Yakobo 1:25 - Apam Foforɔ

²⁵ Nso deɛ ɔhwɛ mmara a ɔyɛ pɛ mu he, mmara a ɔma ahofadie he tena ne mu, ɔnyɛ tiefoɔ werɛfirefoɔ na mmom ɔyɛ deɛ otie na ɔyɔ, bebehyira no deɛ ɔyɔ nyinaa mu.

Yakobo 1:25 Referans Kwoze

Luka 11:28

Nso ɔkaa sɛ, “Daabi, mmom, nhyira ne bɛ a betie Nyankopɔn asɛm na bedi so!”

Yohane 13:17

Sɛ honim yeinom na hoyɔ a, hoyɛ nhyira.

1 Petro 2:16

Hontena ase sɛ nnipa a bɛde bɛ ho, na bɛmfa bɛ ahofadie he nyɔ bɔne biaa nso. Na hontena ase sɛ Nyankopɔn nkoa.

Yakobo 2:12

Sɛ ɔte saa deɛ a, homma ho kasaa ne ho dwumadie nyɛ nea ɔfata nnipa a bɛde adehyedie mmara he bebu ho atɛne;

Galatifoɔ 5:1

Adehyedie nti ne Kristo ama yɛade yɛ ho. Nti, honnyina pintinn, hommfa ho ho nhyɛ nkoasom konnua ase bio.

1 Korintofoɔ 15:58

Nti anuanom adɔfoɔ, hontintim, honnhinhim, honkɔ so Awurade adwuma mu daa, efiri sɛ, honim sɛ, ho brɛ ɔnyɛ kwa Awurade mu.

1 Timoteo 4:16

Ma w’ani mmara wo ho so ɔne wo nkyerɛkyerɛ so paa; toa so yeinom mu na wonam saa yɔ so bɛgye wo ne w’atiefoɔ nkwa.

2 Korintofoɔ 13:5

Honsɔ ho ho nhwɛ sɛ hote gyidie he mu anaa. Hommisa ho ho nhwɛ! Anaa honnim sɛ Yesu Kristo te ho mu?—Gye sɛ ebia homfata deɛ.

Romafoɔ 11:22

Hyɛ Nyankopɔn ayamyɛ ne ne dene yɛ nso: ɔdene ma bɛ a bɛhwee ase, nso Nyankopɔn ayamyɛ ya hɔ ma wo, gye sɛ wo toa so n’ayamyɛ he mu; anyɛ saa a wo nso bebetwa wo atwene.

Romafoɔ 8:15

Na sɛ hoannya akoayɛ honhom a ɔbɛma ho asane akɔ hu mu bio, na mmom hoanya abayɛ honhom. Nti yetumi team sɛ, “Abba! Agya!”

Galatifoɔ 2:4

Nso ɔnam sɛ na anuanom atorɔfoɔ bi awiawia bɛ ho aba yɛ mu sɛ bɛbɛtetɛ yɛ ahwɛ ahofadie a yɛwɔ no Kristo Yesu mu, sɛnea ɔbɛyɛ a bɛde yɛ bɛkɔ Mmara nkoasom mu nti

Yohane 8:36

Nti sɛ Ba he ma ho fahodie a hobɛyɛ adehyeɛ ampa.

Adiyisɛm 14:13

Afei metee nne bi firi soro a ɔkaa sɛ, “Twerɛ yei: Honhom he dɛ, Nhyira ne awufoɔ a bewu Awurade mu firi seesei ɔɔkɔ yi, ampa, bɛbɛhome afiri bɛ brɛ he mu; na bɛ nnwuma di bɛ akyi.”

1 Timoteo 2:15

Nso sɛ baa he tena gyidie ne dɔ ne ahoteɛ ne adwenemteɛ mu a, bɛbɛgye no nkwa n’abawoɔ mu.

Romafoɔ 7:12

Nti mmara he yɛ kronkron, na mmaransɛm he yɛ kronkron, ɔtene na ɔyɛ papa nso.

Asomafoɔ 26:22

Nso mmoa a manya afiri Nyankopɔn nkyɛne nti ne makɔ so atena hɔ abesi nnɛ a megyina ha oodi adanseɛ akyerɛ nipasu ahodoɔ nyinaa yi, menkaa hwee, gye nsɛm a Adiyifoɔ he ne Mose kaeɛ sɛ ɔbɛba he,

Asomafoɔ 13:43

Nti hyiadane he mu nhyiamu he baa awieeɛ he, Yudafoɔ he mu pii ne bɛ a bɛabɛdɔm Yudafoɔ som he na besuro Nyankopɔn he dii Paulo ne Barnaba akyi, na bɛkasa kyerɛɛ bɛ hyɛɛ bɛ nkurane sɛ bɛnkɔ so ntena Nyankopɔn adom mu.

Hebrifoɔ 12:15

Honhwɛ yie na Nyankopɔn adom he ammɔ biaa; na nhini biaa a nwonwono yam amfifiri ho mu na ammɛyɛ haw amma ho, na angu nnipa bebree ho fi.

Asomafoɔ 2:42

Na betuu bɛ ho sii hɔ maa asomafoɔ he nkyerɛkyerɛ ne ayɔnkofa, paanoo bubuo ne mpaebɔ.

Adiyisɛm 22:14

Nhyira nka bɛ a bɛahoro bɛ ntaadeɛ na afiri, na bɛ a bɛwɔ ho kwane sɛ bedi nkwa dua he aba na bɛfa kuro he pono he mu.

1 Yohane 2:24

Homma asɛm a hote no mfitiaseɛ he ntena ho mu. Sɛ asɛm a hotee no mfitiaseɛ he tena ho mu a, ɔno ne hobɛtena Ba he ne Agya he mu.

Kolosefoɔ nwoma 1:23

nso gye sɛ hokɔ soaa tena gyidie he mu, na hogyina ho fapem he so pintinn a homma bɛntwe ho mfiri asɛmpa he anidasoɔ a hoteeɛ a bɛaka no wiase abɔdeɛ nyinaa mu, a me Paulo mayɛ ho somfoɔ he ho.

Romafoɔ 2:13

Na ɔnyɛ bɛ a betie mmara he ne bɛyɛ ateneneefoɔ Nyankopɔn ani so, na mmom bɛ a bɛyɛ mmara he yɔfoɔ nkoaa ne benya bembuo.

Romafoɔ 8:2

efiri sɛ Honhom mu nkwa mmara he ama ho faahodie Kristo Yesu mu afiri bɔne ne wuo mmara he mu.

Galatifoɔ 6:2

Hommoaboa ho ho ho ho mma biaa ntumi nsoa ne nnesoa, na honam saa kwane he so awie Kristo mmara he so di.