Romafoɔ 8:9 - Apam Foforɔ

⁹ Nso honni honam mu; hoya Honhom mu, esiane Nyankopɔn Honhom a ɔte ho mu nti. Biaa a onni Kristo Honhom he nyɛ Kristo dea.

Romafoɔ 8:9 Referans Kwoze

Galatifoɔ 4:6

Na esiane sɛ hoyɛ mma nti, Nyankopɔn asoma ne Ba Honhom aba ho akomam a ɔteaam sɛ, “Abba, a ɔkyerɛ sɛ Agya!”

1 Korintofoɔ 3:16

Honnim sɛ hoyɛ Nyankopɔn asɔredane na Nyankopɔn Honhom te ho mu?

2 Timoteo 1:14

Adepa a ɔde ahyɛ wo nsa he, fa Honhom Kronkron a ɔte yɛ mu he sɔ mu yie.

1 Korintofoɔ 6:19

Anaa honnim sɛ ho nipadua yɛ Honhom Kronkron a honya firii Nyankopɔn hɔ a ɔte ho mu he asɔredane, na honne ho ho?

Romafoɔ 8:11

Na afei sɛ nea ɔnyanee Yesu firii awufoɔ mu he Honhom te ho mu a, hedeɛ deɛ ɔnyanee Kristo firii awufoɔ mu he bɛma ho nnipadua a owu he nkwa ɔnam ne Honhom a ɔte ho mu he nti.

Yohane 14:17

Nɔkorɛ Honhom a wiase ntumi nnye no he, efiri sɛ, onhu no, na onnim no nso. Na ho deɛ honim no, efiri sɛ ɔya ho nkyɛne, na ɔbɛtena ho mu.

Efesofoɔ 1:13

Na ho nso, berɛ a hotee nɔkorɛ asɛm he, ho nkwagyeɛ ho asɛmpa he, honyaa ne mu anidasoɔ. Ne muaa nso ne berɛ a hogyediiɛ he, bɛde Honhom Kronkron a bɛhyɛɛ ne ho bɔ he hyɛɛ ho nso;

Galatifoɔ 5:24

Na bɛ a bɛyɛ Kristo Yesu deɛ he, bɛabɔ honam ne n’akɔnnɔ asennua mu.

Efesofoɔ 2:22

ne mu ne ho nso bɛde ho abom asi hɔ sɛ Nyankopɔn tenabea, honhom mu.

Romafoɔ 8:2

efiri sɛ Honhom mu nkwa mmara he ama ho faahodie Kristo Yesu mu afiri bɔne ne wuo mmara he mu.

Yohane 3:6

Nea befiri honam mu awo no he yɛ honam, na nea befiri Honhom mu awo no he yɛ honhom.

Filipifoɔ nwoma 1:19

Nɔkwasɛm ne sɛ, m’ani bɛkɔ so agye, efiri sɛ, menim sɛ ɔnam ho mpaebɔ ne Yesu Kristo Honhom mmoa so ne yei bɛyɛ me gyeɛ.

1 Yohane 4:13

Nea ɔma yehu sɛ yɛte Nyankopɔn mu, na ɔno nso te yɛ mu ne sɛ, waama yɛ ne Honhom.

Luka 11:13

Nti, sɛ ho a hoyɛ abɔnefoɔ mpo nim sɛnea hode akyɛdeɛ pa ma ho mma a, mprɛ dodoɔ sɛ ne ho Agya a ɔya soro he mfa Honhom Kronkron mma bɛ a bebisa no?”

1 Yohane 4:4

Mma nkumaa, hoyɛ Nyankopɔn deɛ, na hoadi bɛ so nkunim, efiri sɛ, deɛ ɔya ho mu he wɔ tumi sene deɛ ɔya wiase mu.

1 Korintofoɔ 15:23

Na biaa wɔ ne diberɛ: Kristo ne aba a odi kane, na ɔno akyi he bɛ a bɛyɛ Kristo deɛ he nso adi hɔ, sɛ ɔba bio a,

1 Yohane 3:24

Biaa a odi Nyankopɔn ahyɛdeɛ so he te Nyankopɔn mu, na Nyankopɔn nso te ne mu. Na yei ne ma yehu sɛ Nyankopɔn te yɛ mu. Na deɛ yɛde hu sɛ ɔte yɛ mu ne Honhom a ɔde ama yɛ he.

2 Korintofoɔ 6:16

Mmɛ ne abosom wɔ yɔ ne Nyankopɔn asɔrefie? Na yɛyɛ Nyankopɔn Teasefoɔ he asɔredane; sɛnea Nyankopɔn kaeɛ he, Mɛtena bɛ mu na mɛnante bɛ mu, na mɛyɛ bɛ Nyankopɔn, na bɛbɛyɛ me nkurofoɔ.

Yohane 3:34

Na nea Nyankopɔn asoma no he ka Nyankopɔn asɛm, na Nyankopɔn nsusu Honhom ansa na ɔde ama.

1 Petro 1:11

Bɛhwehwɛɛ berɛ korɔ ne berɛ ahodoɔ a Kristo honhom a ɔya bɛ mu dii kane daa no adi faa n’amanehunu ne akyire animuonyam a ɔbɛba he ho.

Adiyisɛm 20:15

Na biaa a bɛantwerɛ ne dini nkwa nwoma he mu he, bɛtoo no twenee gya tadeɛ he mu.

Adiyisɛm 13:8

Na bɛ a bɛte asaase so nyinaa bɛkoto no, meekyerɛ bɛ a bɛamfiri wiase ahyɛaseɛ antwerɛ bɛ dini Adwammaa a bekuu no he nkwa nwoma mu he.

2 Korintofoɔ 10:7

Honhwɛ deɛ ɔda hɔ pefee. Sɛ bi wɔ gyidie sɛ ɔyɛ Kristo deɛ a, ɔnkae sɛ, sɛdeɛ ɔyɛ Kristo deɛ he, saa ara ne yɛ nso yɛyɛ ne deɛ.

Yohane 14:23

Yesu buaa no sɛ, “Sɛ bi dɔ me a obedi m’asɛm so, na m’Agya bɛdɔ no, na yɛbɛba ne nkyɛne na yɛ ne no abɛtena.

Asomafoɔ 16:7

Na berɛ a beduruu Misia he, bɛyɛɛ bɛ adwene sɛ bɛbɛkɔ Bitinia, nso Honhom Kronkron ama bɛ kwane.

Romafoɔ 7:5

Berɛ a na yɛte honam mu he, mmara he yɛnee yɛ bɔne akɔnnɔ he, na ɔyɔɔ adwuma yɛ nnipadua mu maa yɛsoo aba maa wuo.

Romafoɔ 8:1

Nti afei afobuo biaa nni hɔ ma bɛ a bɛya Kristo Yesu mu,

1 Korintofoɔ 6:17

Nso deɛ ɔde ne ho abɔ Awurade he ne no yɛ honhom baako.

Efesofoɔ 3:17

ɔne sɛ Kristo nam gyidie so bɛtena ho akoma mu, sɛdeɛ hoagye nhini na ho ase atim dɔ mu.