Marko 2:20 - Apam Foforɔ

²⁰ Nso nna bi bɛba a bɛbɛfa ayefokunu he afiri bɛ nkyɛne, na afei bɛbɛkyene kɔm.

Marko 2:20 Referans Kwoze

Luka 17:22

Afei ɔka kyerɛɛ asuafoɔ he sɛ, “Nna bi ɔɔba a hobɛpɛ sɛ hohu Nipa Ba he nna he mu baako nso hoonhu.

Adiyisɛm 21:9

Abɔfoɔ nson a bekitakita nkuruwaa nson a haw nson a otwa toɔ he ahyɛ no ma he mu baako baa me nkyɛne bɛkaa sɛ, “Bra, na mɛkyerɛ wo Ayeforɔ a ɔyɛ Dwammaa he yerɛ he.”

Adiyisɛm 19:7

Homma yɛ ho nsɛpɛ yɛ na yɛ ani nnye na yɛnhyɛ no animuonyam, efiri sɛ, dwammaa he ayefohyia aduru, na ne yerɛ asiesie ne ho.

2 Korintofoɔ 11:27

adwuma ne brɛ mu, apesire mu, kɔm ne sukɔm mu, mmuada pii mu, awɔ ne adagya mu.

2 Korintofoɔ 11:2

Na ninkunu a metwe ya ho ho he, metwe no Nyankopɔn mu. Efiri sɛ maahyɛ bɔ sɛ mede ho bɛma agye beema baako awadeɛ, na mede ho ama Kristo sɛ babunu bi a fi nka no da.

1 Korintofoɔ 7:5

Hommfa ho ho nkame ho ho gye ho mmienu apene so sɛ hobɛtena ase berɛ kakra bi, de anya adaagye ama mpaebɔ, na hoabehyia bio. Honyɔ ne saa na Satan ansɔ ho nhwɛ, ɔnam ahohyɛsoɔ a honni nti.

Asomafoɔ 14:23

Na beyii mpanyimfoɔ maa asafo biaa, na bɛde akɔmkyene bɔɔ mpaeɛ de bɛ hyɛɛ Awurade a bɛabenya ne mu gyidie he nsa.

Asomafoɔ 3:21

a ɔsɛ sɛ ɔtena soro kosi berɛ a bebesiesie nnoɔma nyinaa sɛnea Nyankopɔn nam n’adiyifoɔ kronkron he so firi teteete aka he.

Asomafoɔ 1:9

Na ɔkaa yeinom wieeɛ a na bɛɛhwɛ no he, bɛmaa no so, na mununkum bɛkataa no so a afei na benhu no bio.

Yohane 17:13

Na afei meeba wo nkyɛne, na meeka yeinom wiase na ama bɛanya m’anigyeɛ, na awie pɛyɛ bɛ mu.

Yohane 17:11

Na afei nso, menni wiase bio, na mmom bɛ deɛ bɛya wiase, na meeba wo nkyɛne. Agya Kronkron, bɔ bɛ a wode bɛ ama me he ho bane wo dini mu na bɛayɛ baako sɛ yɛyɛ baako he.

Yohane 16:28

Mefiri Agya he nkyɛne ne aba wiase. Afei deɛ meefiri wiase akɔ Agya he nkyɛne.”

Yohane 16:7

Nso meeka nɔkorɛ akyerɛ ho sɛ, ɔyɛ ma ho sɛ mɛkɔ, efiri sɛ, sɛ mankɔ a, Kyigyinafoɔ he ɔmma ho nkyɛne. Na sɛ mekɔ a, mɛsoma no ama no aba ho nkyɛne.

Yohane 13:33

Mma nkumaa, mene ho ya hɔ mmerɛ tiaa bi. Hobɛhwehwɛ me, na sɛnea maka akyerɛ Yudafoɔ he sɛ, ‘Baabi a meekɔ hontumi mma hɔ he, saa ne seesei meeka akyerɛ ho nso.’

Yohane 3:29

Nea ayeforɔ he wɔ no he ne ayefokunu. Na ayefokunu adamfo a ogyina hɔ na otie ayefokunu he deɛ, n’ani gye paa. Nti m’anigyeɛ awie pɛyɛ.

Mateo 26:31

Afei Yesu ka kyerɛɛ asuafoɔ he sɛ, “Anadwo yi, deɛ ɔbɛba me so he bɛto ho nyinaa sintidua; efiri sɛ bɛatwerɛ sɛ, ‘Mɛbɔ dwanhwɛfoɔ he, na nnwane he bɛhwete.’

2 Korintofoɔ 6:5

hweɛ mu, afiase nna mu, sakasaka mu, adwumadene mu, kɔdaanna mu, kɔm mu.

Yohane 12:8

Ahiafoɔ deɛ, bɛya ho nkyɛne daa, na me deɛ honnya me daa.”

Mateo 9:15

Na Yesu ka kyerɛ bɛ sɛ, “Ayefohyia he ahɔhoɔ ntumi nni awerɛhoɔ berɛ a ayefokunu he ya bɛnkyɛne, ɔnte saa? Nna bi bɛba a bɛbɛfa ayefokunu he afiri bɛnkyɛne, na afei bɛbɛkyene kɔm.

Marko 2:19

Yesu bisaa bɛ sɛ, “Nnipa a bɛkɔ ayefohyia ntumi nkyene kɔm berɛ a ayefokunu he ya bɛ nkyɛne, ɔnte saa’? Mmerɛ tentene a ayefokunu he ne bɛya hɔ he, ɔnsɛ sɛ bɛkyene kɔm.

Marko 2:21

“Bɛmmfa ntoma mono sini ntɛ ataadeɛ dada mu; anyɛ saa a, ntemu he bɛte afiri mu, kyerɛ sɛ, ntemu mono he befiri dada he mu, na nteɛ he bɛyɛ kɛse paa.

Luka 5:35

Nso nna bi bɛba a bɛbɛfa ayefokunu he afiri bɛ nkyɛne; saa nna he mu ne bebedi mmuada.”