Filipifoɔ nwoma 3:2 - Apam Foforɔ

² Honhwɛ ho ho yie nnipa a bɛte sɛ nkramane he ho, honhwɛ yie adwumayɔfoɔ bɔne he ho, honhwɛ yie twetiatwafoɔ he ho!

Filipifoɔ nwoma 3:2 Referans Kwoze

2 Korintofoɔ 11:13

Na saa nnipa yinom yɛ asomafoɔ atorɔfoɔ, adwumayɔfoɔ nnaadaafoɔ, bɛyɛ bɛ ho sɛ Kristo asomafoɔ.

Tito 1:16

Nnipa a bɛte saa he ka sɛ benim Nyankopɔn, nso bɛde bɛ nneyɔeɛ po no. Bɛyɛ Nyankopɔn akyiwadeɛ, asoɔdenfoɔ, bɛnyɛ ma adwuma pa biaa.

Adiyisɛm 22:15

Na kuro he akyi ne nkramane ne adutofoɔ ne adwamanfoɔ ne awudifoɔ ne abosonsomfoɔ ne bɛ a bɛpɛ torɔ na bedi he nyinaa ya.

Galatifoɔ 5:15

Na mmom, sɛ ho keka na homemene ho ho a, honhwɛ yie na hoansɛe ho ho.

Filipifoɔ nwoma 3:19

Bɛ awieeɛ yɛ sɛeɛ; bɛ nyame ne bɛ yafunu; na bɛ animuonyam ya bɛ animguaseɛ mu; bɛ adwene si asaase so nnoɔma so.

Galatifoɔ 5:6

Na Kristo Yesu mu he, gyidie a ɔnam dɔ so yɔ adwuma nkoaa ne hia, na ɔnyɛ twetia bɛatwa bi anaa bentwaa no he ne hia.

Mateo 7:15

Honhwɛ yie atorɔ adiyifoɔ ho, bɛ a bɛfira dwane nwoma ba ho nkyɛne nso bɛ mu paa deɛ bɛyɛ mpataku.

Adiyisɛm 21:8

Nso ahufoɔ ne bɛ a bɛnnye nni ne akyiwadeyɔfoɔ ne awudifoɔ ne adwamanfoɔ ne adutofoɔ ne abosonsomfoɔ ne atorɔfoɔ nyinaa benya bɛ kyɛfa ya tadeɛ a gya ne sɔfe ɔɔdɛre mu he. Yei ne wuprenu he.”

Adiyisɛm 3:9

Hwɛ! Mɛma bɛ a befiri Satan hyiadane mu, a bedi torɔ ka sɛ bɛyɛ Yudafoɔ, nso bɛnyɛ bi he abɛkoto wo nane ase, na bɛ nyinaa ahu sɛ medɔ wo.

Yuda 1:4

Na nnipa bi awiawia bɛ ho aba mu a befiri tete atwerɛ bɛ ho asɛm ato hɔ ama saa atemmuo yi, amumuyɔfoɔ a bɛde akohwibra bu Nyankopɔn adom he animtia, na bɛpo Owura korɔ a ɔne Awurade Yesu Kristo he.

1 Timoteo 1:19

berɛ a wokura gyidie ne ahonim pa a binom apia ato nkyɛne nti, nnipa binom ahwe ase gyidie mu he;

Filipifoɔ nwoma 3:3

Na yɛ ne bɛatwa yɛ twetia ankasa, a yɛsom Nyankopɔn honhom mu, na yɛhoahoa yɛ ho Kristo Yesu mu na yenni ahotɔsoɔ honam mu he.

Galatifoɔ 5:13

Na adehyedie mu ne bɛafrɛ ho aba, me nuanom; homma ahofadie he nyɛ akwannya mma honnyɔ bɔne, na mmom ho mfa dɔ so nyɛ nkoa ma ho ho,

Romafoɔ 2:28

Ɔnyɛ honam fam nnoɔma ne ma bi yɛ Yudani, saa ara nso ne twetiatwa kann nso nna adi anisoɔ ne honam fam nnoɔma mu.

Mateo 7:6

Hommfa ade kronkron mma nkramane; na honnto ho nhwene pa ngu mma mprako, na bɛamfa bɛ nane antiatia so na bɛannane amma ho so ammɛseɛ ho.

Adiyisɛm 2:9

“Menim amaneɛ a wohu maa Awurade na menim wo hia nso, nso woyɛ defoɔ honhom mu. Menim nsɛm a bɛ a bɛka sɛ bɛyɛ Yudafoɔ, nso bɛnyɛ Yudafoɔ he ka tia wo. Bɛyɛ Satan apamfoɔ.

2 Petro 2:22

Nea ɔbaa bɛ so he kyerɛ sɛ, saa bɛ yi yɛ nɔkorɛ: Kramane sane kɔ ne feɛ ho bio, na “prako a bɛadware no he nso kɔyantam ne ho atɛkyɛ mu.”

Mateo 24:10

Na bebree bɛpa bɛ gyidie, na bebeyiyi bɛ ho bɛ ho ama na bɛatentane bɛ ho bɛ ho.