Mateo 4:24 - Apam Foforɔ

²⁴ Nti ne ho asɛm trɛɛ Siria nyinaa, na bɛde ayarefoɔ, bɛ a bɛyare yadeɛ ahodoɔ ne bɛ a bɛ honam tutu bɛ, ne bɛ a honhom fi ne twerɛ ya bɛ so, ɔne mmubuafoɔ nyinaa, baa ne nkyɛne. Na ɔsaa bɛ nyinaa yadeɛ.

Mateo 4:24 Referans Kwoze

Mateo 17:15

kaa sɛ, “Awurade, hu me ba yi mmɔbɔ, na ɔyare twerɛ, na oohu amane; na ɔtaa tɔ gya ne nsuo mu.

Mateo 8:6

sɛ, “Awurade, m’akoa abubu gu fie a ohu amane paa.”

Luka 5:15

Nso ne ho asɛm trɛɛ pii, na nnipakuo pii baeɛ sɛ beebetie no na wasa bɛ yadeɛ afiri bɛ nyarewa ahodoɔ nyinaa mu.

Luka 2:2

Yei ne nnipa-kane na odi kane; na ɔkɔɔ so berɛ a na Kirenio yɛ Siria amrado he.

Mateo 17:18

Na Yesu teatea honhommɔne he, na ofirii ne mu, na abɔfra he nyaa ayaresa saa berɛ heaa.

Mateo 15:22

Na amonom hɔaa, Kanaanni baa bi a ofiri mpɔtamu hɔ ba bɛteateam sɛ, “Hu me mmɔbɔ, Awurade, Dawid Ba; honhommɔne ɔɔha me babaa.”

Mateo 12:22

Na bɛde bi a ɔwɔ honhommɔne a ɔyɛ nifirani na ɔsane yɛ mum braa no; na ɔsaa no yadeɛ, na deɛ na nka ɔyɛ mum he kasaeɛ na ohuu adeɛ.

Asomafoɔ 10:38

Yesu Nasareni he, Nyankopɔn de Honhom Kronkron ne tumi hyɛɛ no ma, na okyinikyinii asaase he so yɔɔ papa, na ɔsaa bɛ a Bronsam hyɛ bɛ so nyinaa yadeɛ, efiri sɛ na Nyankopɔn ka ne ho.

Asomafoɔ 15:23

Na bɛde krataa maa bɛ a na mu nsɛm ne sɛ, “Anuanom, asomafoɔ ne mpanyimfoɔ he twerɛ krataa yi de kɔma agyidifoɔ a befiri amanamane a ɔya Antiokia ne Siria ne Kilikia. Yɛkyea ho.

Marko 2:3

Na nnipa binom baeɛ a na mu nnan so bubuani. Na bɛde no braa no.

Marko 1:32

Na saa da he anwummerɛ berɛ a awia kɔtɔeɛ he, bɛde bɛ a bɛyare anaa bɛwɔ ahonhommɔne nyinaa braa no.

Mateo 4:23

Yesu kyinkyinii Galilea nyinaa, kyerɛkyerɛɛ bɛ hyia adane mu, na ɔpae mu kaa ahennie he ho asɛmpa na ɔsaa bɛ a bɛyare nyinaa yadeɛ.

Asomafoɔ 15:41

Na ɔkɔfaa Siria ne Kilikia hyehyɛɛ asafo ahodoɔ he dene.

Luka 4:14

Afei Yesu a na Honhom he tumi ahyɛ no ma he sane kɔɔ Galilea. Na ne ho asɛm hyetaa nkuro a atwa hɔ ahyia he nyinaa mu.

Marko 1:28

Na ne ho asɛm firii hɔ trɛɛ ntɛm kɔɔ nsaase a atwa Galilea ho ahyia nyinaa so.

Mateo 14:1

Saa berɛ he Herode a na ɔyɛ mantam sodifoɔ he tee Yesu ho asɛm;

Yohane 10:21

Na binom nso kaa sɛ, “Nsɛm yi nyɛ nea ɔwɔ honhommɔne nsɛm. Honhommɔne betumi abie nifirani ani anaa?”

Mateo 9:35

Afei Yesu kyinkyinii nkuro ne nkuraa nyinaa ase, kyerɛkyerɛ bɛ hyiadane mu, na ɔpae mu kaa ahennie he ho asɛmpa he, na ɔsaa yadeɛ ne ahoɔmmerɛ nyinaa.

Mateo 9:26

Na yei ho amanebɔ trɛɛ mansini mu hɔ nyinaa.

Mateo 8:28

Na Yesu duruu asuogya hɔ he, Gadarenefoɔ asaase so he, nnipa mmienu a bɛwɔ honhommɔne firi afunsieɛ behyiaa no. Na bɛ ho hu nti, na nnipa biaa ntumi ntwam saa kwane he so.

Mateo 8:33

Na bɛ a bɛɛhwɛ mprakokuo he dwane kɔɔ kurom hɔ, kaa deɛ asi fa bɛ a na bɛwɔ ahohommɔne he ho kyerɛɛ bɛ.

Marko 2:4

Na berɛ a nnipa he nti bɛantumi amfa no amma Yesu nkyɛne he, bɛpaa dane he so, tuu tokuro dane he atifi, na begyeegyaa kɛtɛ he a bubuani he da so he mu besii fam.

Marko 2:9

Yei mu deɛhe ne ɔmmerɛ, sɛ bɛbɛka akyerɛ bubuani yi sɛ, ‘Bɛde wo bɔne akyɛ wo, anaa, Sɔre na fa wo kɛtɛ nante’?

Luka 4:38

Yesu sɔre firii hyiadane he mu he, ɔkɔɔ Simon fie. Na abunu akye Simon asebaa, na bɛsrɛɛ no sɛ ɔnhwɛ no.

Luka 5:24

Nso sɛ ɔbɛyɛ na hobehu sɛ Nipa Ba he wɔ tumi ya asaase so sɛ ɔde bɔne kyɛ nti​, Yesu ka kyerɛɛ bubuafoɔ he sɛ, “Meeka akyerɛ wo sɛ, sɔre fa wo kɛtɛ na kɔ wo fie!”

Asomafoɔ 8:7

Na nnipa pii wɔ ahonhom fi, na ahonhom fi he de nne kɛseɛ teateam firii bɛ mu firiiɛ. Afei nso, mmubuafoɔ ne mpakye pii nyaa ayaresa.

Luka 7:17

Na Yesu ho asɛm yi trɛ kɔɔ Yudea nyinaa ne nkuro a atwa ho ahyia nyinaa mu.

Asomafoɔ 28:9

Yei akyi he, supɔ he so nnipa a aka a bɛwɔ nyarewa nso firii aseɛ baa ne nkyɛne maa ɔsaa bɛ yadeɛ.