Mateo 9:18 - Apam Foforɔ

¹⁸ Berɛ a Yesu gu so ɔɔka yeinom akyerɛ bɛ he, mpofiremuaa hyiadane mu panyini bi ba bebuu nkotodwe n’anim kaa sɛ, “Me ba baa awu seseiaa; na bra na fa wo nsa begu ne so na obenya nkwa.”

Mateo 9:18 Referans Kwoze

Mateo 8:2

Na hwɛ, kwatani bi baa ne hɔ bebuu nkotodwe n’anim, kaa sɛ, “Awurade, sɛ wopɛ a, wobetumi ama me ho afiri.”

Luka 13:14

Hyiadane he mu panyini ani bereeɛ sɛ Yesu asa yadeɛ homeda he. Nti ɔka kyerɛɛ nnipakuo he sɛ, “Nnansia ne ɔsɛ sɛ bɛde yɔ adwuma, ɔno mu ne ɔsɛ sɛ ho ba na bɛsa ho yadeɛ, na ɔnyɛ homeda ne ɔsɛ sɛ ho ba.”

Yohane 11:32

Na Maria duruu baabi a na Yesu ya he na n’ani bɔɔ ne so he, obuu nkotodwe ne nane ase, na ɔka kyerɛɛ no sɛ, “Awurade, sɛ na woya ha a, nka me nua beema yi anwu.”

Mateo 9:24

ɔkaa sɛ, “Homfiri ha nkɔ; na abaayaa he nwuiɛ, na waada.” Na bɛseree no twee.

Asomafoɔ 13:15

Bɛkenkanee mmara ne adiyifoɔ he badwam wieeɛ he, hyiadane mu mpanyimfoɔ he somaa nnipa kɔɔ bɛ nkyɛne sɛ, “Anuanom, sɛ howɔ nkuranhyɛsɛm bi ma nnipa yi a, honka.”

Yohane 11:25

Yesu ka kyerɛɛ no sɛ, “Me ne wusɔreɛ ne nkwa. Bɛ a bɛgye me di he, bewu mpo a bebenya nkwa.

Luka 18:18

Na tumfoɔ bi bisaa no sɛ, “Kyerɛkyerɛfoɔ pa, ɛɛne ne meyɔ a menya daa nkwa?”

Luka 7:2

Na sraani panyini bi akoa a ɔsombo ma no paa yare a oowu.

Mateo 28:17

Behuu no he, bɛkoto sɔree no, nso binom gyee akyinnye.

Mateo 17:14

Berɛ a bɛbaa nnipadɔm he nkyɛne he, beema bi baa ne nkyɛne bebuu nkotodwe n’anim,

Mateo 15:25

Nso baa he bebuu nkotodwe n’anim kaa sɛ, “Awurade, boa me.”

Mateo 14:33

Na bɛ a bɛ ya kodoɔ he mu he koto sɔree Yesu, kaa sɛ, “Ampa, wo ne Nyankopɔn Ba he.”

Mateo 20:20

Afei Sebedeo mma he ne bɛ maame baa Yesu hɔ. Na bɛ maame he buu nkotodwe Yesu anim, na ɔsrɛɛ ne hɔ bibi.

Mateo 8:25

Na asuafoɔ he baa ne nkyɛne bɛyanee no, sɛ, “Awurade, gye yɛ! Yɛɛhwere yɛ nkwa!”

Mateo 9:17

Saa nso ne bɛmmfa bobesa foforɔ ngu nsakotokuo dadaa mu; anyɛ saa a, nsakotokuo he bɛpae ama bobesa he ahwie agu, na kotokuo he asɛe. Na mmom bɛde bobesa foforɔ gu nsakotokuo mono mu, na ne mmienu nyinaa ansɛe.”

Mateo 9:19

Na Yesu sɔre ne n’asuafoɔ he dii hyiadane mu panyini he akyi.

Asomafoɔ 28:8

Nso ɔbaa sɛ na Publio papa da hɔ a abunu ne konkoriwa akye no, na Paulo kɔɔ ne nkyɛne kɔbɔɔ mpaeɛ de ne nsa guu ne so saa no yadeɛ.