Yohane 1:18 - Apam Foforɔ

¹⁸ Biaa nni hɔ a wahu Nyankopɔn da. Nyankopɔn a ɔyɛ Ba koro he, nea ɔya Agya he kokom he, ɔno ne wada no adi.

Yohane 1:18 Referans Kwoze

Kolosefoɔ nwoma 1:15

Ɔno ne yɛ Nyankopɔn a benhu no he nsɛso ne abɔdeɛ nyinaa farebae;

Yohane 6:46

Biaa nhuu Agya he, gye sɛ nea ofiri Nyankopɔn hɔ he; ɔno ne wahu Agya he.

Mateo 11:27

M’Agya de nnoɔma nyinaa ahyɛ me nsa; na biaa nnim Ba he, gye Agya he; na biaa nnim Agya he nso, gye Ba he ne biaa a Ba he pɛ sɛ ɔbɛma n’ahu no.

Luka 10:22

M’Agya de nnoɔma nyinaa ahyɛ me nsa, na biaa nnim onii ko a Ba he yɛ, gye Agya he; na biaa nnim onii a Agya he yɛ, gye Ba he ne nea Ba he pɛ sɛ ɔda no adi kyerɛ no nkoaa.”

1 Yohane 4:12

Biaa nhuu Nyankopɔn da. Sɛ yɛdodɔ yɛ ho yɛ ho a, na Nyankopɔn te yɛ mu, na ne dɔ he awie pɛyɛ yɛ mu nso.

1 Timoteo 6:16

Ɔno nkoaa ne wɔ anwuda tebea na ɔte hann a bi ntumi nkɔ ho, nea biaa nhu no da na biaa ntumi nhu no; ɔno ne anidie ne daa tumidie wɔ no. Amen.

1 Yohane 4:9

Kwane a Nyankopɔn nam so daa ne dɔ adi kyerɛɛ yɛ ne sɛ: Ɔsomaa ne Ba koro he baa wiase, sɛnea yɛbɛfa ne so anya nkwa.

1 Yohane 5:20

Na yenim sɛ Nyankopɔn Ba he aba, na waama yɛ nteaseɛ ama yɛahu Nyankopɔn trodoo he. Yɛ abrabɔ ya Nyankopɔn trodoo he ne ne Ba Yesu Kristo he mu. Yei ne Nyankopɔn trodoo he ne nkwa a onni awieeɛ he.

1 Yohane 4:20

Sɛ bi ka sɛ, “Medɔ Nyankopɔn” na ɔtane ne nua a, ɔyɛ torɔfoɔ, efiri sɛ, bi ntumi nnɔ Nyankopɔn a onhuu no, berɛ a ɔtane ne nua a ohu no he.

Yohane 17:26

Maada wo dini adi akyerɛ bɛ, na mɛda no adi akyerɛ, sɛ ɔbɛyɛ a dɔ a wode adɔ me he bɛtena bɛ mu, na matena bɛ mu.”

Yohane 17:6

“Maada wo dini adi akyerɛ bɛ a wode befiri wiase ama me he. Bɛyɛ wo deɛ ne wode bɛ ama me. Na bɛadi w’asɛm so.

Yohane 14:9

Yesu bisaa no sɛ, “Filipo, me ne hoya hɔ dadaada yi, honhuu me anaa? Biaa a w’ahu me he ahu Agya he nso. Afei mmɛ nti ne wooka sɛ, ‘Kyerɛ yɛ Agya he’?

Yohane 1:14

Na Asɛm he bɛyɛɛ honam bɛtenaa yɛ mu, na yɛahu n’animuonyam sɛ Agya he Ba a ɔwoo no koro maa yɛ, adom ne nɔkorɛ ahyɛ no ma.

Yohane 12:41

Yesaia kaa yeinom, efiri sɛ ohuu n’animuonyam, na ɔkaa ne ho asɛm.

1 Timoteo 1:17

Anidie ne animuonyam nka Nyankopɔn daa daa, mekyerɛ daa mmeresantene Hene a onnwu da, na bennhu no a ɔno nkoaa ne Nyankopɔn trodoo he. Amen!

Yohane 13:23

Na asuafoɔ he mu baako a Yesu dɔ no he twere Yesu kokom

Yohane 3:11

Meeka akyerɛ wo nɔkorem paa sɛ, “Nea yenim ne yɛka, na nea yɛani ahu ne yedi ho adanseɛ, nso honnye yɛ adanseɛ he nni.

2 Korintofoɔ 4:4

Bɛ mu ne wiase nyame afira bɛ a bɛnnye nni he adwene ani, sɛ benhu asɛmpa he ho hann a ɔyɛ Kristo a ɔyɛ Nyankopɔn subane he animuonyam.