Marko 8:33 - Apam Foforɔ

³³ Na ɔdanee n’ani hwɛɛ n’asuafoɔ he, na ɔkaa Petro anim sɛ, “Firi me so, Satan! Efiri wonnwene Nyankopɔn adwene, na mmom nipa deɛ.”

Marko 8:33 Referans Kwoze

Mateo 4:10

Yesu ka kyerɛɛ no sɛ: Firi hɔ, Satan! Na bɛatwerɛ sɛ: “Awurade wo Nyankopɔn nkoaa ne sɔre no, na ɔno nkoaa nso ne som no.”

1 Yohane 2:15

Honnnɔ wiase anaa bibiaa a ɔyɛ wiase deɛ. Biaa a ɔdɔ wiase he, Agya he dɔ nni ne mu.

Filipifoɔ nwoma 3:19

Bɛ awieeɛ yɛ sɛeɛ; bɛ nyame ne bɛ yafunu; na bɛ animuonyam ya bɛ animguaseɛ mu; bɛ adwene si asaase so nnoɔma so.

Adiyisɛm 3:19

Mekɔ so twe bɛ a medɔ bɛ he nyinaa aso. Nti bɔ mmɔdene na sakra w’adwene.

1 Petro 4:1

Esiane sɛ Kristo huu amane ne honam mu nti, ho nso homfa adwene korɔ heaa bi mfa nhyɛ ho ho dene. Efiri sɛ, biaa a ohu amane honam mu he ne bɔne nni bibiaa yɔ.

1 Timoteo 5:20

Na bɛ a bɛkɔ so tena bɔne mu he deɛ, yi bɛ atene nnipa nyinaa anim na ama bɛ a bɛaka he nso bɛasuro.

1 Korintofoɔ 5:5

ɔsɛ sɛ hode saa nipa he hyɛ Satan nsa na ama ne honam he sɛe, na ne kra anya nkwa Awurade da he.

Luka 22:61

Na Awurade danee n’ani hwɛɛ Petro, na Petro kae asɛm a Awurade ka kyerɛɛ no he sɛ, “Ansa na akokɔ bɛbɔno nnɛ he, na woapo me mprɛnsa.”

Marko 3:34

Na ɔhwɛɛ bɛ a bɛtete ne nkyɛne he kaa sɛ, “Yeinom ne me maame ne me nuanom.

Marko 3:5

Na ɔde abufuo hwɛɛ bɛ nyinaa hyiaeɛ; na ne werɛ hoeɛ bɛ akoma dene he nti, na ɔka kyerɛɛ beema he sɛ, “Tene wo nsa.” Ɔteneeɛ, na ahoɔdene baa ne nsa he mu bio.

Mateo 15:23

Nso wammua no koraa. Na n’asuafoɔ he baa ne nkyɛne bɛsrɛɛ no sɛ, “Pam no ma no nkɔ, na ɔɔteateam gu yɛ so dodo.”

Tito 1:13

Saa adansedie yi yɛ nɔkorɛ. Ne saa nti yi bɛ atɛne dendene, sɛdeɛ ɔbɛyɛ a bebekura nɔkorɛ gyidie he mu,

Luka 9:55

Nso ɔdane n’ani kaa bɛ anim.

Luka 4:8

Yesu ka kyerɛɛ no sɛ, “Bɛatwerɛ sɛ, ‘Awurade wo Nyankopɔn ne ɔsɛ sɛ wokoto no, na ɔno nkoaa ne ɔsɛ sɛ wosom no.’ ”

Mateo 16:23

Na ɔdanee ne ho ka kyerɛɛ Petro sɛ, “Firi me so kɔ, Satan! Woyɛ sintidua ma me; efiri sɛ woamfa w’adwene ansi Nyankopɔn so na mmom honam nnwuma so.”