Mateo 13:25 - Apam Foforɔ

²⁵ na berɛ a nnipa daeɛ he, tamfoɔ bi ba beguu wuraa fraa ayuo he mu, na ɔkɔeɛ.

Mateo 13:25 Referans Kwoze

1 Petro 5:8

Homma ho ani nna hɔ, na honwɛne, efiri sɛ, ho tamfoɔ bronsam he nam sɛ gyata a ɔɔbobom hwehwɛ nea obenya no amene.

2 Petro 2:1

Nso, atorɔ adiyifoɔ sɔree bɛ mu, sɛdeɛ akyerɛkyerɛfoɔ atorɔfoɔ bɛsɔre ho nso ho mu, awiawia bɛ ho abɛkyerɛ nkyerɛkyerɛ bɔne a nɔkorɛ nni mu, na bɛapo owura he a ɔgyee bɛ he sɛ bɛ Awurade, na ɔnam so ama sɛeɛ aba bɛ so prɛko pɛ he.

Mateo 13:39

na tamfoɔ a oduaa wuraa he ne Bronsam; twaberɛ he ne awieeɛ berɛ, na twafoɔ he ne abɔfoɔ.

Adiyisɛm 12:9

Bɛtoo tweaseɛ kɛseɛ he tweneeɛ. Ɔno ne wɔ dadaa he a bɛfrɛ no Bronsam ne Satan he, ɔno ne daadaa wiase nyinaa he. Na bɛtoo no twenee asaase so a na n’abɔfoɔ nyinaa ka ne ho.

Hebrifoɔ 12:15

Honhwɛ yie na Nyankopɔn adom he ammɔ biaa; na nhini biaa a nwonwono yam amfifiri ho mu na ammɛyɛ haw amma ho, na angu nnipa bebree ho fi.

Mateo 25:5

Ɔkyɛreɛ a ayefokunu he mmaeɛ he, bɛ nyinaa bɛ ani kumiiɛ na bɛdedaeɛ.

Galatifoɔ 2:4

Nso ɔnam sɛ na anuanom atorɔfoɔ bi awiawia bɛ ho aba yɛ mu sɛ bɛbɛtetɛ yɛ ahwɛ ahofadie a yɛwɔ no Kristo Yesu mu, sɛnea ɔbɛyɛ a bɛde yɛ bɛkɔ Mmara nkoasom mu nti

Adiyisɛm 2:20

Nso nea mewɔ nsɛm bi tia wo: Wososɔɔ baa bi a ne dini de Isebel, a ɔfrɛ ne ho diyifoɔ he so. Saa baa yi kyerɛkyerɛ, na odi m’asomfoɔ anim ma bɛbɔ adwamane di abosom-nnuane.

Adiyisɛm 13:14

Na ɔnam anwanwadeɛ a bɛmaa no ho kwane maa no yɔeɛ ya aboa a odi kane he anim he so daadaa nnipa a bɛte asaase so nyinaa. Aboa he ka kyerɛɛ wiase nnipa nyinaa sɛ, bensi honyini mma aboa a bɛde nkrantɛ piraa no na nso n’apirakuro he awu na ɔte ase bio he.

Mateo 13:24

Ɔmaa bɛ mfantoho foforɔ sɛ, “Yebetumi de soro ahennie he atoto nipa bi a oguu aba pa n’afuom ho;

Mateo 13:26

Afei berɛ a ofifiriiɛ a na ɔɔso aba he, saa berɛ heaa ne wuraa he nso fifiriiɛ.

Mateo 13:27

Na ne nkoa ba bebisaa no sɛ, ‘Owura, ɔnyɛ aba pa ne woduaa no w’afuo mu yi? Na afei wuraa yi firi he?’

Mateo 13:29

Nso obuaa sɛ, ‘Daabi; sɛ hootutu wura he a hobetutu ayuo he afra.

Mateo 13:30

“Homma ne nyinaa mmom nyini nkosi twaberɛ; na oduru twaberɛ a mɛka akyerɛ twafoɔ he sɛ, Honni kane nsesa wura he na honkyekyere no akuoakuo nkɔhye no, na ayuo he deɛ honsesa nkogu m’apata so.’ ”