɔɔ asu a ɔyɛ adwensakra ho nsɛnkyerɛnne, na ɔka kyerɛɛ nkurofoɔ he sɛ bennya deɛ odi n’akyi ɔɔba, a ɔne Yesu, he mu gyidie.”

Yohane 1:36

na ohuu Yesu sɛ ɔɔkɔ he, ɔteaam sɛ, “Hwɛ! Nyankopɔn adwamaa he di!”

Yohane 1:12

Na dodoɔ a bɛgyee no he―meekyerɛ, bɛ a bɛgyee no dini diiɛ he―ɔmaa bɛ akwannya sɛ bɛnyɛ Nyankopɔn mma.

Yohane 1:9

Saa berɛ he, na hann trodoo a ɔhyerɛn ma nnipa nyinaa he ɔɔba wiase.

Yohane 1:15

(Yohane dii ne ho adanseɛ na ɔteaam sɛ, “Yei ne mekaa ne ho asɛm sɛ, ‘Nea odi m’akyi he so kyɛne me, efiri sɛ ɔya hɔ ansa na meeba.’ ”)

2 Petro 3:9

Awurade ntwentwɛne ne nane ase ne bɔ a wahyɛ ho sɛnea binom dwene he. Na nea ɔteɛ ne sɛ, ɔwɔ ho ho boasetɔ, efiri sɛ, ɔmpɛ sɛ biaa bɛyera, na mmom ɔpɛ sɛ biaa nya adwensakra.

Tito 2:11

Na Nyankopɔn adom a ɔde nkwagyeɛ ma nnipa nyinaa he ada adi,

Efesofoɔ 3:9

Na afei nso, waama nnipa nyinaa ahu nhyehyɛeɛ a bɛahyehyɛ a ɔfa ahintasɛm a bɛde asie tete mmerɛ nyinaa Nyankopɔn a ɔbɔɔ adeɛ nyinaa he mu;

1 Timoteo 2:4

nea ɔpɛ sɛ biaa nya nkwa na ɔnya nɔkorɛ ho nimdeɛ he.

Yohane 1:19

Na yei ne adanseɛ a Yohane diiɛ berɛ a Yudafoɔ he somaa asɔfoɔ ne Lewifoɔ firi Yerusalem baa ne nkyɛne bebisaa no sɛ, “Wone hwane?”

Galatifoɔ 3:26

efiri sɛ, yɛnam gyidie so yɛ Nyankopɔn mma Kristo Yesu mu.