Romafoɔ 1:14 - Apam Foforɔ

¹⁴ Mede Helafoɔ ne Pɔtɔfoɔ nyinaa, anyansafoɔ ne adwenem harefoɔ nyinaa ka;

Romafoɔ 1:14 Referans Kwoze

Kolosefoɔ nwoma 3:11

Yei nti Helani ne Yudani, nea bɛatwa no twetia ne nea bentwaa no twetia, pɔtɔni, Skiteni, akoa anaa dehyeɛ nni saa foforɔyɛ he mu, na Kristo ne ade nyinaa, na ɔya bɛ nyinaa bɛ mu.

Asomafoɔ 9:15

Na Awurade ka kyerɛɛ no sɛ, “Si kwane so kɔ, efiri sɛ beema yi ne nea mayi sɛ ɔmfa me dini nkɔ amanamane ne ahene ne Israel mma nkyɛne.

Asomafoɔ 22:21

Nso ɔka kyerɛɛ me sɛ, ‘Sɔre kɔ, efiri sɛ, mɛsoma wo akɔ Amanamane a ɔya akyirikyiri mu.’ ”

Romafoɔ 12:16

Ho ne nnipa nyinaa ntena asomdwie mu; honnnyɛ ahantan, na mmom ho ne ahobrɛaseɛfoɔ nante; honnyɛ ahomasoɔ.

2 Korintofoɔ 11:19

Na hode anigyeɛ nya tema ma nkwaseafoɔ, efiri sɛ hoyɛ mmadwemma.

Romafoɔ 16:19

Nti ɔma m’ani gye ho ho, mepɛ sɛ honya nnepa ho nyansa, na honte ho ho mfiri bɔne ho koraa.

Romafoɔ 13:8

Honnne biaa ka, gye sɛ dɔ a hode bɛdodɔ ho ho; na nea ɔdɔ foforɔ he awie mmara he so di,

Romafoɔ 8:12

Nti, me nuanom, ɔnyɛ honam ne yɛde no ka na yɛatena ase sɛnea honam pɛ;

Romafoɔ 1:22

Besusuu sɛ bɛwɔ nyansa, nso bɛdanee nkwaseafoɔ;

Tito 3:3

efiri sɛ, berɛ bi a atwam a na yɛ nso yennim nyansa, na yɛyɛ asoɔdenfoɔ, na yɛamane afiri kwane pa he so, na yɛyɛ nkoa ma akɔnnɔ ahodoɔ ne anigyedeɛ he, yɛde nitane ne ahoɔyeya ne bɔɔ yɛ bra, a na yɛ ho yɛ ahi, tentanee yɛ ho yɛ ho.

2 Timoteo 2:10

Yei nti meto me bo nnoɔma nyinaa mu, sɛnea ɔbɛyɔ a bɛ a bɛayi bɛ he nso bebenya Kristo Yesu mu nkwagyeɛ, daa animuonyam mu.

2 Korintofoɔ 10:12

Na yentumi nkane yɛ ho mfra binom, na yentumi mfa yɛ ho ntoto binom a bɛkamfo bɛ ho kyerɛ he ho. Nɔkorem he, bɛ ho a bɛde yɛ susuhoma ma bɛ ho, na bɛde bɛ ho toto bɛ ankasa bɛ ho bɛ ho he kyerɛ sɛ benni nteaseɛ.

1 Korintofoɔ 14:16

Sɛ anyɛ saa a, wode honhom hyira a, ɔbɛyɛ dɛ na deɛ ɔnte aseɛ he agye w’aseda he so sɛ “Amen”, bere a onnim deɛ wooka?

1 Korintofoɔ 14:11

Nti sɛ mente kasaa he ase a, mebu deɛ ɔkasa he sɛ pɔtɔni ne deɛ ɔkasa he nso bu me pɔtɔni,

1 Korintofoɔ 3:18

Biaa nnnaadaa ne ho. Sɛ bi susu sɛ ɔyɛ nyansafoɔ wiase yi mu a, ɔnyɛ sɛ kwasea na wayɛ nyansafoɔ ampa,

1 Korintofoɔ 2:13

Na yɛka nnoɔma yi ho asɛm, ɔnyɛ deɛ nnipa nyansa kyerɛ, na mmom deɛ Honhom he akyerɛ, de kyerɛkyerɛ honhom nnoɔma ase kyerɛ bɛ a bɛya honhom mu.

Romafoɔ 11:25

Nti, anuanom, mepɛ sɛ hote saa ahintasɛm yi ase, na hoammu ho ho anyansafoɔ ho ankasa ho ani so: akomapirim bi aba Israelfoɔ bi so, kosi sɛ Amanamane mufoɔ bebree bɛba mu.

Asomafoɔ 28:4

Berɛ a pɔtɔfoɔ he ani bɔɔ wɔ he so sɛ ɔsɛne ne nsa ho he, bɛka kyerɛɛ bɛ ho bɛ ho sɛ, “Akyinnye biaa nni hɔ sɛ nipa yi yɛ wudifoɔ, na ɔyam sɛ waafiri po he mu afiri dwoodwoo deɛ, nso aweretɔ nti, ɔmma sɛ obenya ne ti adidi mu.”

Asomafoɔ 28:2

Na nnipa a bɛya hɔ he yɛ pɔtɔfoɔ; na bɛdaa ayamyɛ sononko adi kyerɛɛ yɛ. Na nsuo a na ɔɔtɔ ne awɔ a na ɔyam nti, bɛsɔɔ gya maa yɛ de gyee yɛ nyinaa fɛ so.

Luka 10:21

Saa dɔno heaa mu he, anigye hyɛɛ Yesu mã Honhom Kronkron mu, na ɔkaa sɛ, “Agya, soro ne asaase Wura, meyi wo ayɛ, efiri sɛ yeinom ahinta anyansafoɔ ne animdefoɔ, na woayi no adi akyerɛ mpapahwekwaa. Ɔyɛ ampa, Agya, efiri sɛ ɔyɛ wo pɛ sɛ ɔba saa.

Mateo 11:25

Saa berɛ he, Yesu kaa sɛ, “Agya, soro ne asaase Wura, meda wo ase, efiri sɛ, wode nnoɔma yi ahinta anyansafoɔ ne mmadwemma, na woayi no adi akyerɛ mpapahwekwaa.