Mateo 26:70 - Apam Foforɔ

⁷⁰ Na ɔsanee bɛ nyinaa bɛ anim kaa sɛ, “Mennim deɛ wooka ho asɛm yi.”

Mateo 26:70 Referans Kwoze

1 Korintofoɔ 10:12

Nti nea ɔyɛ no sɛ ogyina hɔ he, ɔnhwɛ na wanhwe ase.

Adiyisɛm 21:8

Nso ahufoɔ ne bɛ a bɛnnye nni ne akyiwadeyɔfoɔ ne awudifoɔ ne adwamanfoɔ ne adutofoɔ ne abosonsomfoɔ ne atorɔfoɔ nyinaa benya bɛ kyɛfa ya tadeɛ a gya ne sɔfe ɔɔdɛre mu he. Yei ne wuprenu he.”

Romafoɔ 11:20

Ɛɛ, yei yɛ nɔkorɛ. Gye a bɛannye anni nti ne betwaa bɛtweneeɛ, nso gyidie nkoaa so ne wobegyina. Nti nyɛ ahantan, na mmom fa suro gyina pintinn.

Mateo 26:58

Na Petro dii n’akyi akyirikyiri de koduruu sɔfo panyini he abane mu hɔ, na ɔkɔɔ mu he ɔne asraafoɔ he tenaa ase sɛ ɔɔbɛhwɛ deɛ obesi.

Mateo 26:56

Nso yei nyinaa asi, sɛ ɔbɛyɛ a adiyifoɔ he atwerɛ he bɛba mu.” Afei asuafoɔ he nyinaa gyaa no hɔ dwaneeɛ.

Mateo 26:51

Amonom hɔaa, bɛ a bɛka Yesu ho he mu baako twee ne sekane twaa sɔfo panyini he akoa aso.

Mateo 26:69

Berɛ a yeinom ɔɔkɔ so he na Petro te fie he adihɔ. Abaawa bi baa ne nkyɛne bɛkaa sɛ, “Wo nso na woka Yesu a ofiri Galilea he ho.”

Mateo 26:71

Petro pie kɔɔ abranaa he so he, abaawa foforɔ huu no, na ɔka kyerɛɛ bɛ a begyina hɔ he sɛ, “Na beema yi ka Nasareni Yesu ho.”

Luka 22:57

Nso Petro sanee sɛ, “Baa, mennim no.”