Mateo 19:29 - Apam Foforɔ

²⁹ Na biaa a me dini nti, wagya afie anaa nuammeema anaa nuammaa, anaa papa anaa maame anaa mma, anaa nsaase hɔ he, obenya no mmɔho ha, na obenya daa nkwa nso.

Mateo 19:29 Referans Kwoze

Filipifoɔ nwoma 3:8

Nɔkwasɛm ne sɛ, mebu nnoɔma nyinaa adehweredeɛ, ɔnam m’Awurade Kristo Yesu ho nimdeɛ he boɔ a ɔkyɛne so he nti. Ɔno nti mahwere nnoɔma nyinaa, na mebu adeɛ nyinaa sumina so adeɛ, na manya Kristo,

Luka 14:26

“Sɛ bi ba me nkyɛne na w’annɔ me asene ne papa ne ne maame ne ne yerɛ ne ne mma ne ne nuammeemanom ne ne nuammaanom ne n’ankasa mpo kra a, ontumi nyɛ me suani.

Mateo 16:25

Na bɛ a bɛpɛ sɛ bɛkora bɛ kra he, obefiri bɛ nsa, na bɛ a me nti bɛbɛhwere bɛ kra he, bɛ nsa bɛka.

Mateo 6:33

Nso honni kane nhwehwɛ Nyankopɔn ahennie ne ne tenenee, na ɔde yeinom nyinaa nso bɛka ho ho.

1 Petro 4:14

Nhyira nka ho sɛ Kristo dini nti bɛya ho, efiri sɛ animuonyam honhom a ɔyɛ Nyankopɔn honhom he ya ho so.

Mateo 10:22

na me dini nti nnipa nyinaa bɛtane ho. Na nea obegyina akosi awieeɛ he, ɔno ne bɛbɛgye no nkwa.

Yohane 15:19

Sɛ howɔ wiase afa a, wiase bɛdɔ ho sɛ ɔnoaa ne deɛ. Na esiane sɛ honni wiase afa, na mmom maayi ho afiri wiase nti, wiase tane ho.

Luka 6:22

“Nhyira ne ho sɛ nnipa tane ho, na beyi ho firi nnipa mu, na bɛbɔ ho ahohora, na Nipa Ba he nti, bɛmmɔ ho dini nka asɛm te sɛnea ho dini yɛ akyiwadeɛ.

Mateo 5:11

Nhyira ne ho sɛ nnipa ka nsɛm gu ho so, na bɛtaa ho na bɛka nsɛmmɔne bebree fa ho ho, na me nti bedi torɔ gu ho so.

1 Korintofoɔ 2:9

Nso sɛnea bɛatwerɛ sɛ, “Deɛ ani biaa nhuu da, anaa aso ntee da, na nnipa akoma nwenee ho, deɛ Nyankopɔn asiesie ama bɛ a bɛdɔ no,”

Asomafoɔ 9:16

Na m’ankasa mɛkyerɛ no amaneɛ a otwa sɛ ɔba no so ɔnam me dini nti.”

Mateo 25:34

Na hene he bɛka akyerɛ bɛ a bɛya ne nifa so he sɛ, ‘Hommra, ho a m’Agya ahyira ho, hommɛfa ahennie a bɛasiesie ama ho firi wiase mfitiaseɛ he nni;

Mateo 19:16

Afei, nipa bi baa Yesu nkyɛne bebisaa no sɛ, “Kyerɛkyerɛfoɔ, mmɛ nwuma pa ne menyɔ na manya daa nkwa?”

Mateo 13:23

Na deɛ beguu no asaase pa so he, ɔno ne nipa a ɔte asɛm he a ɔte aseɛ, na ɔsõ aba bebree, bi mmɔho ha, bi nso mmɔho aduosia, bi nso mmɔho aduasa.”

2 Korintofoɔ 5:16

Nti, ofiri nnɛ ɔɔkɔ yi, yennim biaa honam fam; ɔyɛ nɔkorɛ sɛ na yenim Kristo honam fam deɛ, nso yenhu no saa bio.

Mateo 25:46

Na yeinom befiri hɔ akɔ daa asotwe mu, na ateneneefoɔ he bɛkɔ daa nkwa mu.”

Mateo 13:8

Aba he bi nso koguu asaase pa mu na ɔsoo aba bebree, bi mmɔho ha, bi mmɔho aduosia, bi mmɔho aduasa.

3 Yohane 1:7

efiri sɛ, Kristo dini mu ne bɛnam, na bɛnhwehwɛ mmoa biaa mfiri bɛ a bɛnyɛ agyidifoɔ he nkyɛne.

Luka 5:11

Nti bɛsane de akodoɔ he baa asaase so, na begyaa bibiaa hɔ dii n’akyi.

Yohane 4:36

Nea otwa he ɔɔgye akatua dada na ɔɔboaboa aba ano akɔ daa nkwam; na nea oduaeɛ ne nea otwaeɛ nyinaa ani agye abom.