Mateo 6:2 - Apam Foforɔ

² “Nti sɛ wooyɔ adɔeɛ adeɛ a, mmɔ dawuro nni w’anim, sɛnea nyaatwomfoɔ he yɔ no hyiadane mu ne mmɔntene so he, sɛdeɛ bebenya nipa anim animuonyam. Nɔkorɛ, meeka akyerɛ ho, bɛanya ba akatua dada.

Mateo 6:2 Referans Kwoze

Mateo 6:5

“Na sɛ hoobɔ mpaeɛ a honnyɔ sɛ nyaatwomfoɔ he; efiri sɛ bɛpɛ sɛ begyina hyiadane mu ne mmɔntene ntweaso bɔ mpaeɛ, sɛ nnipa behu bɛ. Nɔkorɛ, meeka akyerɛ ho sɛ, bɛanya bɛ akatua dada.

Mateo 6:16

“Na sɛ hoodi mmuada a, honnyɔ ho anim bosaa sɛ nyaatwomfoɔ he, efiri sɛ bɛyɔ bɛ anim bosaa sɛ ɔbɛyɔ a nnipa behu bɛ sɛ beedi mmuada. Nɔkorɛ, meeka akyerɛ ho sɛ, bɛanya bɛ akatua dada.

Yohane 5:41

Mennye animuonyam mfiri nnipa nkyɛne.

Hebrifoɔ 13:16

Hommmu ho ani ngu papayɔ ne adekyɛ so, efiri sɛ, saa afɔreɛ he sɔ Nyankopɔn ani.

Luka 20:46

“Honhwɛ yie atwerɛfoɔ he ho; bɛ ne bɛpɛ sɛ bɛhyɛ ntaadeɛ atentene, kyinkyini na bɛpɛ badwa mu nkyea ne hyiadane mu nkonnwa a ɔya animu ne mpanyini tenabea apontoɔ ase,

Yohane 7:18

Bɛ a bɛbɔ betim kasa he hwehwɛ bɛ ankasa bɛ animuonyam; na nea ɔhwehwɛ nea ɔsomaa no he animuonyam he yɛ nɔkwafoɔ a nea ɔntene biaa nni ne mu.

1 Petro 4:11

Sɛ bi ɔɔka asɛm a ɔnka Nyankopɔn asɛm. Biaa a ɔsom he, mfa ahoɔdene a Nyankopɔn de ma no he nsom sɛnea bibiaa mu, bɛbɛfa Yesu Kristo so ahyɛ Nyankopɔn a animuonyam ne tumi wɔ no daadaa he animuonyam. Amen!

Efesofoɔ 4:28

Korɔmfoɔ nyae korɔno bɔ; na mmom ɔmmɔ mmɔdene mfa ne nsa nyɔ adwuma pa, na woanya bibi de ama ahiafoɔ.

Galatifoɔ 2:10

Adeɛ baako pɛ ne bɛsrɛeɛ, sɛ yɛbɛkae ahiafoɔ, adeɛ a na ɔda m’akoma so sɛ mɛyɔ.

Asomafoɔ 10:4

Beema he hwɛɛ no dinn, na hu kaa no ma obisaa sɛ, “Awurade, ɛɛne a?” Obuaa sɛ, “Wo mpaebɔ ne w’adɔeɛ aforo soro ayɛ nkaeɛ Nyankopɔn anim.

1 Timoteo 6:18

Ɔsɛ sɛ bɛyɔ papa, na bennya bɛ ho nnwuma pa fam; bɛ nsɛm ngo na bɛnkyɛ adeɛ fɛ so,

Romafoɔ 12:8

fotufoɔ a, ma ontu fo; ɔma a, ma no mma no adɔeɛ mu; dikanfoɔ a, ma ɔmmɔ ne ho mmɔdene akannie mu; ahummɔborɔ a, ma ɔnyɔ no animteɛ mu.

Asomafoɔ 24:17

Nti mekokyinkyinii Amaneamane mu mfie kakra he, mesane baa Yerusalem de adɔeyɛdeɛ ne ayɛyɛdeɛ braa me mane.

Asomafoɔ 10:31

Na ɔkaa sɛ, ‘Konelio Nyankopɔn atie wo mpaebɔ na w’adɔeɛ aduru n’anim.

Asomafoɔ 10:2

Na ɔyɛ nipa a ɔwɔ ahofama na ɔne ne fiefoɔ nyinaa suro Nyankopɔn, na ɔyɛ nkurofoɔ adɔeɛ pii na ɔde adesrɛ to Nyankopɔn anim daa.

Asomafoɔ 9:36

Na suani bi ya Yopa a bɛfrɛ no Tabita, a Helafoɔ ka no Doka. Na nnwuma pa ne adɔeɛ ahyɛ no ma.

Yohane 13:29

Esiane sɛ na Yuda ne kura bɛ sika adaka he nti, binom susuu sɛ na Yesu ɔɔka akyerɛ no sɛ, “Kɔtotɔ nnoɔma a yehia ma afahyɛ he” anaa ɔmfa bibi mma ahiafoɔ.

Yohane 5:44

Hobɛyɔ dɛ na hoagye adi berɛ a hogye animuonyam firi hoaa ho ho, na honnye animuonyam mfiri Nyankopɔn korɔ he nkyɛne?

Luka 6:42

Ɔbɛyɛ dɛ na woatumi aka akyerɛ wo nua sɛ, ‘Me nua, ma menyi mfrɛ a ɔda w’ani so yi mma wo,’ berɛ a wonhu mpuna a ɔda w’ankasa w’ani so he mpo? Nyaatwomni! Di kane yi w’ankasa w’ani so mpuna he, na wobehu sɛnea wobeyi mfrɛ a ɔda wo nua ani so he.

Marko 12:39

na bɛbɛtena nkonnwa papa so hyia adane mu, ne nkonnwa a ɔya anim ne mpanyini tenabea ya apontoɔ ase!

Filemon 1:7

Nɔkwasɛm di, me nua, ɔnam wo dɔ so ama manya anigye ne awerɛkyekyerɛ, efiri sɛ, woama ahoteefoɔ he, bɛ akoma atɔ bɛ yam.

1 Tesalonikafoɔ 2:6

saa ara nso ne yɛanhwehwɛ nnipa anim animuonyam amfiri ho nkyɛne anaa afoforɔ hɔ, mpo nka yebetumi ayɛ adesoa sɛ Kristo asomafoɔ

Asomafoɔ 11:29

Nti asuafoɔ he nyinaa bɔɔ bɛ adwene pɔ sɛ bɛde nnoɔma biaa bebetumi ayi bɛkɔ akɔsom agyidifoɔ a bɛya Yudea he,

Luka 13:15

Nso, Awurade buaa no sɛ, “Nyaatwomfoɔ, nti ho mu biaa nsane ne nantwie anaa n’afunumu mfiri buom homeda nkɔma no nsuo nnom?

Luka 12:56

Nyaatwomfoɔ, honim sɛnea bɛkyerɛ asaase ne wiem nsɛnkyerɛnne ase, afei, mmɛ nti ne honnim sɛnea bɛkyerɛ saa mmerɛ yi mu?

Luka 12:33

Hontɔno nnoɔma a howɔ na homfa nyɔ adɔeɛ. Honyɔ sika nkotokuo a ɔnsɛe mfa, na hompɛ agyapadeɛ a ɔya soro, baabi a akorɔmfoɔ ntumi nkowia na nwewemmoa nsɛe no,

Luka 11:43

Honnue, ho Farisifoɔ, efiri sɛ hopɛ hyia adane mu nkonnwa a osisi animu ne dwa so nkyea!

Luka 11:41

Nso, homfa nea ɔya mu he nyɔ adɔeɛ, na hwɛ, nnoɔma a aka nyinaa ho ate ho fam.

Luka 6:24

“Nso ho adefoɔ honnue, efiri sɛ hoanya ho awerɛkyekyerɛ nyinaa dada.

Marko 7:6

Ɔka kyerɛɛ bɛ sɛ, “Odi sɛ Yesaia hyɛɛ ho nyaatwomfoɔ ho nkɔm sɛ, ‘Nnipa yi de bɛ ano ne di me ni nso bɛ akoma deɛ ya akyirikyiri

Mateo 24:51

Obetwitwa ne mu na ɔde no aka nyaatwomfoɔ ho ya baabi a suu ne setwerɛ ya.

Mateo 23:6

Bɛpɛ tenabea a anidie ya mu ya apontoɔ ase, ɔne hyiadane mu nkonnwa pa,

Mateo 22:18

Nso ɔnam sɛ na Yesu nim bɛ adwemmɔne nti, ɔkaa sɛ, “Ho nyaatwomfoɔ, mmɛ nti ne hoosɔ me ahwɛ?

Mateo 16:3

Na anɔpa, ‘Ahum betu, efiri sɛ anim ayɛ kɔkɔɔ ne kusuu.’ Honim sɛ deɛ bɛkyerɛ wiem tebea ase, nso honnim sɛnea bɛkyerɛ mmerɛ ho nsɛnkyerɛnne ase.

Mateo 15:7

Ho nyaatwomfoɔ! Odi sɛ Yesaia hyɛɛ ho ho nkɔm sɛ:

Mateo 7:5

Wo nyaatwomni, di kane yi mpuna a ɔda w’ani so he, na ɔbɛma woahu yie na woatumi ayi wo yɔnko ani ase mfrɛ.

Mateo 5:18

Nɔkorɛ meeka akyerɛ ho, kosi sɛ soro ne asaase betwam he, atwerɛdeɛ anaa nsensaneɛ ketewa baako mpo omfiri mmara he mu kosi sɛ ne nyinaa bɛba mu.

Mateo 6:3

Na sɛ wooyɔ adɔeɛ a, mma wo nsa benkum nnhu deɛ wo nsa nifa ɔɔyɔ,

Mateo 23:5

Na bɛyɔ bɛ nnwuma nyinaa sɛ ɔbɛyɛ a nipa behu bɛ. Na bɛyɔ bɛ nkaeɛ nwoma atɛtrɛtɛ, na bɛyɔ bɛ ntaadeɛ ano nso akɛseɛ.

1 Korintofoɔ 13:3

Sɛ mede m’ahodeɛ nyinaa kyɛ, na mede me nipadua mma sɛ bɛnhye a, na menni dɔ a, menya ho mfasoɔ biaa.