Marko 7:2 - Apam Foforɔ

² behuu sɛ n’asuafoɔ he bi de nsa a ho agu fi oodi paanoo, ɔne sɛ bɛanhohoro bɛ nsa ho.

Marko 7:2 Referans Kwoze

Asomafoɔ 10:28

na ɔka kyerɛɛ bɛ sɛ, “Ho ankasa honim pefee sɛ mmara mma kwane sɛ Yudani ne abusua foforɔ munii bɛbɔ anaa ɔbɛbɛne no, nso Nyankopɔn akyerɛ me sɛ ɔnsɛ sɛ mefrɛ nipa biaa sɛ ne ho agu fi anaa ne ho nte.

Romafoɔ 14:14

Menim na megye di Awurade Yesu mu sɛ bibi biaa nni hɔ a honnte ankasa; nso honnte mma nea ɔdwene sɛ honnte.

Asomafoɔ 11:8

Na mekaa sɛ, ‘Daabi da, Awurade, efiri sɛ mennii bibiaa ho agu fi anaa ho nte da.’

Mateo 15:2

“Mmɛ nti ne w’asuafoɔ he bu mpanyimfoɔ atetesɛm so yi? Bɛnnhohoro bɛ nsa ansa na bɛadidi.”

Marko 7:5

Nti Farisifoɔ ne atwerɛfoɔ he bisaa no sɛ, “Mmɛ nti ne w’asuafoɔ nni mpanyimfoɔ atetesɛm he so yi, na bɛde nsa a ho agu fi ne didi yi?”

Luka 11:38

Nso, berɛ a Farisini no huu sɛ wanni kane anhohoro ne nsa ansa na oodidi he, ɔyɛɛ no nwanwa.

Hebrifoɔ 10:29

Mmɛ asotwe koraa ne ɔboro so a hosusu sɛ ɔfata sɛ bɛde bɛtwe bɛ a bɛde Nyankopɔn Ba he anim atwitwi fam na bɛabu apam mogyaa a bɛde tee bɛ ho he animtia, na bɛasopa adom Honhom he?

Adiyisɛm 21:27

Nso bibiaa a ho nte nkɔ kuro he mu. Saa ara ne bi a ɔyɛ aniwudeɛ anaa odi atorɔ nkɔ mu. Bɛ a bɛatwerɛ bɛ dini ahyɛ Dwammaa he nkwa nwoma he mu he nkoaa na bɛbɛkɔ kuro he mu.