Filipifoɔ nwoma 4:19 - Apam Foforɔ

¹⁹ Na me Nyankopɔn de ho ahiadeɛ nyinaa bɛma ho sɛdeɛ n’ahonya teɛ, animuonyam mu, Kristo Yesu mu.

Filipifoɔ nwoma 4:19 Referans Kwoze

1 Petro 5:10

Na adom nyinaa Nyankopɔn a wafrɛ ho aba ne daa animuonyam he mu Kristo mu he, ɔnoaa ne sɛ ho hu amane kakra, obesiesie ho pɛ; ɔbɛma ho ase atim. Ɔbɛhyɛ ho dene; ɔbɛma ho anya nnyinasoɔ.

1 Timoteo 6:17

Nnipa a bɛanya bɛ ho wiase yi mu he, hyɛ bɛ sɛ mma bɛnnwene akokurokosɛm, saa nso ne bɛmmfa bɛ ho nto ahonyadeɛ a onni hɔ daa so, na mmom bɛmfa bɛ ho nto Nyankopɔn a ɔma yɛ nea yɛpɛ nyinaa ma ɔdɔɔso he so.

Kolosefoɔ nwoma 1:27

Bɛne Nyankopɔn ayi bɛ sɛ benhu sɛnea n’ahintasɛm yi animuonyam kɛseɛ he bɛda adi amanamane mufoɔ mu, ɔno ne Kristo a ɔya ho mu a ɔyɛ animuonyam anidasoɔ he.

Efesofoɔ 3:16

Mebɔ mpaeɛ sɛ, sɛnea n’ahonya animuonyam teɛ sɛ ɔbɛma ho mu nipadua a ahinta he ase atim tumi a ɔnam ne Honhom so he mu,

Kolosefoɔ nwoma 3:16

Homma Kristo asɛm ntena ho mu yie. Honkyerɛkyerɛ na hontu ho ho fo nyansasɛm nyinaa mu, na homfa akoma mu aseda nto sankunnwom ne ayeyie nnwom ne honhom mu nnwom mma Nyankopɔn.

Romafoɔ 8:18

Menim sɛ yentumi mfa wiase yi mu amanehunu ntoto animuonyam a bɛde bɛhyɛ yɛ daakye wiase he mu he ho.

Efesofoɔ 1:7

Ne mu ne yɛnam ne mogyaa so anya gyeɛ, a ɔne yɛ mfomsoɔ ho fakyɛ, sɛnea n’adom mmorosoɔ teɛ

2 Korintofoɔ 4:17

Na saa amanehunu kakra yi a yɛɛfam yi, oosiesie yɛ ama daa animuonyam a ɔboro adeɛ nyinaa so a yentumi mfa seesei amanehunu yi ntoto ho koraa,

Romafoɔ 9:23

na sɛ ɔnam saa kwane he so da n’animuonyam ahonya adi ma mmɔborɔhunu adeɛ a wasiesie ato hɔ dadaada ma animuonyam a—

Efesofoɔ 3:8

Ewom sɛ me ne ahoteefoɔ he nyinaa mu kumaa koraa, nso bɛde adom yi maa me sɛ memfa so nna asɛm a ɔyɛ Kristo ahonya mu a onni hwehwɛbea he adi nkyerɛ amanamane mufoɔ.

Efesofoɔ 1:18

na ama hoanya nteaseɛ, na hoahu anidasoɔ a ɔfrɛɛ ho baa mu he, nnoɔma a ɔyɛ ma n’animuonyam agyapadeɛ ahonyadeɛ ahoteefoɔ he mu,

Efesofoɔ 2:7

sɛnea ɔbɛyɔ a mmerɛ a ɔɔba he mu ɔnam n’ayamyɛ so bɛda n’adom mmorosoɔ a mu nni hwehwɛbea he adi akyerɛ yɛ Kristo Yesu mu.

Romafoɔ 2:4

Anaa wobu N’ayamyɛ pii a ɔno ne boasetɔ ne n’abodwokyɛre he animtia? Wonnim sɛ Nyankopɔn ayamyɛ botae ne sɛ ɔde wo bɛkɔ adwensakram?

Romafoɔ 11:33

O! Nyankopɔn ahonya ne ne nyansa ɔne ne nimdeɛ a mu dɔ! Yentumi nhu n’atemmuo ne n’akwane mu nwie da!

1 Petro 5:1

Me a meyɛ asafo panyini he, metu asafo he mu mpanyimfoɔ fo sɛ, meyɛ Kristo amanehunu he ho dansefoɔ nti n’animuonyam a ɔbɛba he bɛka me.

1 Tesalonikafoɔ 2:12

sɛ honnante sɛnea ɔsɛ Nyankopɔn a wafrɛ ho akɔ n’ahenie ne n’animuonyam mu he.

Romafoɔ 1:8

Nea odi kane paa ne sɛ, menam Yesu Kristo so da me Nyankopɔn ase ma ho nyinaa, efiri sɛ bɛka ho gyidie ho asɛm wiase baabiaa.

Yohane 20:27

Afei ɔka kyerɛɛ Toma sɛ, “Fa wo nsa tea ka ha na bɛhwɛ me nsam, na fa wo nsa bɛka me mfem, na nyɛ akyinnyegyefoɔ.”

Yohane 20:17

Yesu ka kyerɛɛ no sɛ, “Mfa wo nsa nka me, efiri sɛ menya nkɔɔ soro, m’Agya nkyɛne. Na kɔ me nuanom nkyɛne kɔka kyerɛ bɛ sɛ, ‘Meekɔ soro, m’Agya ne ho Agya ne me Nyankopɔn ne ho Nyankopɔn nkyɛne.’ ”

Filemon 1:4

Berɛ biaa a mɛkae wo me mpaebɔ mu he, meda me Nyankopɔn ase daa,

2 Korintofoɔ 12:21

Mesuro sɛ sɛ meba bio a, me Nyankopɔn bɛbrɛ me ase ya ho anim, na magyam ho mu dodoɔ a hoayɔ bɔne na hoansakra ho adwene, ne adwamammɔ ne akohwisɛm nea bɛadi he ho.

Mateo 6:32

Na ɔyɛ amanamane mufoɔ ne bɛpre yeinom nyinaa ho; na nɔkorɛ, ho Agya a ɔya soro he nim sɛ hohia yeinom nyinaa.

Filipifoɔ nwoma 4:7

Na Nyankopɔn asomdwie a ɔboro nteaseɛ nyinaa so he bɛbɔ ho akoma ne ho adwene ho bane, Kristo Yesu mu.