Mateo 13:41 - Apam Foforɔ

⁴¹ Nipa Ba he bɛsoma n’abɔfoɔ, na bɛbɛboaboa bibi a ɔto sintidua ne abɔneyɛfoɔ nyinaa ano afiri n’ahennie mu,

Mateo 13:41 Referans Kwoze

Mateo 24:31

Na ɔbɛsoma n’abɔfoɔ ama bɛde totorobɛnto nyegyeɛ a ano ɔdene aba; na bɛbɛboaboa bɛ a bɛayi bɛ he ano afiri wiase mframa nnan he mu, firi soro ano akosi ano.

Adiyisɛm 21:27

Nso bibiaa a ho nte nkɔ kuro he mu. Saa ara ne bi a ɔyɛ aniwudeɛ anaa odi atorɔ nkɔ mu. Bɛ a bɛatwerɛ bɛ dini ahyɛ Dwammaa he nkwa nwoma he mu he nkoaa na bɛbɛkɔ kuro he mu.

Mateo 18:7

“Wiase nnue, sintidua nti! Otwa sɛ sintidua toɔ ba, nso deɛ ɔnam ne so bɛba he, onnue!

Hebrifoɔ 1:14

Nti abɔfoɔ nyinaa nyɛ honhom a bɛsom Nyankopɔn a wasoma bɛ sɛ bɛnsom nkwagyeɛ diadefoɔ anaa?

Romafoɔ 2:16

da a Nyankopɔn a ɔnam Yesu Kristo so, bebu nnipa nyinaa kokoam nsusuiɛ atɛne sɛnea asɛmpa a maka he teɛ.

Mateo 13:49

Saa ara ne ɔbɛyɛ awieeɛ berɛ mu. Abɔfoɔ he bɛba abɛfa abɔnefoɔ he afiri teneneefoɔ mu

Marko 13:27

Afei ɔbɛsoma abɔfoɔ he, na bɛakɔboaboa bɛ a bɛayi bɛ afiri atifi kɔpem anaafoɔ, apieeɛ kɔpem atɔeɛ, ofiri asaase ano de kosi soro ano.

Mateo 8:20

Na Yesu ka kyerɛɛ no sɛ, “Sakramane wɔ bɔno, na nnomaa a bɛya wiem wɔ pirebuo; nso Nipa Ba he deɛ onni baabi a ɔde ne ti bɛto mpo.”

Mateo 3:12

Okita ne huhuammoa ne nsam, na ɔbɛpra n’ayuporobea hɔ na woaboaboa n’ayuo ano akogu pata so; nso ntɛ he deɛ, ɔde gya a onnum da bɛhye ne nyinaa.”