Mateo 26:11 - Apam Foforɔ

¹¹ Na howɔ ahiafoɔ ya ho nkyɛne daa, na me deɛ hoonya me daa.

Mateo 26:11 Referans Kwoze

Marko 14:7

Na ahiafoɔ deɛ bɛya ho nkyɛne daa, na hobetumi ayɔ bɛ papa berɛ biaa a hopɛ, na me deɛ menntena ho nkyɛne daa.

Yohane 12:8

Ahiafoɔ deɛ, bɛya ho nkyɛne daa, na me deɛ honnya me daa.”

Yohane 16:28

Mefiri Agya he nkyɛne ne aba wiase. Afei deɛ meefiri wiase akɔ Agya he nkyɛne.”

Yohane 16:5

Na afei deɛ meekɔ nea ɔsomaa me he nkyɛne, nso ho mu biaa mmisa me sɛ, ‘He ne wookɔ?’

Yohane 14:19

Aaka kakra na wiase nhu me bio, na ho deɛ hobehu me efiri sɛ, mete ase, nti ho nso hobɛtena ase.

Yohane 13:33

Mma nkumaa, mene ho ya hɔ mmerɛ tiaa bi. Hobɛhwehwɛ me, na sɛnea maka akyerɛ Yudafoɔ he sɛ, ‘Baabi a meekɔ hontumi mma hɔ he, saa ne seesei meeka akyerɛ ho nso.’

Asomafoɔ 3:21

a ɔsɛ sɛ ɔtena soro kosi berɛ a bebesiesie nnoɔma nyinaa sɛnea Nyankopɔn nam n’adiyifoɔ kronkron he so firi teteete aka he.

Yohane 17:11

Na afei nso, menni wiase bio, na mmom bɛ deɛ bɛya wiase, na meeba wo nkyɛne. Agya Kronkron, bɔ bɛ a wode bɛ ama me he ho bane wo dini mu na bɛayɛ baako sɛ yɛyɛ baako he.

Mateo 28:20

na honkyerɛkyerɛ bɛ sɛ benni deɛ mahyɛ ho nyinaa so. Na hwɛ, me ne ho ya hɔ nna nyinaa de kosi wiase awieeɛ.”

Mateo 18:20

Baabi a nnipa mmienu anaa mmeɛnsa ahyia me dini mu he, na meka bɛ ho.”

1 Yohane 3:17

Sɛ bi yɛ defoɔ na ohu sɛ ne nua hia bibi, na wanhu ne mmɔbɔ a, ɔbɛyɛ dɛ na watumi aka sɛ ɔdɔ Nyankopɔn n’akoma mu?

Galatifoɔ 2:10

Adeɛ baako pɛ ne bɛsrɛeɛ, sɛ yɛbɛkae ahiafoɔ, adeɛ a na ɔda m’akoma so sɛ mɛyɔ.

Mateo 26:10

Na Yesu huu yɛ he, obisaa sɛ, “Ɛɛne nti ne hooha baa he? Waayɔ adwuma pa ama me.