Filipifoɔ nwoma 2:15 - Apam Foforɔ

¹⁵ na ho ho amma asɛm biaa, na hoadi bem, sɛ Nyankopɔn mma a nkekaeɛ nni bɛ ho, nnɛ abusua a bɔne ahyɛ bɛ ma na bɛamane afiri wiase a hohyerɛn mu sɛ nsoromma,

Filipifoɔ nwoma 2:15 Referans Kwoze

1 Petro 2:12

Hommɔ bra pa ya amanamane mufoɔ a hofra bɛ mu he mu, na sɛ bɛka ho ho nsɛm sɛ hoyɛ nnebɔnyɛfoɔ a, bɛahu ho papa a hoayɔ he nso nam so ahyɛ Nyankopɔn animuonyam, “nsrada” he.

Mateo 5:45

saa ne bɛma ho ayɛ ho Agya a ɔya soro he mma; efiri sɛ ɔma awia pie abɔnefoɔ ne ateneneefoɔ so, na ɔtɔ nsuo gu ateneneefoɔ ne bɛ a bɛnnyɛ ateneneefoɔ so.

1 Tesalonikafoɔ 5:23

Asomdwie Nyankopɔn he ankasa nte ho ho koraa, ɔmfa ho honhom ne ho kra ne ho nipadua nsie yie ma onni mu, berɛ a ho ho ɔmma asɛm biaa wɔ Awurade Yesu Kristo mmaeɛ he mu.

2 Petro 3:14

Nti, adɔfonom, hogu so ɔɔtwɛne da he yi, hommɔ mmɔdene sɛ hobɛyɛ nnipa kronkron a mfomsoɔ biaa nni ho ho ya Nyankopɔn anim na ho ne no atena asomdwie mu.

1 Korintofoɔ 1:8

Ɔno Nyankopɔn ankasa nso bɛhyɛ ho dene akosi awieeɛ, na ho ho amma asɛm Awurade Yesu Kristo da he.

Tito 2:10

bennwia adeɛ mfiri bɛ wuranom fotoɔ mu, na mmom benni nɔkorɛ turodoo ade nyinaa mu, sɛdeɛ ɔbɛyɛ a bebeyi Nyankopɔn a ɔyɛ yɛ Agyenkwa he nkyerɛkyerɛ ayɛ.

1 Petro 2:9

Na ho deɛ, hoyɛ abusua a bɛayi ho, sɛ adehyeɛ asɔfokuo, mane kronkron, Nyankopɔn ankasa nkurofoɔ a bɛayi ho sɛ honka n’anwanwadwuma he ho asɛm. Ɔno na ɔfrɛɛ ho firi sum mu baa ɔno ankasa hann nwanwasono he mu.

Mateo 5:48

Honyɛ pɛ, efiri sɛ, ho Agya ɔya soro he yɛ pɛ.

1 Timoteo 3:10

Na bɛnsɔ bɛ nhwɛ na sɛ bɛannya bɛ ho asɛm biaa anka a, ma bɛnsom sɛ asafo mu asomfoɔ.

1 Timoteo 3:2

Ɔsɛ sɛ asafo so hwɛfoɔ yɛ bi a onni dimmɔne biaa, ne yerɛ baako, n’ani da hɔ, ɔyɛ nyansafoɔ, ɔyɛ bi a biaa ma anidie, ɔpɛ ahɔhoyɛ, onim nkyerɛkyerɛ,

Filipifoɔ nwoma 1:10

na hoapɛɛpɛɛ mu ahu deɛ ɔyɛ paa, na ho ho ate a nkekaeɛ biaa nni ho ho de akosi Kristo da he,

Efesofoɔ 5:27

na ɔde no asi hɔ ama ne ho animuonyam mu a dɛmdie, nkekaeɛ, anaa bibiaa a ɔte saa nni ne ho, na mmom ayɛ kronkron a onni dɛm biaa.

Romafoɔ 16:19

Nti ɔma m’ani gye ho ho, mepɛ sɛ honya nnepa ho nyansa, na honte ho ho mfiri bɔne ho koraa.

Asomafoɔ 2:40

Na ɔde nsɛm foforɔ pii dii adanseɛ, na otuu bɛ fo sɛ, “Homma bɛnnye ho mfiri awoɔ ntoatoasoɔ porɔeɛ yi mu.”

Mateo 10:16

“Hwɛ, meesoma ho sɛ nnwane akɔ mpataku mfimfini; nti honya nyansa sɛ wɔ, na honyɛ nnipa a ho ho nni asɛm te sɛ mmuburo.

Hebrifoɔ 7:26

Nti na ohia sɛ yenya sɔfo panyini a ɔte saa, ne ho te, ne ho nni asɛm, nkekaeɛ nni ne ho, bɛate ne ho afiri nnebɔnyɛfoɔ ho, na bɛama no so mmorosoɔ.

Tito 2:15

Pae mu ka saa nsɛm yi; kɔ so tu fo na ka anim sɛdeɛ bɛama wo tumi sɛ yɔ he. Mma biaa mmmu wo animtia.

Tito 1:6

Yi nipa a ne ho nni asɛm biaa, na ɔyɛ yerɛ baako kunu, na ne mma yɛ agyidifoɔ a bɛmmɔ akohwibra, na bɛnnyɛ asoɔdene nso.

1 Timoteo 5:20

Na bɛ a bɛkɔ so tena bɔne mu he deɛ, yi bɛ atene nnipa nyinaa anim na ama bɛ a bɛaka he nso bɛasuro.

Asomafoɔ 20:30

Hoaa ho mu mmeema bɛsɔre akasa adane nɔkorɛ he de atwe asafo he adi bɛ akyi.

Yohane 5:35

Na ɔyɛ kanea a ɔdɛre na ɔhyerɛn, na ho deɛ, na hopɛ sɛ ho ani gye mmerɛ kakra ne hann mu.

Luka 6:35

Mmom, honnɔ ho atamfoɔ na honyɔ bɛ papa na homma afoforɔ bosea a ho ani nna so sɛ hobenya bibi akyire yi; na ho akatua bɛyɛ kɛseɛ, na hobɛyɛ Sorosoroni he mma, efiri sɛ ne yam yɛ ma boniayɛfoɔ ne abɔnefoɔ.

Mateo 17:17

Yesu buaa sɛ, nneemmafoɔ a honni gyidie na hoamane, mentena ho nkyɛne nkosi da bɛ? Onkosi da bɛ ne menya ho ho aboterɛ? Homfa no mmra me.”

Adiyisɛm 3:9

Hwɛ! Mɛma bɛ a befiri Satan hyiadane mu, a bedi torɔ ka sɛ bɛyɛ Yudafoɔ, nso bɛnyɛ bi he abɛkoto wo nane ase, na bɛ nyinaa ahu sɛ medɔ wo.

1 Timoteo 5:14

Nti mepɛ sɛ akunafoɔ a benyiniiɛ he wareware, wowo mma, na bɛhwɛ bɛ fie, na yɛamma tamfoɔ he kwane amma wanka yɛ ho asɛm bɔne.

1 Timoteo 5:7

Yeinom ho ne hyɛ bɛ, na bɛannya dimmɔne biaa.

2 Korintofoɔ 6:17

Nti homfiri bɛ mu, na honte ho ho mfiri bɛ ho, Awurade ne aka na hommfa ho nsa nka adeɛ a ho nte biaa; na mɛgye ho,

Luka 1:6

Na bɛ mmienu nyinaa tene Nyankopɔn anim di Awurade mmara ne n’atemmudeɛ ne n’atenenedeɛ nyinaa so pɛpɛɛpɛ a asɛm biaa nni bɛ ho.

Filipifoɔ nwoma 3:6

mmɔdenmmɔ fam he, metaa asafo he; mmara he mu tenenee fam he, me ho nni asɛm biaa.

Adiyisɛm 2:5

Kae baabi a wofiri hwee ase. Sakra w’adwene firi bɔne ho na yɔ sɛnea kane he na woyɔ he. Sɛ woansakra amfiri wo bɔne ho a, mɛba wo nkyɛne abeyi wo kaneadua he afiri ne sibrɛ.