Filipifoɔ nwoma 1:10 - Apam Foforɔ

¹⁰ na hoapɛɛpɛɛ mu ahu deɛ ɔyɛ paa, na ho ho ate a nkekaeɛ biaa nni ho ho de akosi Kristo da he,

Filipifoɔ nwoma 1:10 Referans Kwoze

Romafoɔ 12:2

Na homfa wiase nhyehyɛeɛ yi so, na mmom honsakra ho adwene na honyɛ foforɔ, na hoasɛ ahwɛ ahu nea Nyankopɔn pɛ a ɔyɛ na ɔsɔ ani na odi mu.

1 Tesalonikafoɔ 3:13

Na ɔnhyɛ ho akoma dene kronkronyɛ mapa mu sɛ ho ho mma asɛm yɛ Nyankopɔn ne Agya he anim ya Awurade Yesu, ne ahoteefoɔ mmaeɛ he mu.

1 Tesalonikafoɔ 5:23

Asomdwie Nyankopɔn he ankasa nte ho ho koraa, ɔmfa ho honhom ne ho kra ne ho nipadua nsie yie ma onni mu, berɛ a ho ho ɔmma asɛm biaa wɔ Awurade Yesu Kristo mmaeɛ he mu.

Romafoɔ 2:18

na wonim n’apɛdeɛ na wokyerɛ nea ɔyɛ, efiri sɛ bɛatete wo mmara he mu,

Efesofoɔ 5:10

Hommɔ mmɔdene nhwehwɛ nea ɔsɔ Awurade ani.

1 Yohane 4:1

Adɔfo, honnye ahonhom nyinaa nnni, na mmom honsɔ ahonhom he nhwɛ sɛ befiri Nyankopɔn anaa; efiri sɛ, atorɔ adiyifoɔ bebree aba wiase.

Filipifoɔ nwoma 1:6

Na mewɔ awerɛhyɛmu sɛ, nea wahyɛ adwuma pa ase ho mu he bɛtoa soaa kosi sɛ obewie no Yesu Kristo da he mu.

1 Tesalonikafoɔ 5:21

honsɔ bibiaa nhwɛ, na honsɔ deɛ ɔyɛ he mu yie;

1 Korintofoɔ 1:8

Ɔno Nyankopɔn ankasa nso bɛhyɛ ho dene akosi awieeɛ, na ho ho amma asɛm Awurade Yesu Kristo da he.

Adiyisɛm 2:2

“Menim wo nnwuma. Menim nsiyɛ a wode ayɔ adwuma ne boasetɔ a wowɔ. Menim sɛ wonnye nnebɔnyɛfoɔ, na afei woasɔ bɛ a bɛfrɛ bɛ ho asomafoɔ nso bɛnyɛ bi he ahwɛ, na woahu sɛ bɛyɛ atorɔfoɔ.

Efesofoɔ 5:27

na ɔde no asi hɔ ama ne ho animuonyam mu a dɛmdie, nkekaeɛ, anaa bibiaa a ɔte saa nni ne ho, na mmom ayɛ kronkron a onni dɛm biaa.

Yohane 1:47

Berɛ a Yesu huu sɛ Natanael ɔɔba he, ɔka kyerɛ no sɛ, “Hwɛ! Israelni ankasa a nnaadaa biaa nni ne mu di!”

Mateo 16:23

Na ɔdanee ne ho ka kyerɛɛ Petro sɛ, “Firi me so kɔ, Satan! Woyɛ sintidua ma me; efiri sɛ woamfa w’adwene ansi Nyankopɔn so na mmom honam nnwuma so.”

2 Korintofoɔ 1:12

Yei ne deɛ yɛde hoahoa yɛ ho a ahonim di ho adanseɛ, sɛ kronkronyɛ ne nɔkorɛdie a ofiri Nyankopɔn mu, a ɔnyɛ nipa nyansa, na mmom Nyankopɔn adom, na yɛde abɔ yɛ bra wiase, ne titire he kwane a yɛfaa so ne ho diiɛ he mu.

Romafoɔ 12:9

Hommma nyaatwom mfra dɔ mu; hontane nea ɔyɛ bɔne, honkura nea ɔyɛ papa mu;

Romafoɔ 8:7

Saa nti adwene a osi honam nnoɔma so he tane Nyankopɔn; ɔmmrɛ ne ho ase nhyɛ Nyankopɔn mmara ase, nɔkwasɛm ne sɛ ontumi nyɔ saa mpo,

Mateo 26:33

Petro ka kyerɛɛ no sɛ, “Sɛdeɛ ɔbɛba wo so he bɛto biaa sintidua a, me deɛ ɔnto me sintidua koraa.”

Filipifoɔ nwoma 1:16

Na bɛ a bɛde pɛpa ne ka he de dɔ ne di Kristo ho adanseɛ, a benim sɛ asɛmpa he nti ne bɛde me ato afiase ha;

Efesofoɔ 6:24

Adom nka bɛ a bɛde dɔ a ɔnsa da dɔ yɛ Awurade Yesu Kristo nyinaa.

Efesofoɔ 4:15

Na mmom, homma yenni nɔkorɛ, dɔ mu, na yɛnyini akwane nyinaa mu, Kristo a ɔno ne asafo he ti he mu,

Galatifoɔ 5:11

Na me deɛ, anuanom, sɛ meda so ka twetiatwa ho asɛm a nka mmɛ nti ne bɛda so taa me? Sɛ nka meda so ka twetiatwa ho asɛm a, hedeɛ na nka asennua he nto sintidua bio.

2 Korintofoɔ 8:8

Menka yei nhyɛsoɔ so, na mmom menam binom mmɔdenmmɔ so ɔɔsɔ ho dɔ ahwɛ.

2 Korintofoɔ 6:3

Na yɛnto biaa sintidua na bɛannya asɛmmɔne biaa anka amfa yɛ som adwuma ho,

2 Korintofoɔ 2:17

Na yɛnte sɛ nnipa bebree a bɛnam ɔɔtɔno Nyankopɔn asɛm he, na mmom sɛ bɛ a beyi bɛ yam kasa, Nyankopɔn mu; na yɛkasa Kristo mu ya Nyankopɔn anim.

1 Korintofoɔ 10:32

Honnyɔ deɛ ɔbɛto Yudafoɔ anaa Helafoɔ anaa Nyankopɔn asafo he sintidua,

1 Korintofoɔ 8:13

Nti sɛ nam weɛ to me nua sintidua a, hedeɛ mennwe nam koraa na manto me nua sintidua.

Romafoɔ 16:17

Anuanom, mehyɛ ho nkurane sɛ, honhwɛ ho ho yie bɛ a bɛde mpaepaemu ne sintiduatoɔ, de ko tia nkyerɛkyerɛ a hoasua he; hontwe ho ho mfiri bɛ ho,

Romafoɔ 7:22

Na m’ani gye Nyankopɔn mmara a ɔte me mu he ho,

Romafoɔ 7:16

Nti sɛ meyɔ adeɛ a mempɛ a, megye tom sɛ mmara he yɛ.

Asomafoɔ 24:16

Nti berɛ nyinaa mehwɛ hu sɛ menyɔ bɔne biaa ntiaa Nyankopɔn ne nnipa.

Yohane 3:20

Biaa a ɔyɔ bɔne he tane hann he, na ɔmma hann he ho, sɛ ɔbɛyɛ a ne nnwuma he onna adi.

Filipifoɔ nwoma 2:16

berɛ a hokita nkwa nsɛm he mu dene na ama matumi ahoahoa me ho Kristo da he sɛ mantu mirika hunu anaa manyɔ adwuma hunu.