Romafoɔ 12:10 - Apam Foforɔ

¹⁰ homfa nteaseɛ nnodɔ ho ho yie; homfa anidie mmɔho mma ho ho.

Romafoɔ 12:10 Referans Kwoze

Filipifoɔ nwoma 2:3

Honnnyɔ bibiaa pɛsɛmenkomenya ne animuonyamhunupɛ mu, na mmom homfiri ahobrɛaseɛ mu mmu afoforɔ te sɛ bɛkyɛne ho.

Hebrifoɔ 13:1

Homma nuadɔ ntena hɔ daa.

1 Yohane 4:11

Adɔfonom, sɛ saa ne Nyankopɔn dɔ yɛ deɛ a, hedeɛ ɔsɛ sɛ yɛ nso yɛdodɔ yɛ ho yɛ ho.

1 Petro 1:22

Afei a hoayɔ setie ama nɔkorɛ he de adwira ho kra ho ama hoanya nuadɔ a nyaatwom nni mu he, homfiri ho akoma nyinaa mu nnodɔ ho ho.

1 Petro 2:17

Homfa anidie mma nnipa nyinaa. Honnɔ anuanom agyidifoɔ. Honsuro Nyankopɔn, na homfa anidie mma hempɔno.

1 Tesalonikafoɔ 4:9

Na nea ɔfa nuadɔ ho deɛ, onhia ho sɛ bɛtwerɛ bra ho, efiri sɛ hoaa ne Nyankopɔn akyerɛkyerɛ ho sɛ honnodɔ ho ho;

Galatifoɔ 5:13

Na adehyedie mu ne bɛafrɛ ho aba, me nuanom; homma ahofadie he nyɛ akwannya mma honnyɔ bɔne, na mmom ho mfa dɔ so nyɛ nkoa ma ho ho,

Galatifoɔ 5:22

Nso Honhom aba he deɛ, ɔno ne dɔ, anigyeɛ, asomdwie, abodwokyɛre, ayamyɛ, papayɔ, gyidie,

1 Yohane 4:20

Sɛ bi ka sɛ, “Medɔ Nyankopɔn” na ɔtane ne nua a, ɔyɛ torɔfoɔ, efiri sɛ, bi ntumi nnɔ Nyankopɔn a onhuu no, berɛ a ɔtane ne nua a ohu no he.

2 Petro 1:7

na homfa nuadɔ nka nyamesom pa ho; na homfa dɔ mapa nka nuadɔ ho.

1 Petro 5:5

Saa ne ɔsɛ sɛ mmabunu, hobrɛ ho ho ase ma mpanyimfoɔ. Ho nyinaa mfa ahobrɛaseɛ nkatanim mmɔ ho asene na honsom ho ho ho ho efiri sɛ, “Nyankopɔn si ahantanfoɔ kwane na ɔdom ahobrɛaseɛfoɔ.”

Yohane 15:17

Yei ne meehyɛ ho na ama hoadodɔ ho ho.”

Romafoɔ 13:7

Homfa nea ɔsɛ sɛ hode ma biaa ma no, hontua toɔ ma bɛ a ɔsɛ sɛ hotua toɔ ma bɛ, homfa akatua ma bɛ a akatua sɛ bɛ, hommu nea ɔfata buo, homfa anidie ma nea anidie sɛ no.

Asomafoɔ 4:32

Na afei bɛ a bɛgye diiɛ he mu bebree akoma ne bɛ kra yɛɛ baako, na bɛ mu biaa nka sɛ ne nnoɔma a ɔwɔ yɛ ɔno nkoaa ne dea, na mmom bɛ nnoɔma nyinaa yɛ kwasafodeɛ.

Luka 14:10

Na mmom sɛ bɛto nsa frɛ wo a, kɔ na kɔtena baabi a ɔya fam koraa, na sɛ nea wato nsa afrɛ wo he ba a, waka akyerɛ wo sɛ, ‘Damfo, foro kɔ soro.’ Ɔno bɛma woanya anidie wo mfɛfoɔ a bɛahyia he nyinaa anim.

Mateo 20:26

Ɔnsɛ sɛ ho deɛ hoyɔ saa; na deɛ ɔpɛ sɛ ɔyɛ kɛseɛ ho mu he ɔsɛ sɛ ɔyɛ ho mu somfoɔ,

2 Tesalonikafoɔ 1:3

Anuanom, ɔsɛ sɛ yɛda Nyankopɔn ase ma ho da biaa, sɛnea ɔfata, efiri sɛ ho gyidie oonyini mmorosoɔ, na dɔ a hode dɔ ho ho ho ho he nso oonyini.

Kolosefoɔ nwoma 1:4

efiri sɛ, yɛate ho gyidie a ɔya Kristo Yesu mu ho asɛm, ɔne dɔ a howɔ ma ahoteefoɔ he nyinaa,

Galatifoɔ 5:6

Na Kristo Yesu mu he, gyidie a ɔnam dɔ so yɔ adwuma nkoaa ne hia, na ɔnyɛ twetia bɛatwa bi anaa bentwaa no he ne hia.

Yohane 17:21

sɛ bɛ nyinaa bɛbɛyɛ baako, sɛnea wo, Agya, woya me mu, na meya wo mu; sɛ bɛ nso bɛnyɛ baako yɛ mu, na ama wiase agye adi sɛ wone wosomaa me.