Yakobo 1:22 - Apam Foforɔ

²² Honyɛ asɛm he yɔfoɔ, na mmom honnyɛ atiefoɔ kɛkɛ, nnaadaa ho ho.

Yakobo 1:22 Referans Kwoze

Romafoɔ 2:13

Na ɔnyɛ bɛ a betie mmara he ne bɛyɛ ateneneefoɔ Nyankopɔn ani so, na mmom bɛ a bɛyɛ mmara he yɔfoɔ nkoaa ne benya bembuo.

Yohane 13:17

Sɛ honim yeinom na hoyɔ a, hoyɛ nhyira.

Yakobo 4:17

Nti nipa biaa a onim deɛ ɔyɛ na wannyɔ he, ɔyɛ bɔne mma no.

1 Yohane 2:3

Adeɛ paa a ɔkyerɛ sɛ yennim Nyankopɔn ne sɛ, yebedi ne mmara so.

Luka 11:28

Nso ɔkaa sɛ, “Daabi, mmom, nhyira ne bɛ a betie Nyankopɔn asɛm na bedi so!”

Mateo 12:50

Na biaa a ɔyɔ m’Agya a ɔya soro he apɛdeɛ he ɔno ne yɛ me nuabeema, me nuabaa ne me maame.”

Kolosefoɔ nwoma 3:17

Na nea hobɛyɔ biaa, kasa mu oo, nneyɔeɛ mu oo, honyɔ bibiaa Awurade Yesu dini mu, na homfa ne so mfa aseda mma Agya Nyankopɔn.

Adiyisɛm 22:7

Hwɛ! Ɔnkyɛre koraa mɛba.” Nhyira nka bɛ a betie adiyisɛm a ɔya saa nwoma yi mu he!

1 Yohane 3:7

Hommma bi nnaadaa ho, mma nkumaa. Nea ɔyɔ nea ɔtene he yɛ teneneeni sɛnea ɔno nso yɛ teneneeni he.

Yakobo 1:26

Sɛ bi dwene sɛ ɔyɛ nyamesomni, na woanto ne kɛtrɛma nnareka na mmom ɔdaadaa n’akoma a, na ne nyamesom he yɛ kwa.

Galatifoɔ 6:7

Honnnaadaa ho ho, Nyankopɔn bensi no atwetwe, efiri sɛ, nea hobedua heaa ne hobɛtwa.

3 Yohane 1:11

Me dɔfo, nhwɛ bɔne nsua, na mmom hwɛ papa sua. Biaa a ɔyɛ papa he yɛ Nyankopɔn deɛ. Na biaa a ɔyɛ bɔne he nso nhuu Nyankopɔn.

Galatifoɔ 6:3

Na sɛ bɛ a benni mu bu bɛ ho sɛ bedi mu a, bɛdaada bɛ ho.

1 Korintofoɔ 6:9

Honnim sɛ bɛ a bɛntene he, bennya Nyankopɔn ahennie he? Homma bɛnnaadaa ho! Adwamammɔfoɔ, abosonsomfoɔ, awaresɛefoɔ, mmeema a bɛbɔ ahuhubra, mmeema bɛ ne mmeema da,

Mateo 28:20

na honkyerɛkyerɛ bɛ sɛ benni deɛ mahyɛ ho nyinaa so. Na hwɛ, me ne ho ya hɔ nna nyinaa de kosi wiase awieeɛ.”

1 Yohane 1:8

Sɛ yɛka sɛ yenni bɔne a, na yɛdaadaa yɛ ho, na nɔkorɛ he nni yɛ mu.

Filipifoɔ nwoma 4:8

Adɔfonom, deɛ otwa toɔ koraa ne sɛ, deɛ ɔyɛ nɔkorɛ, deɛ anidie ya mu, deɛ ɔtene, deɛ ho te, deɛ ɔsɔ ani, deɛ ɔwɔ dini pa, sɛ bra pa bi ya hɔ a, sɛ bibi fata ayeyie a, honnwene yeinom ho.

1 Korintofoɔ 15:33

Hommma bɛnnnaadaa ho: “Afeku bɔne sɛe bra pa.”

Adiyisɛm 12:9

Bɛtoo tweaseɛ kɛseɛ he tweneeɛ. Ɔno ne wɔ dadaa he a bɛfrɛ no Bronsam ne Satan he, ɔno ne daadaa wiase nyinaa he. Na bɛtoo no twenee asaase so a na n’abɔfoɔ nyinaa ka ne ho.

2 Petro 2:13

na bebenya bɛ nnebɔne so akatua. Nea bebu no anigyeɛ ne daa akohwie asetena, bɛyɛ nkekaeɛ ne dɛm, na nea bɛ ani gye hoaa ne sɛ bɛde atorɔ nkyerɛkyerɛ bɛdaada ho berɛ a bɛ ne ho bom didi he.

Tito 3:3

efiri sɛ, berɛ bi a atwam a na yɛ nso yennim nyansa, na yɛyɛ asoɔdenfoɔ, na yɛamane afiri kwane pa he so, na yɛyɛ nkoa ma akɔnnɔ ahodoɔ ne anigyedeɛ he, yɛde nitane ne ahoɔyeya ne bɔɔ yɛ bra, a na yɛ ho yɛ ahi, tentanee yɛ ho yɛ ho.

1 Korintofoɔ 3:18

Biaa nnnaadaa ne ho. Sɛ bi susu sɛ ɔyɛ nyansafoɔ wiase yi mu a, ɔnyɛ sɛ kwasea na wayɛ nyansafoɔ ampa,

2 Timoteo 3:13

Na nnipa bɔne sisifoɔ deɛ bɛkɔ bɛ anim bɔne mu, bɛbɛdaadaa binom na binom adaadaa bɛ nso.

Yakobo 4:11

Anuanom, honnnka nsɛmmɔne ntia ho ho. Nipa biaa a ɔka asɛmmɔne tia bi he anaa obu bi atɛne he, ɔka asɛmmɔne tia mmara he na obu mmara he atɛne; nso sɛ wobu mmara he atɛne a, wonyɛ mmara he sodifoɔ, na mmom, woyɛ temmufoɔ.