Mateo 10:15 - Apam Foforɔ

¹⁵ Nɔkorɛ meeka akyerɛ ho sɛ, atemuda he Nyankopɔn behu Sodom ne Gomora mpo mmɔbɔ akyɛne saa kuro he.

Mateo 10:15 Referans Kwoze

2 Petro 2:6

na afei nso, sɛ ɔhyee Sodom ne Gomora nkuro ma no danee nsõ, na ɔde sɛeɛ buu bɛ fɔ hyee bɛ ase de bɛ yɔɔ nhwɛsoɔ maa bɛ a akyire yi bɛbɛyɛ amumuyɔdeɛ,

1 Yohane 4:17

Saa kwane yi so ne dɔ wie pɛyɛ yɛ mu, na ama yɛatumi akasa akokoɔduro mu atemmuda he, efiri sɛ sɛnea ɔteɛ he, saa nso ne yɛteɛ wiase yi mu.

2 Petro 3:7

Nso soro ne asaase a ɔya hɔ seesei yi deɛ, bɛnam Nyankopɔn asɛm heaa so ɔɔkora ama gya asɛe no. Bɛɛkora ama da a bebebu nnebɔnyɛfoɔ atɛne na bɛasɛe bɛ he.

2 Petro 2:9

hedeɛ na Awurade nim kwane a ɔbɛfa so agye n’akyidifoɔ afiri haw mu, na wama bɛatwe bɛ a bɛntene aso de akosi atemmuo da he,

Marko 6:11

Baabi a hobɛkɔ a bɛannye ho he, na bɛantie ho he, sɛ hoofiri hɔ a, homporoporo ho nane ase mfuturo ngu hɔ, na ɔnyɛ adanseɛ ntia bɛ.”

Mateo 12:36

Meeka akyerɛ ho, atemmuda he hobebu asemhunu biaa a efiri ho anum ba ho akonta;

Mateo 5:18

Nɔkorɛ meeka akyerɛ ho, kosi sɛ soro ne asaase betwam he, atwerɛdeɛ anaa nsensaneɛ ketewa baako mpo omfiri mmara he mu kosi sɛ ne nyinaa bɛba mu.

Mateo 7:22

Saa da he, bebree bebisa me sɛ, Awurade, Awurade, yɛamfa wo dini anhyɛ nkɔm, na yɛamfa wo dini antutu ahonhommɔne, na yɛamfa wo dini annyɔ tumideɛ pii anaa?

Yohane 6:39

Nea ɔsomaa me he apɛdeɛ ne sɛ memma nea ɔde ama me he mu biaa nyera, na mmom sɛ menyane no da a odi akyi he.

Yohane 6:40

Na m’Agya apɛdeɛ ne sɛ biaa a ohu Ba he na ɔgye no di he benya daa nkwa, na menyane no da a odi akyi he.”

Yohane 12:48

Nea ɔpo me na ɔnnye me nsɛm he wɔ temmufoɔ baako. Nsɛm a maka heaa ne bebu no atɛne da a odi akyire he mu,

Asomafoɔ 17:31

efiri sɛ waayi da bi asi hɔ a wabɔ ne tim pɔ sɛ ɔnam beema bi a wayi no so bebu wiase atentenee mu, na wanyane no afiri awufoɔ mu de ayɔ nnyinasodeɛ ama nnipa nyinaa.”

1 Korintofoɔ 3:13

dansifoɔ biaa adwuma bɛda adi, na Da he bɛda no adi, efiri sɛ gya ne bɛde beyi no adi, na gya he bɛsɔ biaa adwuma a waayɔ ahwɛ.

1 Tesalonikafoɔ 5:4

Na ho deɛ, anuanom, honni sum mu nti da he ɔnyɛ ho nwanwa, sɛnea korɔmfoɔ mmaeɛ yɛ he.

Hebrifoɔ 10:25

hommma yennyae yɛ ho yɛ ho nhyiamu, sɛdeɛ binom agyae bɛ ho bɛ ho nhyiamu he, na mmom homma yɛnhyehyɛ yɛ ho yɛ ho nkurane, ne titire mmerɛ a yehu sɛ Da he abɛne.

Yuda 1:6

Na abɔfoɔ a bɛtraa bɛ tumi, na begyaa bɛ atenaeɛ he, bɛde daa nkɔnsɔnkɔnsɔn agugu bɛ ya sum kabii mu a Nyankopɔn de bɛ asie ɔɔtwɛne da kɛseɛ he atemmuo.

Yuda 1:7

Saa ara ne Sodom ne Gomora ne nkuro a atwa bɛ ho ahyia a bɛyɔɔ sɛ yeinom, de bɛ ho maa adwamammɔfoɔ, na bekodii honam akɔnnɔ akyi a na ɔnyɛ ne kwane so, na bɛde daa gya twee bɛ aso de ayɔ nsɛnnahɔ ama yɛ.