Yakobo 1:3 - Apam Foforɔ

³ efiri sɛ honim sɛ, ho gyidie he sɔhwɛ yɛ boasetɔ ho adwuma.

Yakobo 1:3 Referans Kwoze

Hebrifoɔ 10:36

efiri sɛ ho hia boasetɔ, sɛnea ɔbɛyɛ a sɛ hoyɔ deɛ Nyankopɔn pɛ wie a, ho nsa bɛka deɛ wahyɛ ho bɔ he.

Kolosefoɔ nwoma 1:11

Na ahoɔdene a ofiri n’animuonyam tumi nyinaa mu mma honyɛ dene, na ama hoanya boasetɔ ne abodwokyɛre nnoɔma nyinaa mu, ya anigyeɛ mu,

1 Petro 1:7

na ama bɛahu sɛ ho gyidie he yɛ kann, na ɔsombo kyɛne sikakɔkɔɔ mpo. Sikakɔkɔɔ a betumi sɛe no he mpo, bɛde gya sɔ hwɛ, nti ho gyidie a ɔsom bo kyɛne sikakɔkɔɔ he, ɔsɛ sɛ bɛsɔ hwɛ hu sɛ, obetumi agyina anaa. Ɔno akyi ansa na da a Yesu Kristo bɛba he, hoanya animuonyam.

Romafoɔ 8:28

Yenim sɛ bɛ a bɛdɔ Nyankopɔn he, bɛ a ɔnam ne pɛ so afrɛ bɛ he, ɔfa adeɛ nyinaa so di boa bɛ ma no wie bɛ yie.

2 Korintofoɔ 4:17

Na saa amanehunu kakra yi a yɛɛfam yi, oosiesie yɛ ama daa animuonyam a ɔboro adeɛ nyinaa so a yentumi mfa seesei amanehunu yi ntoto ho koraa,

Romafoɔ 15:4

Efiri sɛ nea bɛtwerɛɛ no kane nna he mu he bɛtwerɛɛ sɛ ɔnyɛ nkyerɛkyerɛ mma yɛ, sɛnea ɔbɛyɛ a ɔnam twerɛsɛm he so bɛma yɛ boasetɔ ne awerekyekyerɛ ama yɛaya anidasoɔ.

2 Petro 1:6

na homfa ahohyɛsoɔ nka nimdeɛ ho; na homfa boasetɔ nka ahohyɛsoɔ ho; na homfa nyamesom pa nka boasetɔ ho;

Romafoɔ 8:25

Nso sɛ yɛ ani da nea yɛ nsa nkaeɛ so a, yɛde ntoboaseɛ twɛne.

Hebrifoɔ 12:1

Saa nti yɛ nso, esiane sɛ adansefoɔ bebree atwa yɛ ho ahyia yi, homma yɛnto adesoa ne bɔne biaa a ɔkyekyere yɛ na ɔtwe yɛ he ngu, na yɛmfa animia ntu akansie a ɔda yɛ anim he mu mmirika,

2 Tesalonikafoɔ 3:5

Awurade ntwe ho akoma nkɔ Nyankopɔn dɔ ne Kristo boasetɔ he mu.

2 Tesalonikafoɔ 1:4

Esiane boasetɔ ne gyidie a hoda no adi taa ne ahohia a hohyia nyinaa mu nti, ɔma yɛ ankasa yɛhoahoa yɛ ho ma ho Nyankopɔn asafo mu.

Romafoɔ 2:7

bɛ a bɛde ntoboaseɛ yɔ papa hwehwɛ animuonyam ne anidie ne nea ɔmporɔ he, ɔbɛma bɛ daa nkwa;

Luka 21:19

Sɛ honya boasetɔ a, hobenya ho kra.

Hebrifoɔ 6:12

na hoannyɛ nyaa, na mmom hoasua bɛ a bɛnam gyidie ne aboterɛ so nyaa bɔhyɛ he.