Yakobo 1:19 - Apam Foforɔ

¹⁹ Anuanom adɔfo, honhu yei sɛ: Ɔsɛ sɛ nipa biaa yɔ krado wɛne n’aso tie asɛm; ɔnsɛ sɛ ɔpere ne ho kasa; saa nso ne ɔnsɛ sɛ ɔpere ne ho fa abufuo;

Yakobo 1:19 Referans Kwoze

Efesofoɔ 4:26

Sɛ ho bo fu a, hommma ɔmfa ho nkɔ bɔne mu; hommma awia nkɔtɔ ho abufuo so,

Kolosefoɔ nwoma 3:8

Na seesei deɛ, honnyi saa nnoɔma yeinom: abufuo, kokobɔne, bɔnepɛ, nantitwitwa ne kasafi mfiri ho anum koraa.

Efesofoɔ 4:31

Honto yeyaadie ne kokobɔne ne abufuo ne apereapereɛ ne nnaadaa, ɔne adebɔne biaa ngu,

Kolosefoɔ nwoma 3:15

Na homma Kristo asomdwie nni hene ho akoma mu, na ɔno mu ne bɛafrɛ ho aba nipadua baako mu. Na honnyɛ boniayɛfoɔ.

Mateo 5:22

Na me deɛ meeka akyerɛ ho sɛ, sɛ wo bo fu wo nua a, wobedi fɔ atemmuo mu; wodi wo nua atɛm sɛ nipahunu a wobedi fɔ mpanyimfoɔ atitire he asɛniiɛ; na sɛ woka sɛ, ‘Woyɛ kwasea’ a, wobedi fɔ akɔ gya a onnum da mu.

Yakobo 1:26

Sɛ bi dwene sɛ ɔyɛ nyamesomni, na woanto ne kɛtrɛma nnareka na mmom ɔdaadaa n’akoma a, na ne nyamesom he yɛ kwa.

1 Tesalonikafoɔ 2:13

Yei nti yɛda Nyankopɔn ase daa, sɛ hogyee Nyankopɔn asɛmpa a hote firi yɛ hɔ he, hoannye no sɛ nipa asɛm, na mmom hogyee no sɛdeɛ ɔteɛ ankasa, Nyankopɔn asɛm mapa a ɔɔyɔ adwuma ho agyidifoɔ ho mu.

Asomafoɔ 17:11

Na yeinom gyee asɛm he sene bɛ a bɛya Tesalonika he, efiri sɛ bɛde bɛ adwene nyinaa gyee asɛm he, na da biaa na bɛhwehwɛ twerɛsɛm he mu yie hwɛ sɛ nsɛm he te saa anaa.

Luka 19:48

nso bɛannya kwampa a bɛbɛfa so ayɔ, efiri sɛ nnipa he nyinaa tu taree no tiee no.

Marko 2:2

Nti nnipa bebree behyiaam kyeree so kosii kwane he ano nyinaa, na ɔɔka asɛm he akyerɛ bɛ.

Asomafoɔ 10:33

Nti ntɛmaa na mesoma ma bɛbaa wo nkyɛne, na woabɔ mmɔdene sɛ woaba. Yei nti yɛ nyinaa ahyiam Nyankopɔn anim saa bere yi sɛ yeebetie nea Awurade ahyɛ wo sɛ ka nyinaa.”

Asomafoɔ 2:42

Na betuu bɛ ho sii hɔ maa asomafoɔ he nkyerɛkyerɛ ne ayɔnkofa, paanoo bubuo ne mpaebɔ.

Luka 15:1

Na togyefoɔ ne nnebɔnyɛfoɔ nyinaa twi bɛnee Yesu sɛ beebetie no.

1 Yohane 2:21

Ɔnyɛ sɛ honnim nɔkorɛ he nti ne meetwerɛ saa krataa yi, na mmom honim, na honim nso sɛ, torɔ biaa mfiri nɔkorɛ mu mma.

Asomafoɔ 13:48

Berɛ a Amanamane mufoɔ tee yei he, bɛ ani gyeeɛ, na bɛhyɛɛ Awurade asɛm animuonyam, na dodoɔ a na Nyankopɔn ayi bɛ ama daa nkwa he bɛyɛɛ agyidifoɔ.

Marko 12:37

Sɛ Dawid he ankasa frɛɛ no Awurade a, ɔbɛyɛ dɛ na wayɛ ne ba?” Na nnipadɔm he de anigyeɛ tiee no.

Asomafoɔ 1:15

Na nna he mu he Petro sɔre gyinaa agyidifoɔ he mfinimfini. Na nnipakuo a bɛahyia faako he bɛyɛ nnipa ha aduonu. Na ɔkaa sɛ,

Yakobo 1:2

Me nuanom, sɛ hohyia sɔhwɛ ahodoɔ biaa a, hommu no anigyeɛ,

Yakobo 1:16

Me nuanom adɔfo, hommma bɛnnaadaa ho.

Yakobo 2:1

Me nuanom a hoyɛ yɛ Awurade Yesu Kristo a ɔyɛ animuonyam wura he mu agyidifoɔ he, ɔnsɛ sɛ honyɔ nyinyimu.

Yakobo 2:5

Anuanom adɔfo, hontie! Nyankopɔn nyii bɛ a wiasefoɔ bu bɛ sɛ ahiafoɔ he sɛ bɛnyɛ gyidie mu adefoɔ ne ahennie a ɔhyɛɛ ho bɔ ma bɛ a bɛdɔ no he ho adedifoɔ?

Yakobo 3:10

Ano korɔ heaa mu ne nhyira ne nnome firi ba. Me nuanom, ɔnsɛ sɛ ɔba saa.

Yakobo 4:11

Anuanom, honnnka nsɛmmɔne ntia ho ho. Nipa biaa a ɔka asɛmmɔne tia bi he anaa obu bi atɛne he, ɔka asɛmmɔne tia mmara he na obu mmara he atɛne; nso sɛ wobu mmara he atɛne a, wonyɛ mmara he sodifoɔ, na mmom, woyɛ temmufoɔ.

Yakobo 5:12

Ne nyinaa mu he, adɔfonom, honnka soro anaa asaase ntam, anaa ntam foforɔ biaa, na mmom, homma ho ɛɛ, nyɛ ɛɛ, na ho Daabi nso nyɛ daabi, na hoankɔ afobuom.

Yakobo 5:19

Anuanom, sɛ ho mu bi mmane firi nɔkorɛ he ho na foforɔ de no sane ba kwanpa he so a,